ان دوام الحال من المحال
وان الدنيا دوارة يوم الك ويوم عليك
فالانسان لازم يعمل لأخرته ويعفو بدنيته مهما اصابه منها

علمتني الحياة شغلة جديدة اني كووووون حقيرة

قبل ما يقهرك اقهره

و قبل ما يستحقرك خليك حقير

و اذا كنت بدك تحب حب

لكن خلي حبك بالأخير

إن أعطيته وجهك أعطاك ظهره

صد عنه يتبعك مثل الظليل

صباح الخير
Sas شكراً كثير وميرسي على الكلام الشفاف الرائع والله يعطيكي كل الخير يا رب

أما أنتي وزيرتي العزيزة شو خير ان شاء الله الهيئة مزعوجة كثير ومتشائمة بس وحياتك مو مستاهلة كل هالشي شبنا طولي بالك ( علمتني الحياة شغلة جديدة اني كووووون حقيرة
قبل ما يقهرك اقهره و قبل ما يستحقرك خليك حقير )
بس الظاهر عم تمري بازمة ثقة والله يكون بعونك

بتوقع انو بعدني ماشفت من الحياة كثير بس اهم شي لهلق تعلمتو من الحياة


انو تفقد انسان غالي عليك كثير الو كل الفضل بانو رباك وسهر على راحتك وكان اغلى انسان على قلبك يلي هوي (((ستي الغالية)))  الله يرحمها
ورغم هل موقف تبقى قوي والامل معك لقدام  وماتخلي الضعف يسيطر عليك ولو للحظة.



الشي الثاني انو الفشل هوي طريق النجاح اذا فشلت بمرحلة مو معناتو انو فاشل بكل شي بالعكس راح تكون ناجح ومبدع بمراحل اخرى.


شكرا على الموضوع الرائع


تقبل مروري


cetamoni

لاء مو قصة بس ازمة

بس انا لازم دايما كون هيك عرفت  علي

هي الدنيا و هيك بدها
مع تحياتي

مسا الخير

وزيرتنا الله يخليكي أهم شي تكوني رايقة
والحياة المدرسة أستاذها الزمان دروسها التجارب والله يكون بعونك وبعون ابوكي

وانتي عزيزتي    cetamoni
الله يرحم ستك ويطول في عمرك ويخلي أحبابك ( تذكرت دعاء ستي كمان الله يرحمها )
وكلامك عن الفشل والنجاح والله جواهر يسلمو ايديكي

اهم درس تعلمتو من الحياة .
انو يلي بيحب الحياة بتحبو . تعلمت انو الحياة حلوة كتير .وانها بتعكس نظرة كل انسان
الها, يعني المتشأئم بيشوف الحياة صعبة وبشعة
وكل مشكلة تعرضنالها بالحياة متل ما الها سلبيات الها ايجابيات .واذا دققنا فيها رح نكتشف انو الايجابيات اكتير
انا مثلا تعرضت لحالات خيانة كتيرة . وحالات فشل كتيرة  . ويمكن ما بتنعد
بس يلي مخلاني ضل قوي انو انا ما بعتبر الخيانة سبب لاني استسلم او افقد ثقتي بالحياة . او ما بعتبر الفشل نهاية طريق مسدود
وتاكدوا تماما انو نحنا سبب كل المشاكل اللي عم تصيبنا لانو نحنا اخترناها وابارادتنا
وماحدا يقلي القدر . لانو ماشاء الله كل العالم بترمي مشاكلها عالقدر
مثلا يلي متلو حدا غالي ع قلبو هو اختار يضل عايش بذكرى الحزن .
فكر للحظة انو راحة اللي مات من راحتك وما بيرتاح بقبرو حتى يشوفك مبسوط وناجح
ببساطة  اللي حابب قولو " كن جميلا ترى الوجود جميلا "

تقبلو مروري
اخوكم حسام

السلام عليكم ورحمته الله وبركاته
 
علمتني الحياة حتى الآن ........

ان الحق لا يموت ابدا ومهما طال الامد فإنه سيظهر وان كان لي حق في شيء فهو لي عاجلا ام اجلا لذلك اسعى وراء حفي ما استطعت دون يأس واصطبر متكلة على الله

ان احاول رؤية الحقيقة كاملة بايجابياتها وسلبياتها ولا اكتفي بنصف الحقيقة

ان ارى بثلاثة عيون:عين على الماضي لاتعلم من اخطائي,وعين على المستقبل حتى ابصر اهدافي,وعين على الحاضر اتيقن بها مكاني الحقيقي في الحياة

happy h الله يبارك فيك على الكلام الرائع المليء بالعبرروالحكم والدال على الوعي والفكر النابع من شخصية متزنة

chances أيضا كلامك واقعي جداً شكراً جزيلاً