اقتباس

أود أن أقول كلمة لا تستهيني بما طرح اليوم هنا و لا ييأس أحد من أن الحل لن يأتي بشكل سريع.

هو مين جاب سيرة اليأس بالضبط؟


شكرا أخي على نقل التجربة..
لي تعليق بسيط على كلام أخي أبي..

ياريت أخي لو مالقيت هالمشاكل هي المشاكل الحقيقية..تقلي لكن وين المشكلة بالضبط؟؟يعني مادام المشكلة مو بكل هدول حددلناياها..

ممكن في مشكلة بالطلاب وهاي موجودة بكل مكان زمان وحتى بأكتر الدول تحضر..
لما يجي طالب مابده يتعلم..بده ياخد الأسئلة يحط إجابتها عالورقة ويمشي..

يعني أنا مثلا عمي مدرس علوم مشهور في سوريا..وبمدرسة مشهورة..متخرج من الإمارات وكل سنة بياخد الجديد من الإمارات وبحاول يطبقه بسوريا..لكن الطلاب مابدهم يا أخي..مابدهن جديد وإبداع..بدهن صم وطج عالورقة..

كيف بدنا نحل هاي؟؟

اقتباس

الآن لا تملكون المناصب الكفيلة بالاصلاح و لكن بعد 10 أو 20 عاماً قد يصل أحد منا إلى سدة اتخاذ القرارات

هاد كلامنا يا جماعة..

اقتباس


يعني أنا مثلا عمي مدرس علوم مشهور في سوريا..وبمدرسة مشهورة..متخرج من الإمارات وكل سنة بياخد الجديد من الإمارات وبحاول يطبقه بسوريا..لكن الطلاب مابدهم يا أخي..مابدهن جديد وإبداع..بدهن صم وطج عالورقة..

كيف بدنا نحل هاي؟؟


أكيد الشغلة مو على كيف الطلاب بس لازم يكون في سياسة تربوية معينة تدفع الطلاب للتفكير و الطالب اللي مو خرج لبرة و عمره ما يتعلم  خليه يروح يتعلمله صنعة احسن

اقتباس

أكيد الشغلة مو على كيف الطلاب بس لازم يكون في سياسة تربوية معينة تدفع الطلاب للتفكير و الطالب اللي مو خرج لبرة و عمره ما يتعلم  خليه يروح يتعلمله صنعة احسن

معناها هون رجعنا لفكرة..المدرسة لازم تكون قائمة على هالأساس مو بس طالب ودفع لهيك بدنا ننجحه..
التعليم صار سوق ..منافسة تجارية مو تعليمية

اقتباس

لي تعليق بسيط على كلام أخي أبي..

ياريت أخي لو مالقيت هالمشاكل هي المشاكل الحقيقية..تقلي لكن وين المشكلة بالضبط؟؟يعني مادام المشكلة مو بكل هدول حددلناياها..

السلام عليكم ...

مو بالضروري كون بعرف المشــاكل الحقيقية أنا ..

بس بصراحة ,, كل المشاكل يلي حددتموها .. كانت خارجة عن نطاقنا .

أنا برأيي المشكلة فينــــا ..

مو فينا كوننـــا طلاب ... لأ .......!!

بس فينــــا كوننـــا طلاب العلم

رح أرجع أشرح شوي أكتر .. بس مو هلأ ..

واعذرونا على التأخير الغير خاضع للسيطرة ........!

السلام عليكم

مو مشكلة أخي أبي نحن بانتظار الشرح..

عله يكون مبسطا سهل الفهم..
                                                                                                                                                                                                                                                                                                           
وبانتظار عودة باقي المشاركين

اخت شيما انا متابع للموضوع  و لكن

انا بانتظار اوبي حتى يكتب لنا ما عنده

حتى نقوم بتلخيص ما توافقنا عليه

يلا بقا حركولي حالكن..

شو مافي غير 5 أعضاء بدهم ينهضوا بالتعليم؟؟؟

والباقي شو نايمين..ولا التعليم ما بمسهم؟؟

أنا بانتظار الردود ورح ضل بانتظارها ولا تقولو حكو كل شي..
كل شخص إله عقل وكل شخص عنده فكرة خاصة واقتراح خاص..وين الإبداع؟؟؟؟

يا جماعة عم تحكو عن النهضة وعن الافكار وعن الحلول وعن وعن وعن ..............

ونسيانين انو بالاول لا زم ننهض بالانسان

كيف بدها تصير النهضة بالله ولسا اغلبية الناس ما بتقرأ والمكتبات بكل مكان شبه فاضية الامن رحم ربي
كيف بدنا ننهض بطلاب اذا بقلن انا بالصيفية مخططة اقرا كتب كتير بيطلعو فيني وكاني جاية من كوكب تاني
نحنا اذا طلاب جامعات ما بيعني انو نحنا مثقفين 

امة اقرا لا تقرأ
هي الحقيقة لازم نواجهها ونعالجها قبل التفكير باي نوع من أنواع النهضة لأمتنا
لانو الي بدو يبني وينهض ببلدو بكل المجالات
لازم يكون انسان واعي مثقف بيعرف شو الو شو عليه

بيعرف عدوه منيح وبيعرف شو عم يدبرلو من مكائد لتخليه يضل عم يراوح بمكانه لا نهضة ولا تغيير

قلولي كم طلع داعية وكم طلع مصلح واديه صار في محاولات للنهضة
ما استفدنا ..........ليش؟؟؟؟؟؟؟
لانو اتجهنا للنهضة بالاشياء والنظم ونسينا بالأول نطور الانسان الي بدو يحقق النهضة

فإذا بدكن شي عملي لازم كل واحد مننا يصير يقرا وكل واحد يفوت على الموضوع
يطلع يعمل بحث عن كتب ويقرا

وإذا بدكن تقولو هي شغلة ما فينا نضمنا انو كل واحد يفوت لهون يروح يقرا
فأنا بقلكن إذا النهضة مستحيلة
لانو النهضة تعتمد بالدرجة الاولى على الانسان وعلى ارادته بتطوير نفسه


سلامات

اقتباس

لانو النهضة تعتمد بالدرجة الاولى على الانسان وعلى ارادته بتطوير نفسه

                                                             

صدقت

اقتباس

فإذا بدكن شي عملي لازم كل واحد مننا يصير يقرا وكل واحد يفوت على الموضوع
يطلع يعمل بحث عن كتب ويقرا

اقتراح حلو..منضيفه لاقتراح المكتبة الجامعية..بالصفحات الأولى..

شكرا لمشاركتكم