سيد الكلمات ..

أخ أيهم ... أول شي من جهة إنو مرورك سريع .. فهو سريع ..

بس لأني صارلي نص ساعة عم اقرأ ردك المختصر ..

أخي الكريم.. الموضوع اللي طرحته أنا .. لا يتنافى إطلاقاً  مع الأمور اللي حضرتك ذكرتها بردك .. يعني انا ماذكرت إنو المرأة أقوى بنيوياً من الرجل لان الرجل أقوى جسمانياً وهذا أمر لا نقاش فيه .. ولا عم قول إنو المرأة قادرة على أن تكون نبية مثلاً .. و يكفيها شرفاً منزلتها كصدّيقة ذكرت في القرآن الكريم ..

والكل يعلم الكلام اللي ذكرته ولا أحد يعارضه .. ولكن أنا متفاجئة قليلاً من حدية نقاشكم إنتوا الشباب يعني .. صلوا عالنبي ..

بقى طولوا بالكم الله يرضى على اسمكم ... وخلونا صحاب ..  نورت

أخي فهد .. يعني ولله الحمد برز رأيك أخيراً بين كل هذه الآراء الحادة شافياً وافياً داعماً لموضوعي ... ومتل ما قلت حضرتك بأول كلامك .. ((( حسب دراسة علمية ))) .. إذا لاحظتوا كمان أنا بدأت الموضوع (( انتهت دراسة متخصصة ))) .. يعني كل الكلام اللي أنا حكيته هو عبارة عن دراسة متل ما كلامك كمان عبارة عن دراسة ..

بس شو بدنا نحكي ..!!؟؟؟

شكراُ كتير إلك فهد على مشاركتك بالفعل .. شي بيريح البال ..!!

ghandy83

ولا يهمك .. ما في خناق .. بس ما عرفت منك .. إنت شو رأيك بالموضوع ..؟؟؟

ولا إنت طرف محايد ..يعني لامعنا ولا معكن .؟؟؟

بكل الأحوال .. أنا شاكرة تواجدك اللطيف

إذا انتو يا بنات هيك بتشوفو أكيد ما رح نعارض   

بس رح نحتفظ بحق الرد  هاد أولا   


وفي ثغرة بالموضوع  حكى عنها العضو  tem  ورح نتخطاها ......  


بس بيكفي انو شاهدة كل وحدة منكم ما بتكفي لحالها   


قال تعالى : بعد بسم الله الرحمن الرحيم

{يا أيها الذين آمنوا إذا تداينتم بدين إلى أجل مسمى فاكتبوه وليكتب بينكم كاتب بالعدل ولا يأب كاتب أن يكتب كما علمه الله فليكتب وليملل الذي عليه الحق وليتق الله ربه ولا يبخس منه شيئا فإن كان الذي عليه الحق سفيها أو ضعيفا أو لا يستطيع أن يمل هو فليملل وليه بالعدل واستشهدوا شهيدين من رجالكم فإن لم يكونا رجلين فرجل وامرأتان ممن ترضون من الشهداء أن تضل إحداهما فتذكر إحداهما الأخرى ولا يأب الشهداء إذا ما دعوا ولا تسأموا أن تكتبوه صغيرا أو كبيرا إلى أجله ذلكم أقسط عند الله وأقوم للشهادة وأدنى ألا ترتابوا إلا أن تكون تجارة حاضرة تديرونها بينكم فليس عليكم جناح ألا تكتبوها وأشهدوا إذا تبايعتم ولا يضآر كاتب ولا شهيد وإن تفعلوا فإنه فسوق بكم واتقوا الله ويعلمكم الله والله بكل شيء عليم} صدق الله العظيم


وما رح أتوسع  أكتر من هيك.....    


انا هيك بكون أخدت حقي بس     



بس حبيت أهز الورود  الي وقفت ضدنا     


تقبلو مروري    

محمود........................hmmam

محمود ...

السلام عليكم ليكني اجيت عالموضوع ما بدكن ترحبو بوجودي المميز

ما علينا عم لطف جو لأنو طلع خلقي

أول شي أنا ضــــــد كل الي عارضو هالموضوع مو لأني بنت طبعا وبدافع عن جنس حوا

لأني مالي مولدنة وبعرف شو الي وشو عليي ..

بس الانثى مخلوق والذكر مخلوق تاني ولا أنا غلطانة ؟؟؟ يعني من الطبيعي والبديهي يتميز كل

واحد فيهن بصفات عن التاني .. ومن الطبيعي انو الانثى تكون متميزة أكتر ببعض الصفات

متل ما الذكر متمتيز بصفات تانية ..

أحيانا وبكل صراحة بحس انو في شباب بيستكترو علينا كلمة انسان يعني لو يصحلهن يقولو

انو البنت مو انسان حيوان ما بيقصرو وأولهن جارنا ..

يعني يا جماعة الموضوع غير قابل للنقاش عنديحتى لأنو الانثى شي مفروغ منو انها تكون انسان عظيم

وفيو صفات رائعة وجميلة ..

ولي شو هل ردود....ما توقعت تجي براسك يا بثينة....

يعني أديش بينزل xxlamingo مواضيع هيك...بس بالأخير الشعب عصب عليكي ههههه....
ما علينا....

هلأ انا شخصياً ما بنكر دور المرأة بقوة بالمجتمعات...ولولاها ما بيتنظم الشغل...بدنا ما ننسى انو 99% من السكرتيرات واللي بيسيروا أعمال الشركات هنن إناث
وبأكد براعة المرأة بشتى مجالات الحياة الأدبية والفكرية والعلمية....

وأنا مع أخي فهد باللي قالو....

العلم أثيت أن المادة الرمادية عند دماغ الذكر متمركزة أكثر في مراكز فكرية...وهي أكبر حجماً مما هي عند الأثى...وبالتالي الذكر قادر على التفكير العميق بالمسائل والمعضلات أكثر من المرأة, بالمقابل فإن المادة البيضاء عند دماغ الأنثى متوزعة أكثر وتقوم بربط عدة مراكة عصبية...وبالتالي فالأنثى قادرة أكثر على ربط الأمور ببعضها والقيام بالأعمال السريعة

   

لك يا أهلين وسهلين بهديل والله .. حلت علينا البركة .. لك وينك إنت وينك ؟؟؟

هاد الكلام اللي كنت ناطرته منك .. يعني والله ما بعرف شو صار للشباب حتى هبوا بوشي ..

مع إنو الكلام اللي وردِ بالدراسة ما في أي إساءة إلهون .. بس دايماً هنن بيفهموا من الموضوع اللي بدهون ياه .. وما بعرف السبب ..

دكتور أحمد ...