بداية أشكر الأخت دموع على هذا الموضوع المستمد من الواقع في أغلب نقاطه.
لكني أود أن أعلق على بعض النقاط {من وجهة نظر شخصية}.
اقتباس
لأنك فتاة…بتكوني واقفة ساعة عم تنتظري سرفيس..وبيجي سرفيس فيه محل ..فبياخد المحل واحد شب ما بيكون صرله واقفة غير 5 دقايق وما بتقدري تحكي شي..
بالمقابل هناك الكثير من الشباب من يؤثرون الفتيات(النساء بشكل عام) على أنفسهم فاذا صعدت احداهن الى السرفيس ولم تجد مكان فيقوم أحد الشباب من مكانه لتجلس فيه ويبفى هو واقفا.
اقتباس
لأنك فتاة…بتجي لتطلعي بالسرفيس..أيام الزحمة برمضان…وما بيكون في غير محل واحد بالأخير …
ف بيكون في شب عنده عقدة الشباك..ما بيتحرك من محله لأنه بيحب يقعد ع الشباك…ف بتضطري مرغمة أنك تقعدي بين اتنين رجال..والدنيا رمضان وأنت عم تلعني الساعة اللي خطرلك فيها تطلعي من البيت وتركبي سرفيس..وتقعدي هالقعدة…
لأنك فتاة…لما تنزلي من السرفيس ..الكل بيطلعوا فيك وأنت عم تنزلي..(بظن السبب واضح….)وحتى لو كانت الدنيا رمضان…
بصراحة هذه قلة ذوق وأدب من بعض الشباب.
اقتباس
لأنك فتاة …إذا شفتي ابن عمك أو ابن خالتك او ابن رفيق أبوك أو شب بتعرفيه ..معرفة منيحه..
بتضطري ..توقفي وأنت رح تموتي من الرعبة ما يشوفك حدا ..ويفسر غير شي..وما بتقدري تحكي ولا كلمة متل العادة..
ولأنك فتاة…ممكن يجي يوم وتوقفي مع شخص ويكون حديثكم في قمة الأدب وضمن الحدود…ويكون حديثك ووقفتك معه عابرة..وبريئة لأقصى الحدود…
بس أي حدا بيمر جنبكم ..بينظرلك هديك النظرة ..وكأنه عم يقلك تضربي" شو قليلة حيا…واقفة مع شب…."!!!!!
أعتقد ليس هناك أي مبرر للوقوف مع أي شب كان مهما كانت درجة قرابته (الا أن يكون من المحارم) ومالفرق بين ابن عمك أو ابن خالتك وبين أي شخص أخر فجميعهم ليسو من المحارم.
اقتباس
لأنك فتاة…وتحديدا..لأنك فتاة عايشة بحلب….مستحيل تقدري تستعيري محاضرة من شب…
أظن أنه لا يوجد هناك أي مبرر لأخذ المحاضرة من شب مهم كانت النية صافية ألا يوجد بنات يمكن أخذ المحاضرة منهن.
اقتباس
لأنك فتاة ..وقت اللي بتجي ع المحاضرة متأخرة وبتدخلي ع المدرج..كل الشباب بيتركوا المحاضرة وبيقعدوا يتفرجوا عليك وأنت عم تطلعي ع الدرج…ف بتتفشكلي شي مية مرة وأنت طالعة…
لأنك فتاة ..لازم بجامعتك تحسبي حساب لأي ضحكة.. وتحسبي حساب أنو الكل عم ينتظرك ع غلطة…
لا نستطيع أن نعمم .
اقتباس
لأنك فتاة رح تبقي طول الوقت خايفة لما بتكوني تمشي بالشارع بالليل ..خوفا من نظرة مو منيحة…أو كلمة بشعة..أو حتى تصرف بشع من شي متخلف عقلياً وما في أكتر منهم بشوارعنا
هذا صحيح وأنا معك بهذا 100%.
اقتباس
لأنك فتاة ما بتقدري تبكي قدام أهلك…دون تفسير..لأنك فتاة لازم ما حدا يشوف دموعك غير مخدتك اللي بتنامي عليها..
وما بتقدري تفشي قهرك لأمك إذا شب زعجك لأنو اكيد رح يكون الحق عليك
..
أعتقد أن هناك خطأ في التربية و في العادات .
اقتباس
لأنك فتاة أغلاطك ما حدا بيسامحك عليها..(غير ربنا سبحانه وتعالى..) بس الشب إذا غلط بيضل شب…وبيطلعله شو ما بده يعمل…ووين ما بده يروح…
هذا خطأ في العادات والتقاليد يجب أن يحاسب كل من يخطأ الذكر قبل الأنثى.
وشكرا لكم. 
لأنك فتاة ........ اوووف 
