أسعد الفرج

اقتباس

الكلمات جميله  واستوقفتني جميعها  لكن من كتبها أراد بها التعبير عن حاله  عاشها لانها  تتحدث عن حياة رائعه  يعيشها اناس قله

هلأ برأيي المتواضع قد ما كانت حياتنا صعبة لو وقفنا و فكرنا فيها بس شوي كمان حنلاقي أنه كل مشاكلنا عم نخلقها بايدنا و لو مو نحنا يلي ساويناها من الأصل مجرد التفكير فيها لوقت كتير طويل بيكون هالشي عذاب بحد ذاته

أكيد ما عم قول أنه الواحد يترك مشاكله بدون ما يحلها بس عالأقل ياخد بريك من كل هالتعقيدات يلي نحنا ساويناها

و هيك بالأخير و بهاللحظة يلي ما بنكون عم نفكر فيها بشي بنشوف أنه الحياة بعدها حلوة

بشكر مرورك

انسانة فضولية


شكراً لردك لكن أود القول  :لا ادري كيف خطر لك الرد بهذا الشكل  اللهم الا اذا كان ردي مبهماً  فما قصدته أنا بان الحياة تبقى رائعه عند اولئك الذين  عرفو ا بأن الدنيا دار  مؤقت يعني يلي ما بتهمهم الحياه وما تحمله من احلام  طبعا يلي ما بدون يكون همون كسب ثروه او أشياء من هذا القبيل اما ان اردنا الغوص في الواقع الذي يعيشه البشر فأننا سنجده مليىء بالمنغصات والتحديات التي قد تكون شيىء لا يحمل في مضمونه الا  اليأس  فأذا اردتي ان تعرفي كم من الناس يعيس حياة رائعه (سعيده) برأيي  العدد ما بيشجع  لأن الحياه تكون رائعه عند اولءك الذين وصلوا حد الكمال  واولئك ايضا  وصلو للسعاد لانهم عرفوا كيف تعاش الحياه أما فيما قلتيه بأن المشاكل نحنا بنخلقا انا بقول مو دائما فمثلا انا  لا اعيش حياه سعيده ليس لاني انا من خلقت لنفسي هذه المشكله بل لان الوصول الى السفح يتطلب منا الكثير من التضحيات  شكراً لك مره اخرى اختي في الله واعذريني ان اكثرت الحديث في موضوع قد يراه البعض لا يستحق حتى الوقوف عنده ...............أسعد الفرج

اقتباس

و تظل الحياة رائعة

عنوان بيستاهل انو انوئف عندو

ما لح زيد ع الكلام الظريف يلي انحكى بحئ كلامك الرائع

وعن جد هالمرة يافوفو صبتي الوتر الحساس

واحلى شي بالدنية


^_^  لانو ما بتكلفنا شي بالعكس بتعطينا اكتير شغلات



والله حيو فوفو 

أسعد الفرج

اقتباس

أنا بان الحياة تبقى رائعه عند اولئك الذين  عرفو ا بأن الدنيا دار  مؤقت يعني يلي ما بتهمهم الحياه وما تحمله من احلام 

بالعكس أحلى شي بالدنيا لما الواحد يحلم بس أكيد بالمعقول و بيلي بيقدر يعمله يعني كمان مو يطير و يحلق لمكان ما بيوصله حدا و عحسب امكانياته و عقد ما عنده و بيعرف حاله بيقدر يأنتج و لوين ممكن يوصل بيلي عنده يحلم ليش لا ؟؟

اقتباس

اما ان اردنا الغوص في الواقع الذي يعيشه البشر فأننا سنجده مليىء بالمنغصات والتحديات التي قد تكون شيىء لا يحمل في مضمونه الا  اليأس 

اممممممم
ما بوافقك برأيك
بظن التحدي بالحياة حلو و أصلا الواحد مالح يحس بحلاوة الحياة من دون تحدي و بعد صعوبة الشغل لح ينبسط بيلي وصله

اقتباس

فأذا اردتي ان تعرفي كم من الناس يعيس حياة رائعه (سعيده) برأيي  العدد ما بيشجع  لأن الحياه تكون رائعه عند اولءك الذين وصلوا حد الكمال  واولئك ايضا  وصلو للسعاد لانهم عرفوا كيف تعاش الحياه

بظن الواحد بيقدر يعمل حياته سعيدة بايده و لو عاندته الحياة لح ترجع تضحكله

أنا أكيد بحترم وجهة نظرك و منظورك للحياة بس بظن لازم شوي تغير رأيك فيها لأن بكل بشع في أله جانب حلو و منغصات الحياة هي يلي بتكملنا

مالي لا عم أتفلسف و لا شي و يمكن حياتي يكون فيها هموم بيتوزعوا عأعضاء المنتدى كلهم بس لازم عالأقل نخلي جانب مشرق بحياتنا و نتمسك بشوية هالأمل البقيانين

بشكر مرورك عن جديد و بتمنى تتقبل وجهة نظري أو رأيي متل ما بدك سميهم

عزووووووووووووووز

أهلا و سهلا

اقتباس

واحلى شي بالدنية


^_^  لانو ما بتكلفنا شي بالعكس بتعطينا اكتير شغلات

أي و الله الابتسامة بتفتح بوشنا بوااااااااااب    و بتقرب العالم من بعضها و ما بتكلف شي بالعكس تمرين لعضلات الوش 

نورت أبو العز

عفكرة عزوز توقيعك كتير حلو 

بشكر مرورك