اهلا وسهلا بكل اعضاء المنتدى

شفت هالموضوع وانا بلف بالانترنت .... عجبتني الفكرة

قلت خليني شاركم فيها :)

كل عضو يعطي قد ايه نسبة 100% يومه ... حلو    , منيح    , مقبول  .

يعني واحد كان يومه اسود    يكتب 25% والسبب باختصار .

او واحد كان يومه حلو    يكتب 85% والسبب باختصار .


والموضوع متجدد ... يعني كل واحد يخبرنا كيف كان يومه .

يلا نبدا :)

خليني ابدا :)

اليوم كان 35 %


بسبب مشاكل عائلية بتشيب الراس وبتصيب الواحد بشلل اطفال متاخر :(

 

يا فتاح يارزاق

لسا هلق فتحت عيوني من النوم


شو بدو يعرفني كيف رح يكون نهاري


وخلص ولا يهمك اخرالنهار رح ارجع وقلك


كيف كان وانشالله منيح

منعطف النسيان

اليوم أسوأ ما يكون 

هي أول مرة بمر عليي هيك يوم

ع هالمفاضلة يلي بتقرف

والله رح  يكسروا اأحلام هالطلااااااااااااااااااااب


                تحياتي

على فكرة كتييير بكير عالسؤال أنا بتقلب بالنهااااار شي مليون مرة
ساعة رايئة وساعة الله يجيرنا
بس حاليا الحمد لله مرتاهة 80%
تقبيلي مروري

يومي كان25%
والسبب
مريضة كتير وحرارتي مرتفعة
 
ما قدرت روح عالصيدلية
ويمكن معي انفلونزا الخنازير
ويمكن زعل مني شخص عزيز عليي
     

      يومي 100/100 حلو الحمد الله لانه سمعت خبر ناطرته من زمان

يومي لحد هلا 50% فيه شي حلو وفيه شي بدايق
الشي الحلو انو زارتني رفيقتي اللي صؤلي فترة مو شايفتها
اما الشي اللي بدايق.....
انشاء الله ماتقل النسبة لآخر النهار

اي شكله الحال عنا من بعضه ...

kille.eyes

اقتباس

يومي كان شي 10% يعني مقبووووووول
كان يوم كتييير ممل كل يلي بعرفون سافروا
مو باقي غيري هوون

اي الله يكون بعونك .. وانا رح امر بنفس الشي بعد شي فترة .

-------------------------------------------

منعطف النسيان

اقتباس

وخلص ولا يهمك اخرالنهار رح ارجع وقلك

اي واحنا مستنين نشوف كيف كان يومك :)

------------------------------------------

الدمعة الصامتة

اقتباس

اليوم أسوأ ما يكون

هي أول مرة بمر عليي هيك يوم

ع هالمفاضلة يلي بتقرف

والله رح يكسروا اأحلام هالطلاااااااااااب

لك شو بدنا نئولتا نئول ... لا تشكيلي ببيلك

الغريب اني طالب مخلص بكلوريا ... وما همني كتير المفاضلة ويلي فيها

انا لله وانا اليه راجعون

---------------------------------------

الهمسة الدمشقية

اقتباس

على فكرة كتييير بكير عالسؤال أنا بتقلب بالنهااااار شي مليون مرة

اي باخر النهار ... قوليلنا كيف كان يومك بشكل عام :)

---------------------------------------

Sweetlife

اقتباس

يومي كان25%
والسبب
مريضة كتير وحرارتي مرتفعة

اي الف الف سلامة ...

اقتباس

ويمكن معي انفلونزا الخنازير

اي بعيد الشر ... ما تفاولي على حالك

وانشالله بكره بكون احسن :)

-----------------------------------------

lodee

اي انشالله كل ايامك بتكون 100%

-----------------------------------------

nouna

اقتباس

يومي لحد هلا 50% فيه شي حلو وفيه شي بدايق

اي انشالله على اخر اليوم يكون نهارك 90% او ائلك 100%

---------------------------------------

وانا بعد ما شفت المفاضلة اتوقع انه 5 سنين يلي جايين يكونو 15%

نفس الشي اتقعه لكل طلاب البكلوريا ..

العوض بسلامتكم وسامحونا :)