اسطورة ملك البوب ولد فقيرا وعاش غنيآ ومات مديونأ ولد على المسرح وكان يغني بحتراف بالرغم من صغر عمره بدأ الغناء في عمر 5 سنين مع اخوته 5 واسسوا فرقة jackson5 اشتهرت في ستينات 1964 والاهم بهذه القصة بأن ابوه كان قاسي وظالم يستعمل العنف معه ويستغله وهذا الشئ المهم الذي سبب له عقد نفسيه عندما كبر فهو لم يعيش طفولته ابدا بل عاش كبيرا في صغره ولم كبر حاول ان يسترجع طفولته انفصل عن اخوته 
واصبح مغني منفرد كان فريدا من نوعه وألف اغانيه بنفسه حيث  انه اول اسود ظهر في فيديو على قناة لا تبث اغاني إلا للبيض مما زاد ذلك من شهرته ويميز البوماته المؤثرات المرئيه التي لم تستخدم من قبل واغانيه الاسطوريه ورقصاته وخاصتآ moonwalk حيث يعتب حين ادى هذه الرقصة لاول مرة على مسرح موتاون كانت حدثآ عالميا غير تاريخ الرقص .
يعتبر مايكل من الجيل الجديد الذي انهى الروتين المتبع في الرقص واشتهر بملابسه الغريبة وقفازه الابيض وجوارب البيض تحت بنطال اسوذ قصير واهم البوماته :                                               
dangerous ,bad,thrillir)وربح 8 grammy في ليله واحده .
وتزوج من ليزا ماري بريسلي لم يستمر الزواج إلا 19 شهر  وزواجه الثاني كان من روبي رو ممرضته لديه 3 اولاد
وسنة 2003 اتهم مايكل جاكسون بتحرش بالاطفال حيث اتهمه طفل  كان معه في نيفرلاند بالتحرش ولكن انتهت محاكمه ببراءته التي كلفته 30مليون .
اخذ ينعزل عن العالم وبدأت شهرته تخف والعالم ينساه مات مايكل جاكسون 2009625 ودار حول موته اشاعات كثيره بأنه كان مدمنا على مسكنات الالم ذات المفعول القوي السبب الذي ادى لوفاته بعمر 50سنه بذبحة قلبيه عل الاغلب وقبل اسبوع من جولته الاخيره في لندن ودارت اشاعه قبل موته بأسلامه لما زار البحرين ..
اما وصيته الاخيره  بأن تورث امواله لامه 40% ولاولاده 40% ولجمعيات الخيريه %40و استثنى ابوه من الميراث .
اما جنازته التي حدثت في ستيبلز سنتر تابعها 300 مليون بلعالم ولم يحدث مثلها منذ االفس بريسلي والاميره ديانا وحضرها مشاهير العالم ماريا كاري ,ستيفي وندر ,اشر, لينول ريتشي واخوت مايكل ومعجبيه .
هي باختصار حياته وفنه برأيي بعتبر مايكل جاكسون اسطوره وضحية الشهره انا مانصدمت لما مات ليش ؟ لان بعد كل شهرتو لا تستغربو ليش نهار بس استغربو اكتر ليش ما انهار انا شخصيا بشفئ عليه يمكن كتير كان حياته غلط بس حقق كل شي كان بيتمناه وهاد شي ايجابي وبلنهاية ما بتهمنا حياته الخاصه الاهم هو الفن الجديد يلي قدمه لموسيقا البوب .
مايكل جاكسون انسان مبدع وفنان كبير يمتلك موهبه غير عاديه وكان قدوه لكل المراهقين متل ماكان عندو جماهير كان عندو اعداء كتير وهاد دليل على شهرتو ا يمكن مارح يمر شخص يشبهوا هل شي بيطرع كتير اسئله  :

- ليش كل مشاهير نهايتهم مأساويه وليش الناس بتتبع المشاهير بكل شي ويصيروا قدوة إلهم وياترى هنن بيستاهلو كل هل الاهتمام ؟؟؟؟؟؟

- وسؤالي تاني: مو مهم اديش عشنا ستين ولا خمسين ولا حتى عشرين سنة المهم شو حققئنا من احلامنا ونحنا عايشين مايكل ياترى بينطبق عليه هل مقوله وهل بيستحق يكون اسطوره؟؟؟؟ 

- وسؤال الاكبر ليش ماعنا لحنا العرب متل مايكل جاكسون الفنان كل الفنانين العرب بيشبهو بعض كل مغني قاعد بستيديو حولي بنات وعم يلولح بأدي وعم يتمسخر على عقولنا 


انو شو رأيكن؟؟؟؟؟؟؟؟

مسا الخير
اه ذي كينغ اسطورة وملك البوب
بس اخر فترة اشوى اتعذب
على كلا الله يرحموا
شكرا

أبدأ من السؤال الأخير ،نحنا العرب عنا أهم من مايكل جاكسون بكتير ،لكن الإعلام عم يركز عالغريزة ،وبيصنع وبيروج الأعمال التي تسمى ظلما بأنها فن.

