نور      هنا

يا مرحبا يا مرحبا نورك طفى الكهربــا

نور ضيفة الاسبوع افرد خلئتك ولا تئـلبا


اشلوني معك هي كتبلك شعر يعني لو صحت لجوز خالتي ما كان مات

سؤالي الك جد و مو مزح


اذا كنت بمكان عام وبدك اتعطسي (ايه اتعطسي لا تضحكي) وطبعاً العالم اكتير

حوليكي بتعطسي عادي بصوت ئوي ولا بتحبي تعملي حالك ئطوطة وتحبسي

العطسةطش طش طش
شو هالصوت اه هاد زيت المئلاية حمي

سلاام نور خانم

دكتور ماجد

ياهلا فيك

وشكرا الك كتير كتير على هالكلام يلي قلته عني والله خجلتني      

أخي ماجد هذا من ذوقك

وخليني قول انك انت مشاركاتك بتدل على انسان مثقف وواعي ومحترم  

وهلأ منجي للمقلاية عفوا للأسئلة

علاقة نور برفقاتها بالجامعة تمام ولا بيشوبها منغصات ومين اكتر زميلة ما بنحبيها ...؟؟؟
بصراحة مارح قلك انو علاقتي مافي أحسن من هيك مع رفقاتي وكل شي  تمام ومافي ولا أي منغص وكل شي عال العال
لا أبدا ولو اني بتمنى
بس للأسف الا مايطلعلك شي حدى ينغص عليك وعلى رفقاتك وبصراحة عمجاوبك وأنا اليوم بالذا ت آكلة كم مرتب من ناس كانوا غاليين عقلبي
وأما بالنسبة للشق التاني من سؤالك مين أكتر وحدة مابحبها من رفقاتي بصراحة في وحدة بالغلط فاتت على حياتي وبالغلط عرفتها على رفقاتي وبتمنى لو انو يرجع الزمن فيني وماكنت تعرفت عليها
بس عكل حال الله يسامحها وبالنسبة لاسمها بلى مااذكروا لأنو بتنكرز بمجرد سماع اسمها

مين اكتــر عضو بالمنتدى اثر فيكي (بشـــخصيتو وثقافتو )؟؟
بصراحة في أكتر من عضو أثروا علي من هالناحية مثلك انت دكتور ماجد وعزوز ومعا نحو الشمس ونبيل المهندس وهايدي ولودي وطبعا أكيد مابنسى ياسر نت ورولا مشرفة ساحة الحوارات الجادة
يعني هدول يلي خطروا ببالي هلأ طبعا كتار يلي أثروا فيني

كيف بتنظري وبكل صراحة للاعضاء يلي سبقوكي بالمقلايةبشكـــل عام والاخ عزوز  بشكل خاص  ؟؟
بالنسبة للأعضاء يلي سبقوني بالمقلاية
رح بلش من عند الأخ فهد بنظرلو انو انسان محترم ومابيغلط بحق حدى حتى لو غلطوا الناس بحقه طبعا أنا هذا بعتبروا قوة 

والأخ أيهم انسان راقي وعنده مخ الكتروني ماشاء الله

ورح قول رأيي كمان بيلي ماقبلو يكونو بالمقلاية مثل صوفيا هالانسانة كتير كتير بحبها وبحسها محترمة وراقية
نانون كمان انسانة مثقفة وواعية 
شيماء مهضومة وانسانة محترمة بكل معنى الكلمة وبحب قلها انشالله ماتطولي علينا الغيبة

وأما الأخ عزوز يلي سألتني عنه بشكل خاص فأنا بنظرلو انو شايف حالو وعامل حالو شي شغلة
مع انو هو انسان عادي بس مدري ليش شايف حالو  


























     
أكيد عمبمزح أكيد أنا نظرتي لعزوز انو انسان محترم كتير كتير كتير وقلبه طيب وبحب يساعد
وبحسه صديق صدوق صحيح هو عنده كل دجة بالكلام أكبر من يلي قبلها بس طيبة قلبه مابتخلينا نشوف هالدجات 
وهو أخ غالي كتير كتير كتير على قلبي 

اكتر لون بتحبي تلبسي ..؟؟؟
أنا بحب ألبس أكتر من لون الزهري والأحمر والسماوي هالألوان كتير بحب اني البسها

ماذا يعني الحجاب لنـــور وهل انت ممن يحض على الحجاب لصديقاتك ؟؟الحجاب هوقناعة وأنا الحمدالله مقتنعة فيه ورضيانة عنه
وبالنسبة لرفقاتي يلي من دون حجاب بصراحة مابفتحلن سيرة هالموضوع لأنو بشوف انو مادخلني هي حريتن الشخصية والوحدة منا بالنهاية مابتنقاس  اذ منيحة أو لااذا هي حاطة حجاب أو لا
يعني هلأ بصراحة وللأسف في بنات كتير كتير بالجامعة بالاسم بس حاطين الحجاب وهيك هنن عمبشوهو صورة الحجاب يعني أفضل الن يشيلو ليش حاطينو والله ماني عرفانة
هذا رأيي بكل صرااااااااااااحة

