رح أحكيلكم عن اختصاصي اللي تخرجت منه .. المعهد التقاني للحاسوب ..

دخلته بعد دراسة مطولة وتفكير .. ماكان رغبتي قبل البكالوريا _ماكنت عرفانة شو

بدي بصراحة _ 

الحمد لله حبيت هالاختصاص بعد مادخلته .. كان تحديدا هندسة برمجيات وفي

اختصاصين تانيين هندسة شبكات وهندسة حواسيب

الاختصاص بيكون حسب المجموع ضمن مفاضلة داخلية

المواد التخصصية كانت حلوة _ لغات برمجة , أنظمة تشغيل , تطوير ويب, قواعد معطيات

,شبكات , و  وشوية

مبادئ عن بنية الحاسوب

بتعتمد الدراسة على العملي بشكل كبير والفهم أكتر من الحفظ

نصيحة إذا بتحب هالمجال وإلك مراء بالرياضيات وبالبرمجة تدخله وتعطيه حقه..

بتصير عندك فرصة لتطلع على كلية الهندسة المعلوماتية إذا طلعت من 3% الأوائل

أو بتكمل بالجامعة الافتراضية وبيرتفع مستوى شهادتك ..

أثناء الدراسة ومشروع التخرج بتصير عندك فكرة شو ناوي تكمل .. لأن الكمبيوتر

علومه كتيرة مثلا حبيت البرمجة كبرامج أو البرمجة كويب أو الصيانة أو الشبكات ..

من جهتي حبيت تصميم الغرافيك .. أخذت عنه فكرة من دورة خارجية لأنه مابيدرَس

بالمعهد ..

بس في شغلة .. المعهد لحاله مابيكفي .. ووقت تتخرج بتحس بقيمة "كلية"

هاد إحساسي للأسف شوية ندم أنه طلعلي كليات ومافتت ..

ومستقبله بعدين بشركات أو محلات كمبيوتر أو أي شغل إله علاقة بالكمبيوتر

والخبرة مهمة لتزيد فرصة القبول ..

طولت عليكم .. هي كانت تجربتي إن شاء الله كون فدتكم

وبتمنى تساعدوني بمعلومات عن الاختصاص اللي حابة كتير أدخله  _تغذية _

دمتم بخيـر و عافية ..

مرحبا انا لارا اختصاصي ارشاد نفسي السنة الخامسة هاد الفرع كتيير حلو لانو بخليك تفهم شخصية الاخرين بشكل افضل وتعرف تتوصل لحلول بشكل عقلاني اكتر وتتفهم الامور بشكل اكبر وانشالله مواضيعي رح بتفيدكن وانا استفيد منكم كمان....

يعطيك العافية على الموضوع
بس أنا كليتي مو بجامعة دمشق و إنما بجامعة البعث
بيمشي الحال احكي عنها؟؟؟  

مرحبا
أنا طالبة رياضيات سنة2 الرياضيات من أحلى فروع كلية العلوم وأكترختصاص بدو شغل ودراسة على مدار العام بس أنا دخلت هادا الفرع كهواية لأني كتير بحب اللرياضيات لأانو عالم تاني ومو الكل بيعرفوا  وبالنسبة لنظرة المجتمع الدارسين بيقولو عنو فرع محترم ومهم ومو مين ماكان بيقدلر يدخلوا أما الأشخاص العاديين نظرتن لهل الفرع كتير سلبية يعني بيعدوا بيحكوا عن هل الفرع وكأنن بيعرفوا يعني بيقولو أنو فرع ناشف(يعني سأيل) وأنو مابيدخلو غير المعقدين وطبعا الحكي كلو غلط
أما بانسبة للشغل مستقبلا مبينة أستاذ رياضيات او دكتور بالجامعة هاد أذا كمل الواحد دراستوا دراسات عليا وهي بدا كتييييييييييييييييييييير دراسة من هلأ بدا مشان المجموع يكون عالي مشان يقدر يكمل
بس بضل فرع رياضيات الأجمل
 
وسلام

أكيد بيمشي أحكي ليش لأ؟
مشان الكل يستفيد أن كان بجامعة دمشق أو بالبعث

kreaten
وليش ما بيصير ؟
بالعكس ..
والفكرة كانت أنو يستفيد الطلاب الجدد من خبرة القدامى ..
وتجربتن بالاختصاص ..
بتشكر كل واحد شارك بإثراء الموضوع ..
أحمد

بسم الله الرحمن الرحيم

فرعي غريب وقلة قليلة في المجتمع الذين يعرفونه لذلك نسبة المسجلين فيه قليلة

هذا الفرع هو عبارة عن استخدام الطرق الفيزيائية والتعرض لبعض الطرق الرياضية للتنقيب عن الثروات المعدنية في باطن الأرض وللتعرف على طبيعة طبقات الأرض يعني أنت تستخدم الفيزياء والرياضيات بشكل تطبيقي وليس نظري هذا الفرع يمكنك الدخول فيه من خلال قسم الجيولوجيا وفي السنة الثالثة تختص جيوفيزياء بس أنا بفضل يكون قسم مستقل لأنك تضيع الكثير من الوقت في السنة الأولى والثانية في المعلومات الجيولوجية الصعبة والغير مفيدة في مجالك بس الجيوفيزيائي لا غنى له عن بعض المعلومات الجيولوجية . مجال عملك بيمون غالبا في شركات النفط والغاز وغيرها بس مشكلة اللغة هي الأساس لأن التعامل مع معظم الشركات يكون باللغة الانكليزية ((أتمنى التوفيق لكل الطلاب)) 

السلام عليكم :
انا جودت  . سنة اولى حقوق  . و دخلت بناء لرغبتي  . و حاليا لا بأس بالدراسة لان بعدني اول الطريق  . ومعك معك بصير تحسن لحتى ناخد الجو  على العموم دراسة حلوة لحتى تعرف شو عم يصير حوليك . واتمنى من الجميع التوفيق بمجال الاختصاص والنجاح وتحيق الامنيات .
شكرا لكم

مرحبا أنا زهورطالبة سنةرابعة بكلية التربية معلم صف بجامعة الفرات بالحسكة أنا ما دخلت هالفرع عن رغبةبس حبيتو كتير وإنشاءالله بدي كمل دراستي والله يوفقني ويوفق الجميع يارب                                                           ادعولي

مرحبا أنا بدرس جغرافيا سنة تانية

وضع الكلية مقبول بس المهم أنو الواحد يحب الفرع يلي بيدرسه وقتها  بأبدع فيه

أنا عن نفسي  ما بحب الجغرافيا لأني كنت أحلم أدخل هندسة  فبلاقي المواد صعبة والدكاترة مو مناح