لكن بنفس الوقت ماننسى أنو الكليبات الغربية اللي عم  تعرضها فضائيات عربية،عم تركز على كل شي الو علاقة بالجسد فقط لا غير يا ترى شو الفرق بينن وبين العرب اللي عم يقلدوهن.
كلن راكدين ورا المصاري والشهرة شو ما يكون التمن ،وأخر النهار بيطلعوا بيقولوا أنو عندن رسالة !!!!!!!!!!!!

وأخيرا بسأل يا ترى بيستحق جاكسون أنو نفكر  فيه كقدوة أو كمثل ؟؟؟
يا ترى شو في بحياة جاكسون  شي نتعلم ونستفيد منو ؟؟؟

عزيزتي مايا

أنا بضم صوتي لصوت الأخ مصطفى

وبقول هل  يا ترى بيستحق جاكسون أنو نفكر فيه كقدوة أو كمثل ؟؟؟

مصطفى الكحيل

مايكل جاكسون ما ركز على الجسد إذا شفت أغاني هاد اول شي

بتقول: يا ترى شو في بحياة جاكسون شي نتعلم ونستفيد منو

هلأ هو مالو نبي حتى نستفيد منو بس في شغلات إيجابية

1- رومانسي

2- هادىء

3- له أفعال خيرية كثيرة

4- غنا للأرض


ورأيي أنو جاكسون هو عملاق بالنسبة للي بحبو ويلي ما بحبو بشوفو تافه أو عادي يعني الشغلة نسبية بحتة

مثلاً الأجانب ما رح يعجبوا بالمطربين يلي بالنسبة إلنا عمالقة فالشغلة نسبية

شكرا كتير عالموضوع مايا لانو كتير حلو و رائع على فكرة مايكل جاكسون الاسطورة بحياته ما حيجي حدا متله بنفس موهبته و طريقة غنءه و رقصه يلي ما حدا قدر يسبقه بهي الاحركات الرائعة
بالنسبة للسؤال الاول مايكل جاكسونت اكيد بيصح يكون قدوة و الدليل على هالشي انو هو الاسطورة ملك البوب
و لسؤال التاني ما بعرف اذا هو حقق احلامه ولا لا لانو ما بعرف شو هنن احلامه بس المسكين كان من ورا الصحافة عيش حياته عذاب و الم
السؤال التالت المطربين العرب عم يطلعوا بهالدرجة من القرف و غباء بغنائهم لعدة اسباب اول شي في مين يسمعهم و تاني شي ما عندهم موهبة ليطلعوها بالغناء و تالت شي انهم عم يحاولوا كتير يقلدوا الغرب بس عم يطلع تقليدهم فاشل و مكرر وما بيستحق يكون حتى غنية بالكراجات
شكرا كتير عالموضوع الحلو بس انا حابب قلك انو اذا قدرتي حطي الموضوع بغير منتدى لانو المشرفين ما بيحبوا يسمعوا غير يلي بدهم ياه و ما بيحبوا مايكل جاكسون((بكرا بيسكرولك الموضوع))
تقبلي مروري