ماهو اكثر شي في الجامعة ما بتحبية ..؟؟
في كتير شغلات مابحبها بالجامعة مثل رفقات المصلحة يعني يلي مابرافقوك غير لمصلحة
ومابحب كمان المناطق الموبوئة يلي عنا طبعا فهمت شو قصدي والله أحيانا بحس حالي مو قاعدة بجامعة بحس حالي قاعدة ب000000  وفهمكم كفاية
وكمان في شغلة مابحبها يمكن هلأ أغلبية الأعضاء يزعلوا مني لأنو يمكن يكون الن علاقة بالموضوع
وهالشغلة هي اني مابحب الطلاب يلي قاعدين عند الساحة تبع اللغات بجنب مقصف اللغات
بحس هالعالم بالغلط فيهم شي غلط بس ماعرفت شو هو لهلأ  بحس هالمنطقة بالذات بئرة التصنع يعني فيها من هدول تبع الهاي وباب وبابي ومامي وأنا هدول مابطيئن غير شوي
طبعا مع احترامي للكل أكيد مو كل يلي بوقفوا وبيقعدوا هناك هيك بس فيني قول نسبتن يلي هيك
90%

وياأخ ماجد انت لاتقلت عليي بالأسئلة ولا شي بالعكس

مع خالص احترامي وتقديري

يا مية هلا ومرحبا بعزوز أفندي

وشكرا الك على هالترحيب الحلو     

وبالنسبة لسؤالك بصراحة ضحكني
بس بحب قلك اني وحدة من الناس يلي بتصرف بعفوية ويمكن هالشغلة أحيانا بتسببلي مشاكل

واذا عالعطسة فعطستي بطير فيها بلد بحالو
هههههههههههههههه

عمبمزح بس عطستي الحمدالله عاديةمو هالعطسية القوية حتى اخفيها 

بشكرك على هالسؤال الظريف والغريب

مع خالص احترامي وتقديري

الف شكر لالك انسة نور بالفعل اسئلة نابعة عن عفوية وصدق
الف شكر لالك نور بعرف تعبتك معي بس بالفعل  انت بنت شخصيتها كتير حلوة
انشا الله عطول منسمع اخبار حلوة عنك .......
تقبلي مروري وشكري لك اختــــاه ......
دمتي بود أخوكي مــاجد

شكر الك أخي ماجد

والله خجلتني بزوقك ولطفك

ماعاد عرفت شو احكي غير

شكرا

لأني فتت بالحيط بصراحة

  بالبداية....اسمحيلي قلك  يا مية هلا وغلا فيكي يا نور ....قمر مصور مزين منتدانا ...ونجمة مضوية  نورت أسبوع  بقرب الحبيب        .


......يلي احتمال كبير يصير أسمو بعد فترة ))خليك بالبيت...((  من زخم أسئلة  شباب وصبايا منتدانا الكتير ظراف .......الله يديم المحبة وحبل الود على طول




كان بدي أسالك عن أشياء كتيرة .......بس هدول يلي خطروا على بالي ........ ;i(27
;


+ نور هلأ أنتي  بتكتبي تحت اسم )غولدن روز(....ليش اخترتي هادا الاسم بالذات؟؟؟

+شو هي التغيرات  الجذرية  يلي أضفها المنتدى على شخصيتك بكل صراحة !!!


+فرضاً ...شاءت الأقدار انو التقيتي بإنسان ما وبالصدفة عرفتي انو هادا  الشخص طلع عضو من أعضاء المنتدى يلي انتي كنت حابة تتعرفي عليه شخصياً......شو وقتها رح بيكون شعورك ؛؛؛وموقفك !!!!




+ نور....هلأا الفن بكل أطيافه (المسرح ؛الموسيقا؛الشعر ؛ النثر؛الرسم ؛ الأدب العالمي....)شو بيبعنيلك؟
وقديش يا ترى أخد مساحة أو حيز  من حياتك ؟


+أنتي راضية عن ذاتك بالوقت الحالي .....يا ترى  وين نور بتشوف حالها بالمستقبل القريب

+لما بتضييق فيك الدنيا وبتحسي أنو الحياة ماشية  باتجاه معاكس لتصوراتك مين أول حدا بتفكري تلجأ ايلو!!!

+هلأ متل ما بعرف أنت أنو انتي كتير عفوية بتصرفاتك .....يا ترى عفويتك هاي سببتلك مشاكل !!!


     

أخيراً......))حابة قلك شغلة أنا من فترة كتير قصيرة ....تعرفت عليكي .....بس حسيت حالي أنو بعرفك من زمان
دخلتي على قلبي وكتير حبيتك  صدقاً .........أنا كتير بيعجني أسلوبك المميز و شخصيتك الرائعة .....
بأتمنالك كل التوفيق بحياتك ودراستك؛؛؛؛؛(0    


     
       

أحلى نوووووووووووووووور والله      

بس وينك مو مبينة شو مشان الاسئلة عملت تلة وجبل وهضبة وانتي فركتيها   ...

بس بدي اسألك .. في أواعي حلوة بالمخيم ؟؟؟

ولا متل الصيفية كلو ستوك ؟؟؟؟

لأنو رفيقتي نئرت مخي بدها تنزل عالمخيم    ..

وبدي اسألك كمان ..

اذا خبط كتفك بكتفي بالطريق بتعرفيني ..؟؟ ولا بتطنشيني وبتعملي حالك مو سائلة على طح طح ؟

وبدي قلك انو انتي بنت ما في منك تنين ابدا .. وانا كتير بحترمك وبحبك وجاوبينا عالاسئلة ياحلوة