ماء السماء

عدنااااااااا

اليوم لح قلكم قصة بس بعيدة شوي عن قتل الحيوانات و تعذيبهم حاكم اشتهرت بهالتهمة و أنا بريئة  

المهم لح بلش

هاد يا سادة يا كرام برمضان بتعرفوا بتكتر العزايم و الزيارات و هالشغلات المعتة و صلة الرحم عأساس

مرة برمضان كانت العيلة مجتمعة عنا كلهم يخزي العين شي سبعمية و سبع و سبعين ألف نسمة نص تعداد سكان سوريا (( أكيد مو لهالدرجة بس لازم يكون في شوية سوس بينس بالقصة   ))

المهم بعد ما فطرنا بتعرفوا لازم الحلو و الفواكه و شو بيعرفني فأجوا و حطوا القطايف و القشطة و قالوا لتيتة تعملهم لأن النساوين كانوا يشتغلون بالجلي

المهم
تيتة ما كذبت خبر و قعدت تعملهم جوا بغرفة الضيوف مع الكبار و هم يتهامسون عالكناين و الأصهر (( بتعرفوا عاداتنا و تقاليدنا ما بيقدروا   ))

أجت فوفو يلي مو شريرة إلا شوي و جبت ولاد عمي الصغار و ربطت فارة اصطناعية طبعا بخيط و قلتلهم ألهوا تيتة ضوجوا قدامها مشان تقوم و تخانئكم
و أكيد لازم يتبخششوا مشان يرضوا 
المهم هنن راحوا من هون و تيتة لحئتهم من هون و أجيت أنا و حطيت الفارة بين رجليها لما بدها تقعد و أجت و قعدت

و رحت أنا بعد ما قعدت و سحبت الخيط من بين رجليها و قلتلها تيتة فاااااااااااااااااااااااااااااااااااااااااااااااارة  
هههههههه

تيتة معها ضغط و سكر و تصلب شرايين و مدري شو (( أكيد عم أمزح  )) بس معها ضغط و ما بيسوى تنفعل عأساس و نطت تلك النطة و لا ساسوكي و تعمشئت بعمتي  و تيتة وزنها طن و نص ما شا الله 
و أنا صرّخ و قلها أصحك الفارة يا تيتة أصحك و صرّخ معها مشان يكمل السيناريو

و ركدوا ولاد عمتي الشباب و صار بدهم يقتلوا الفارة و لقوها بلاستيك و قالولها لتيتة يلي كانت فاتحة الشباك و بدها تزت حالها من الشباك
الله ستررر
و تيتة كانت لح تموتني وقتها (( الله مد و طول بعمري لقلكم القصة   ))

و أكلتلكم شو بهدلة مرتبة وقتها آخ الله يسامحهم قال شو كانت ستك راحت فيها

عكل بظن هلأ لح تقولولي خليكي بالحيوانات و لا جرائم بحق البشرية

بتمنى تكونوا ضحكتوا و لو شوي

سلامااااات في الحلقات القادمة    

يحرء حريشك ,,, لك أم الفوف على هاالقصة ,,,,



والله العظيم ,,, مو بس ضحكت شوووووي ,,,,


فرطت من الضحك ,,,, ,اجت  أمي لعندي ,,, عم تألي ,,,,,


شو صاااار لعئلك شي ,,,



حمريت وخضرت ,,, وخرست ,,,,,



وليييي ,,, خواصري ,,,طئواااا ,,,,,



شو نهفة ,,, والله تترخ ,,, بجد حلوووة كتير كتير ,,,,

طلالو

انا بس كان عندي وبالأحرى لهلأ عندي هواية (شوط) القطط
ومدري كم ميت مرة حرقت ضفدع بالكيروسين أو ب(التنر)

شبكم يا جماعة عملتوني شريرة و أنا بنت كتير حبااااااااابة 

بالنسبة الي انا كانت طفولتي بتجنن ....
كنت استنى الساعة 6 المسا مشان انزل العب مع ولاد الجيران طابة وكانوا البنات يلعبو العابون المعروفة وما كنت اقبل العب معون...ومو بس هيك ياما متقاتلة انا وشي ولد وماما عم تناديلي من فوق ....بس ما بنسى مرة في عنا بالحارة جارة بنص عقل وصارت تلحقني بهالحارة بدا تاخد الطابة مني (والله صار قلبي با لأراضي) ...وهيك كبرنا وصرنا نقول وينون هالأيام...

Alosh