قال بوب أميركي ومابعرف شو القصص يلي بيعملوها وشو هالطرب الأصيل يلي كان يغنيه


أنا برأي العالم ارتاحت منو ومن صرعاتو



آسف بس أنا بنظري فنو هابط ومنحط

هلق انا مابحب موسيقى البوب بس شي يلي لفت نظري بمايكل با نو ما قلد حدا ترك بصمتو ودليل معجبيه حول العالم مايكل موبس بلمو سيقى كان فريد من نوعه لا كمان بلرقص  قدم فن حلو الاهم قدم شي جديد وهو  مانو تافه لا نو بيمتلك موهبة وهيدا شي بنفتقدلو نحنا العرب هلق المقارنةبين عبد الوهاب وام كلثوم واسمهان بممممايككككككككل  بانو في عندنا فنانين عرب هيدا شي مو صحيح مثلا عبد الوهاب صوت حلو وبغني باحساس كبير اما مايكل صوي عادي يمكن الفس بريسلي جو لينين فرانك سناترا اصواتن احلى وبغنو باحساس بس الشي يلي بميز مايكل جاكسون عنن كلن بقصد عبد الوهاب او الفيس بريسلي هو شي الجديد يلي قدمو ماكان يوقف بنص المسرح ويحرك اديه بلهوا كان يقضي ساعات وهو عم يتمرن على رقصاتو يلي ماكان موجود قبلها من قبل يعني عم يخلق شي جديد هلق انا مابنكر انو عبد الوهاب وغيرو من الفنانين العرب الفدامى ادمو شي حلو كتير بس فنن بيختلف كل الاختلاف عن فن مايكل انا مابحب مايكل جاكسون بس بحترمو لانو قدم شى مختلف عن كل الفنانين بلعالم

تحياتي للجميع ..
و شكراً عالموضوع الي غريب انو ينذكر من عضو واحد فقط...
المهم و مشان أدخل بصلب الموضوع...أكبر غلط يمكن نعملو انو نقلل من شأن مايكل جاكسون و هاي النقاط اللي بدي أشرحها

1- مايكل أنشأ ثورة فنية من الثمانينات حيث إنو الإيقاع و خطوات الرقص تبعتو ما زالت للآن هي السائدة بدون نزاع

2- من الضروري انو نتجنب الحكم على شخصيتو من خلال الأخبار اللي وصلتنا لأنو أي انسان مثقف بيعرف انو وسائل الإعلام لا تمتلك مصداقية و سعيها الأهم هو المادة من خلال السبق الصحفي بغض النظر عن صحة الخبر و مايكل ليس بشخص عادي فوجود أعداء كثر حوله موضوع طبيعي بداية بأخته لاتويا اللي ماشاءلله ما خلت شي غير حكت عنو بالعاطل

3-
اي شخص بينتقد مايكل بتمنى من كل قلبي انو يكون عن جد بعرفو من ناحية طفولته المريرة أو عالأقل يكون بعرف جزء من أغانيه  و ليس النقد لمجرد النقد

4-
موضوع القدوة انا عندي كلمة و بتمنى تتفهموها ...بتوقع انو وصلنا لمرحلة نصحى فيها و بلا خزعبلات الإنسان حر بإتخاذ أي شخص قدوة إلو لكن من خلال مجال معين يعني أنا إذا كنت معجب بمايكل من ناحية فنو هاد ما بعني إني رح أعمل عملية تجميل لأنفي !!!!!!

5-أما رد خاص للعضو اللي حكى انو خلصنا منو , أنا فعلاً مستغرب لأنو في موضوع مهم لازم يعرفو  :مايكل موجود من خلال فنو و مبيعاتو ازدادت بعد وفاتو و من ناحية ثانية ما بتوقع انو مايكل كان واقف على باب بيتو و بترجى مشان يسمعلو
ما بدي أتخذ موقف عدائي بس الصراحة التعليق ما بليق بحق فنان رسم خريطة موسيقى البوب ... و كمان بتحدى إذا كان بيعرف أكتر من عشر أغاني لمايكل حتى يكون مؤهل انو يحكم علي...

6- أخيراً تقديرنا لمايكل ما بعني بالضرورة انو بيحط  من قيمة اللي انذكرو من فريد أو وديع و يا سيدي الدنيا أشكال و أجناس و كل واحد حر بفنو و كل واحد حر بابداء رأيو بفنانو المفضل فتقديرنا لمطرب غربي ما بأدي لإلغاء العربي بالعكس يمكن يكون مكمل إلو

صدقاً الموضوع كبير و ما يستهان في لأنو مو موضوع مايكل جاكسون (اللي اكتشفوا بعد التحقيق إنو مات مقتول)
الموضوع موضوعنا احنا و موضوع نظرتنا لحياتنا وحضارتنا و انا هون أقصد شيء واحد و هو الفن..لأنو فن الأمم انعكاس لرقيها الحضاري
لأنو اليوم  اللي رح يجي عالعرب أو ما يسموا مجازاً العرب و يبطلو يضلهم مشغولين 10 سنين على أليسا لأنها طلعت بأغنية وتصورت مع شرشف و ينقذوا ما تبقى من أصالة موجودة لدى عظماء مثل نصر شمة سيكون اليوم الي يحق لنا أن ننقد أي فن و أي حضارة..
و الشكر جزيل الشكر لمشاركتك القيمة maia