فضيحة كلية الزراعة 2008 - 2009

من المخذي والمعيب أن يأتي طالب على أمل التقدم لامتحان -حملة - مادة الانكليزية التخصصي سنة رابعة أغذية ويفاجأ بماذا .............

يفاجأ الطالب أن دكاترة المقرر نسوا المادة أساسا فدكتور في الجيش والأخر الله العليم أين.

بقيت أنتظر مدى 20 دقيقة بعد بدء المقرر وأنا أرى الطلاب من حولي يكتبون إجابتهم في المواد الأخرى بعد أن حشرنا في قاعدة مقيتة.

وبعد فرج أتى الدكتور ثايرا وغاضبا يلوموني ويقول لي تعال ب 25 الشهر قدم المادة
وبنظام الامتحانات هذا الامر مرفوض حيث ان المادة مقررة بتاريخ 11 / 1 / 2009 أي اليوم

ووصلت معه بعد الترجي والتمني إلى طريق مسدود ( علما أن الحق معي لكن رقبتي بيده )
وهكذا ....... دخل نائب العميد لينقذ الموقف حيث أحس بوجود أمر مريب
سألني ماذا بك : قلت له دكتورمشان الله اليوم المادة والدكتور مدري شو بدو

ودخل الاثنان في المعركة فنائب العميد يلوم دكتور المقرر والثاني يثور على اعتبار فقدان هيبته بين الطلاب والمراقبين الموجودين.

وخرج الاثنان من القاعة وبقيت أصواتهم تصلني عبر الصدى فكلاهما مصر ومتشبث برأيه.

بقيت بعد الـ 20 دقيقة 30 دقيقة أخرى أي حوالي 50 دقيقة من وقت الامتحان
وأنا لا أعرف نقسي سأقدم , سأرسب ................... لا أعرف شيئا
سوى أن تلك البغيضة الأخرى التي تأخذ التفقد أفقدتني أعصابي وهي تحاول كل خمس دقائق أن تسجلني حصورا في امتحان لم أقدمه بعد.

وبعد .............
حضر الدكتور وبيده ورقتان وقال ............
اكتب ........... أكتب لشوف شو رح يطلع معك.......


زملائي وأخواتي أنقل لكم مأساة حقيقية حصلت معي اليوم
فما رأيكم ........... دمتم

عطر  الشام
فعلا الله يكون بعونك على هالمشكلة ...
وعلى كل الأحوال هالشي عم يصير مع كتير منا وبكل الكليات ...قصدي عاللامبالاة
يعني تصور يوم المسيرة ما حدا معه خبر بتأجيل الامتحان وفي ناس جاية من آخر الدنيا بالبرد وعجقة المواصلات ...
وقالتلي وحدة من رفقاتي انو لبعد ما قعدوا بالقاعة وعم يستنو توزيع الاوراق قالوا انو الامتحان تأجل

يلا حسام بسيطة عادي ولا يهمك كلنا بالهوا سوا.  ..يعني شو بدنا نعمللهن لهالدكاترة مثلاً؟..  .الله يعينا عكل حال  ........

إن شاء الله بتطلع معك المادة حسام  وبتخلص منها ومن دكتورها للأبد            ................


سلام.................




سونيستا 

اخي الحبيب عطر الشام اتمنى ان تقبل النصح بصدر رحب عزيزي اولا اقول لك انت اخطات لما ناقشت الدكتور اما نائب العميد امكن انت ما تعلم ماذا سيتخذ القسم او الجامعه مع الدكتور من نظام بسبب الاهمال
لكن حاول ان تطيب خاطر الدكتور وتعتذر منه باسلوب لبق لانوا انت بين تلات امور
1- اما ان يرسبك في المادة
2- ان ينجحك لكن بدرجة ضعيفه جدا
3- اما يجيب الك اسأله صعبهه جدا ما تقدر تجاوب عليها ويرسبك بناء عليها
ومع كل هذا بيوصي الدكاترة التانين عليك وهيك بيتروح في خبر كان
حاول ان تعتذر منه باسلوب لبق لعل وعسى
انا اكلمك من تجربه مريت بها لكن مو متل مشكلتك بل مشكله تانية
تقبل مروري مع كل الحب والاحترام
خالد111

اخ خالد111

يبدو أنك لم تستوعب الموضوع أو تفهمه

أرجو منك قراءة الموضوع وفهمه وبعد ذلك الرد عليه.

فمن خلال ردك أصبحت أنا الجلاد وحضرة الدكتور المهمل لمادته هو الضحية.

ما شاء الله؟؟؟ ونعم العلم!

يعدملي ياه للدكتور

بس منيح اللي في مين يحاسبو, ولا يهمك, بتنجح على راس راسو

ومو بايدو يعملك شي

أنا واثقة, وبظن إيام الدكتور صارت معدودة على اعتبار أنو نائب العميد معك, هذا يعني أنو الأمر وصل العميد, والعميد رح يصطفل فيه والسنة الجاية بيجوز ما يبقى.

المهم انشالله ترفع المادة. وموفق.

له له له والله مو خبرية بنوب يا حسام عنجد الله يحمل معك بس يا حسام والله خالد معو حق يعني انته ناقصك دكتور يتحطط عليك ولأ عم تقول انو الدكتور اكل بهدلة مشانك وقدام الطلاب يعني هو الوضع النظامي الحق مليون بالمية معك بس لازم تحسب انو الدكتور مااعترف بخطئو واعتبرك انته اصل المشكلة ونقم عليك مع انو هاد حقك وهو الغلطان مشان هيك اذا الدكتور مالو ابن حلال روح وشوف وضعك وانته فهمت عليي شو قصدي    واذا ابن حلال نيمو

الله يكون معك يا حســــام ,,

عنجد ,, موقف كتير صعب .. مابحسدك نهائيــاً ,,


انشالله بتترفع المادة ,, وعيش كتير بتشوف كتير ,,



باسل