انا طلعلي صيدلة في جامعة دمشق و ايضا حصلت على منحة من وزارة التعليم العالي لدراسة طب الاسنان في جامعة القلمون (دير عطية) افضل جامعة خاصة معترف بها عالميا و هلا انا محتارة بين الصيدلة و طب الاسنان و صراحة انا حاسة انو طب الاسنان بدو جهد شخصي على عكس الصيدلة و انا بحب الجهد الشخصي بس ما بعرف شي عن خفايا طب الاسنان و انا بابا صيدلي بدو ياني صيدلة و خالو صيدلي و يفضل طب الاسنان لان عدد اطباء الاسنان في مدينتنا اقل بكتير من الصيادلة فلو بتعرفو انو هي الستة دخل كلية الصيدلة في جامعة دمشق 8طلاب هي عدا يلي في الجامعات الخاصة و انا متحيرة كتير بليز انصحوني و اعلموني عن خفايا طب الاسنان الي لح تشيبني

أنا شخصياً بفضل الصيدلة ععلى طب الأسنان ..

ولكن ربيما الظروف عندك تجعل طب الأسنان أفضل ..

وربما يكون مستقله في بلدته أحسن ..

ولكن الدراسة بالقلمون صعبة وكلها باللغة الانكليزية ..

فكري ملياً ثو أرجعي لرغبتك ..


أحمد

فيك تشرحلي عن اختصاصات طب الاسنان و عمليات تجميل الاسنان مربحة و كيف احصل على هذا التخصص

لازم أنت تقرري بعيدا عن آراء أهلك


وبنصحك تدخلي الفرع يلي بتحبيه أنت مو خالك ولا أبوك

وأنت إذا بتحبي طب الأسنان لاتردي على حدا ودخليه

لأنك إذا بتحبي المجال يلي رح تدخليه صدقيني رح تأبدعي فيه

وأنا بإعتقادي أنو طب الأسنان أفضل (رأيي الشخصي)

وصدقيني الدراسة الحفظية ويلي ما بدها مجهود من الطالب  غير ممتعة



تقبلي مروووري


تحياتي لك  

والله يا اختي الكريمة انا بنصحك بالدراسة بجامعة القلمون طب اسنان لأكتر من سبب  اول شي انو هنيك الاهتمام عالي بالطالب وظروف الدراسة احسن ومستوى  التدريس افضل من قبل الاساتذة      وكمان  بتصير لغتك الاجنبية ممتازة  وهي نقطة كتير منيحة لصالحك  وهنيك عندهم سفرات للطلاب وبعثات ورحلات سياحية مجانية لاوربا وغيرها  يعني بشكل عام هنيك احسن  وبالنهاية هاد قرارك  وانشالله ما بتلاقي الا الخير  وموفقة ................    

و الله القرار اولا و اخرا يعود لك

ونصيحة لا تخلي حدا يتخذ القرار عنك


و انشا الله بالتوفيييييييييييق
                       

أول شي بحب رحب فيكي بما انك جديدية عالمنتدى

وتاني شي هالقرار هوقرارك

يعني انتي شوفي وين رغبتك ميالة أكتر

ونصيحة لاتفوتي لفرع مو رغبانة فيه

لأنو النتيجة رح تكون وخيمة

أتمنى لكي الخير في قرار ستتخذينه

مع خالص تحياتي

بعد السلام :

بما ان الدين النصيحة

فسأقول :

المشكلة بالجامعات الخاصة وبمنحها إنها كتير خطيرة ، بمعنى آخر ، يعني ماحدا بيعرف

شو لح يصير معوا بالقدر ، يعني لاسمح الله إذا ولظروف طارئة الواحد راحت عليهالسنة

يعني قداموا خيارين بالجامعات الخاصة :

ياأما بيصير متلوا متل اي طالب بالخاصة ( يعني بدو يدفع الرسوم السنوية )

ياأما بتكون راحت عليه وصار برا

عم إحكي هادا الحكي عن قصة واقعية صارت مع جماعة يعني حالتهن المادية

مابتسمح إلهن يدفعوا هيك رسوم ، وصار إنو البنت راحت منها السنة ، فصارت برا

مابعرف إذا حسنت وصل الفكرة

بس أنا برأيي الصيدلة بالحكومية احسن بمليون مرة من طب الأسنان ، خصوصاً إنو

اختي طالبة بكلية الصيدلة بدمشق ، وبعرف شو الصيدلة

بعدين طب الاسنان شغلتوا مو كتير مريحة لا وقت الدراسة ولا وقت الشغل بعدين

وبالنهاية :

بالنسبة لإلك كبنت يعني الصيدلة أحسلك ، لأنو وقت الله بيكرمك وبتتزوجي مالح يصير

مشاكل منشان شغلك ، غير إنو ولادك مالح يكونو بعاد عنك ، يعني بأسوأ الاحتمالات معك

بالصيدلية .

أتمنى لك أن تصلي لقرار ، وبيتي استخارة بالنهاية على نية أن يرشدك الله للصواب

تقبلي تحيات

م.عبد الرزاق

مرحبا فيني اعرف اديش القسط بجامعة القلمون طب اسنان؟سنويا؟

وهاي الجامعة بس للسوريين ولا لغير السوريين كمان؟

وشكراا كتير