السلام عليكم ورحمة الله ..

وأخيراً ... اي هاد هو

وبصراحة ما بعرف شو جواب سؤالك 

...............................

اوك رح احكيلك كلشي بتذكرو من محاضرة اليوم العملي
اول شي يتألف العظم الوتدي من جسم العظم الوتدي وجناحان صغيران وجناحان كبيران وناتئان جناحيان
كلياتون بينشافوا من جوات عظم القحف ماعدا الناتئان الجناحيان بينشافو من براتو
موجودين خلف الفم كل ناتئ مكون من صفحيتين وحدة وحشية ووحدة انسية وبيناتون ثقبة نسيت شو اسما
بمكان اتصال الجناح الصغير بجسم العظم الوتدي في نفق هوه نفق العصب البصري بمر منو العصب البصري الي رقمو 2
بين الجناحين الصغيرين من الامام والجناحين الكبيرين من الخلف في شق حجاجي علوي بمر منو عصب عيني
بالجناح الكبير للوتدي في 3 ثقب هنن بالترتيب المدورة والبيضية والشوكية
بمر من المدورة العصب الفكي
ومن البيضية عصب الفكي السفلي
بالشوكية بمر العصب السحائي
هلأ العصب العيني والفكي والفكي السفلي هدول التلاته هنن بالاصل بيرجعوا لعصب اسمو عصب توأمي ثلاثي او هيك شي نسيتو والله المهم بتذكر انو هوه العصب الخامس
هادا كلشي بتذكرو صححولنا ازا في غلط وكملونا معلوماتنا
وشكرا D:

أحسنت يا صادق ..

معلومات لا بأس بها كبداية ..

الثقبة البيضية على ما أذكر قبل المدورة !!!

على كلٍ .. يمر منها أيضاً .. العصب الصخري الكبير (مو مهم كتير)

أما بالنسبة للشق الحجاجي العلوي .. فأنوه إلى وجوده بين كل من

الجناح الصغير للوتدي والجناح الكبير .. عند اتصالهما بالعظم ..

(( يعني متل ما قلت يا صادق .. بس هاللفظ المفرد أفضل من المثنى

مشان يكون واضح للكل .. وجود شق حجاجي في كل نصف ))

و الله يقويك ..

سلام عليكم
بالله بدي اسألكن طلاب التانية  بخصوص انو أخ أحمد التلنا انو الأفضل انو نحضر قبل ما نروح  عالمحاضرة اي انا والله ما عم لحق اقرا اللي أخدناهن أصلن .انتو كنتو تقدرو تحضرو  و نحنا كسلانين ولا هي مجرد نصائح ليست للتطبيق..............  
سلامااااااتيييي

السلام عليكم ورحمة الله وبركاته ...

شو يا طلاب الأولى ؟؟ شو الأوضاع معكون ؟

طمنونا عن أخبار هالمادة !! و إن شاء الله صرتوا تفهموا على الدكتور ؟؟

........................

عما نسمع أخبار طيبة من أصحابنا بالسنة الأولى ..

و كأنهون تعودوا على المادة ... و صاروا يعرفوا يدرسوها

.......................

شو رأيكن انتابع بهالمادة بشوية نقاشات كمان ؟؟

يلااا .. إذا عندكون شي تفضلوا .. و أنا رح شوف شو ممكن قدم

السلام عليكم

السلام عليكم
اول شي منشان اوضاعنا مع المادة تحسنت نوعا ما بعد العملي بس لساتنا ضايعين بالنظري لانو وصلنا لعند فروة الراس و بالعملي بكرا بدنا ناخد العظم القذالي لهيك قررنا انو نمشي مع العملي بما انو ماعم نفهم شي من النظري
وعلى كلن مالنا غير الصبر والدراسةوانشا الله  بيمشي الحال