Sonesta
يعني شو بدي قلك ..فاجأتيني 
...كانت لولو متوعدتني انها توجه سهامها الي...ههههه
بس على كل ... مو مشكلة انتو التنتين أختين وصديقتين عزيزتين على قلبي... 
بالنسبة للأسئلة اللي طرحتيها ...رح جاوبك على قد ما بقدر... 
اقتباس
1-ما هي طبيعة المواضيع التي تعجبك في المنتدى ؟؟
كل المواضيع القوية الجديدة المميزة والتي تحمل شيئاً جديداً أضيفه الى مخزوني من علم الحياة... بالاضافة للمواضيع الحوارية أو اختبارات الشخصية ... وأحيانا بدور على كم موضوع نكت لحتى فش خلقي شوي وروح عن نفسي.....
اقتباس
2-اعضاء في منتدى طلاب جامعة دمشق ترتاحين لهم وتتمنين انهم يدومون ؟
بصراحة الغالبية العظمى ممن تعرفت عليهم في هذا المنتدى كانوا أعضاء مميزين بشخصياتهم
وأفكارهم ... وأصبحوا أخوة وأخوات أعزاء حقيقة ...وبتمنى منهم كلهم ما يملوا من السلبيات التي قد تطرأ على منتدانا ...لأنو في كتير منهم بيفضلو ينسحبو ويهربو (وانا عملتها مرة)
..أنا بقلهم يواجهوا ويتكاتفوا مع بعض لحتى نرتقي بالمنتدى لحتى يصير أفضل موقع طلابي سوري.....
(حسيت جوابي دبلوماسي شوي...هي مشانك بس.....)
بدي وجه تحية لكل من : سدووورة ـ بينار ـ روان ـ جودي ـ بوشارـ عاشق عبير الشام ـ عطر الشام ـ عبادة جلال ـ منعطف النسيان ـ ريتشاردـ وألك أكيد سونيستا أنت ولولو...ولشخص صرلو زمان غايب(اكرام حبيبة قلبي)..واللي ما ذكرت اسمو أمانة ما يزعل مني أنتو كلكم بالقلب
اقتباس
3-ماهي نقطة ضعفك ؟؟
قوليلي شو هي نقاط ضعفك.....ههههههه
حساسة كتير لحد الجنون
..... بحكي كتير (وأكيد مبين من ردي مو هيك)
..... عجولة كتير وما عندي صبر كتير
.. وفي شغلة كمان اني كتير مندفعة ... وهاد بيخليني ما شوف طريقي منيح ...يعني متل اللي سايق السيارة بسرعة ... والطريق معباية حفر......
اقتباس
4-هل ندمت يوماً على تسجيلك في المنتدى ؟؟؟؟
اذا قلتلك اي ..بكون عم اكذب ... بس اذا قلتلك لأ ..بكون كمان عم اكذب....(حليها بقى)
بس مرت عليي فترة صرت بدي اهرب من المواجهة وحسيت باليأس...وبفضل الأخوة والأخوات هون قدرت اتغلب على هالشي...
.
اقتباس
5-دمعة سقطت من عينك ؟؟ من كان سببها؟؟
يا حبيبتي هي الدموع عنا معشر بنات حوى كتار كتير
....يعني ما بقدر حدد شي معين ...بس رح قلك شو أحلى دمعة بتلذذ فيها ...وهي الدمعة اللي بتنزل وقت الاعتراف بالذنب والوقوف بين يدي الله سبحانه وتعالى...
اقتباس
6-في لحظات الحزن العميق ... كيف تتغلبين على حزنك ؟؟
هاد السؤال حبيتو كتير ...ليش؟ لأنو بصراحة بقدر قلك باختصار ما بعرف
...واذا بتعرفي كيف قوليلي.... جد.... بس أكتر شي برتاح لما بحكي عن حزني لحدا يفهمني وما يحكم عليي...
اقتباس
7-هل اعتبرتي اي من هذه الاسئلة سهاما ؟؟؟؟؟؟
الحقيقة هي سهام ...بس سهام لطيفة وجميلة ..ولو انها خلتني احتار شوي....
بدي اتشكرك مرة تانية ...و بالنسبة للشخص اللي بدو وجهلو سهامي ...لسة ما جهزت السهام لسة عم سنها
..... ولكن لي رجعة........
صوب سهامك..للنقاش المرح
...لا تقل العيار ها ....هههههه 
