لا حول ولا قوة إلا بالله ..

الله يكون بعونكون بهالمادة !

على حسب ما دريت بآخر فترة

إنو متغيرة كتير .. يعني مو متل يللي أخدناها

على كل حال أختي ثواب .. استهدي بالرحمن

إلا ما يفرجها ربك .. و بتعرفي .. لو بيطلع بإيدي شي

ما بقصر ... بس ما في مجال والله

موفقين يا رب ......

مرحبا
والله انا عم حاول ركز بالنظري و حاول افهم بس ما عم اقدر ابدا
و الله الدكتور عم يفوتنا ب 600 حيط
منكون بموضوع بينتقل لموضضوع تاني
و عم يحط الرموز بالانكليزي
و نحن بالبكالوريا اخدين الرموز بالعربي
و ما عم نعرف رمز من رمز
و ما عم نفهم القوانين
ممكن تساعدوني؟؟؟؟؟؟
انا كتييييييييييير ضايعة
و لكم جزيل الشكر

لك والله اهلا وسهلا فيك ست ايناس واخيرا والله نور المنتدى مو هيك شباب
على كلن مشان الفيزيا والله ما بعرف شو بدنا نعمل كلنا بالهوى سوا
بس شوفي اليوم انا ركزت شوي مع الدكتور ماشي الحال فهمت شوي بس مو كتير
وانت حاولي تركزي معو ووقت يقول المصطلح بالانكليزي يا هوة بيقول شو بيدل او انت اسألي والله مالنا غير هالحل
وعلى فكرة انا كمان كنت عم ادرس فيزيا والله ما فهمت شي
سلام

مرحبا شباب الاسناااان .....

بس ممكن اعرف مين عم يعطيكن مادة الفيزياء الطبية ؟؟؟

وكيف الاوضاع فيها ؟؟؟؟؟!!!

ويعطيكن العافية ....






تحياتي ...

برج ايفل ....

انا اجتني الكابة من ورا هالمادة ومن هلأ عرفان حالي رح احملها
لك كنت اعد حاسس حالي بعالم تاني
بيكتب قونين واشياء اول مرة بسمع فيها وبكون عم يحكي بشي فجأة صار يحكي بشي تاني
الا ما يلتقى شي حدا فهمان يفهمناااااااا
لك حتى مالي عرفان منين ادرس
ليش هييييييييييييييييييييييييييييييييييييييييييييييييييييييييييييييك

شبكن يا جماعة ليش هيك كتير متشائمين
صحيح المادة صعبة وما عم نفهم شي
بس بشوية اهتمام فينا نفهما يعني ركزو شوي مع الدكتور وما تنامو بالمحاضرات متل ما بعمل انا بالعادة بس والله بعد ما اكلت بهدلة من دكتورة الكيميا صحيت بمحاضرة الفيزيا وفهمت شوي
واذا ما فهمتو اسألو الدكتور ولا تستحو وانا شفت في كتير طلاب بيسألو الدكتور بعد المحاضرة
يعني اهتمو شوي بيمشي الحال
سلام وموفقين كلنا

يا عيب الشوم عليكون ..

لهلأ ما جاوبتوه لأخونا مازن ..

كيف هيك ؟؟؟

يلاااا .. دغري حطوا رد بعدي ..

فضتحونا .......

والله احب على قلبنا نجاوبو بس المشكلة انا ما بعرف اسم الدكتور ماحفظتو
واوضاع المادة واضحة كتير يعني بدون ما نقلة مبين من ردودنا انو الحالة بتأسي
سلام