ماهر الزعبي

اقتباس

بالنسبة الي مابقبل انو سيدة عمري مستقبلا تلبسني الحذاء
مابعرف ليش تحديدا لكن كل يلي بعرفوا انو هالتصرف ممكن انو يحط من قيمتها ويغير دورها المحوري من زوجة

صدقتك و الله .... 

ليش في حد منكم ما بيحب يكون عنده عبدة

اقتباس

الدلال المفرط من كلا الزوجين لبعض غلط لانو ممكن يؤدي لنتائج عكسية غير محمودة العواقب

في نوعية من الرجال .. لو مرته دللته زي ما بهولندا    ما بيطمر فيه

و في نوع بيقدر و بيحترمها و بيزيد حبه الها ... ويمكن يصير هو يلبسها حذائها كمان

شكرا ماهر لمشاركتك

عاشق عبير الشام

مهو سبحان الله ... بتلاقي الزوج مع امه شكل و مع مرته شكل

ما بيلاقي حرج انو يساعد امه ... بس مرته بيقلك ليش هو انا جايبك اتفرج عليكي 

اقتباس

اتذكر مقولة لواحد من اصحابي المتزوجين " لا يوجد كرامة بين الزوج وزوجتو"
يعني ما يظل كل واحد يتحسس من اي شي او يقول جرح كرامتي وجرحت كرامتو
وهالشي نتيجة انو صار الهم كرامة مشتركة وما عاد في انفصال بنهم حتى على صعيد الكرامة
فكرامة الزوج من كرامة زوجته والعكس صحيح

هي مزبوطة 100% .... يعني بصراحة -ولا حياء في الدين- ستنا عائشة كانت تحمم الرسول الكريم و هو كذلك ... و في كتار بيعملن هيك مع ازواجهم  و اكتر من هيك
و عنجد هالافعال بتزيد الترابط بين الزوجين و الاحترام كمان .... بس في رجال عنجد ما بيقدرو و بينسو .......

انتو ستنو المفاجاة راح تصدقو كلامي .......

هنا ترائى الى ذهني سؤال .. هل يمكن ان اكون انا في مكانها و افعل ما فعلته ؟؟؟
و ما العيب في ذلك .. اليس هذا زوجي و ابو اولادي ؟؟؟

زوجك و ابو ولادك ما اختلفنا بس توصل لدرجة تلبسيه الحذاء هيك كتير اساسا حيتمادى بعدها اكتر

لكن ... ترى كيف سينظر لي زوجي ان فعلت له لذلك ..؟؟ هل سيحترمني و يقدر ذلك ... ام سيزيد استعباده لي ؟؟؟

اكيد حيزيد استعباده لألك يعني اذا عم تلبسيه الحذاء شو بئي معناها مافي داعي لايديه

و كم من شبابنا يستحق مثل هذا الاحترام ؟؟؟

اذا كان الاحترام بتلبيس الحذاء معناها ما حدا بيستحق الاحترام

و كم منهم سيرضى ان تلبسه زوجته حذاؤه . و من لن يرضى ؟؟؟
حبيبتي ما بظن حدا منهم يرفض لأنو روح قلبهم يحسو بوجود عبدة عند أقدامهم

و انتي كفتاة .. ما رأيك بهذا التصرف .. تؤيدينه . ام تستهجنينه ؟؟
أكيد ما بقبل بهيك تصرف مهما تكن العواقب انا فتاة لي كرامة و باعتقادي هلشي بمس كرامتي

هل المرأة المتحضرة بامكانها ان تتبع هذا الاسلوب في حياتها الزوجة ... ام انه حكرا على المرأة الجاهلة ؟؟
والله الشغلة مو شغلة متحضرة و متخلفة كل وحدة و قناعاتها .

على فكرة موضوعك مهم كتير لأنو كثرت هلشغلة كتير لدرجة انو بتلاقي الرجل حتى بيطلب من زوجته توضيب ملابسه  و كأنو تزوج ليجيب خدامة مو زوجة

بالنهاية هاد رأيي الشخصي الذي قد يخالف الكثير من الآراء

مــــ قطرالندى ــــدى

عزيزتي ... لا اعتقد ان الحضارة و الثقافة لها دخل في العلاقة بين الزوج و زوجته

خصوصا في الاشياء الداخلية جدا ... و تبقى اشياء خاصة جدا .. فبعض النساء تطعم

زوجها بيدها .. تماما كالطفل الصغير  و قد تكون هذه المرأة مديرة او طبيبة

اشكرك مون لايت على الموضوع المهم والمفيد لكل زوجين ولكن وجهة نظري الخاصة هي انى ارفض بشدة ان تعمل معي متل هيك لانى اخجل كتير من مواقف متل هيك وانا لا احب ان استصغر الناس امامي وعمر بن الخطاب يقول ( متى استعبدتم الناس وقد ولدتهم امهم احرار ) هاي وجهة نظر
تقبلي مروري مع كل الحب والاحترام والتقدير
خالد111

السلام عليكم ...

لا أنكر أني بداية استهجنت الفكرة بعض الشيء ..

أعتقد أن هذا التصرف اختارته أختك .. للتعبير عن محبتها لزوجها .. و هو أمر خاص بها

برأيي الشخصي كل علاقة بين زوجين مختلفة عن الأخرى و تستلزم نوعاً معيناً من المعاملة ..

مثلاً .. في حالة أختك .. هي أدرى أن زوجها .. ( ما رح ياخد وش ) و يستعبدها فيما بعد ..

و إلا ما اتصرفت بهذه العفوية و أمام اختها .. .. برأيي هذه العلاقة تقترب للمثالية ..

و هي من الصعب أن تتحقق في يومنا هذا و في كافة حالات الزواج .. لأن الناس في هذا الزمن من مناصرين الكرامة الشخصية .. و الكيان الذاتي .. .. و هذا الأمر ليس صائباً بالضرورة ..

على كل .. أعتقد أن هكذا تصرف يحدده الطرف الآخر و طبيعة العلاقة قبل كل شيء ..
و ليس له أي علاقة بكون المرأة متحضرة أو جاهلة على الإطلاق ..

عن نفسي .. لا أستطيع الجزم بأني قد أقوم بهكذا تصرف في المستقبل ..
ليس لشيء .. إنما قد يكون الطرف الآخر لا يستحق .. !!
و مع هذا .. كلما قرأت الحديث الشريف الذي ذكرتيه " لو كنت آمرا أحدا أن يسجد لأحد لأمرت المرأة أن تسجد لزوجها " .. اقتنعت أكثر بالفكرة ..  و تقبلتها أكثر
من يدري ربما أفعل ..!

بالنهاية أشكرك أختي الغالية مرام على الموضوع الرائــع ..

دمتِ متميزة ..

جودي ..

أولا شكرا كتير مون لايت على موضوعك الحلو
تانيا أنا برأيي أنو هالأمور نسبية وبتختلف من مجتمع لمجتمع
وحتى من أسرة لأسرة  ومافينا نعطي حكم مطلق أنو هالتصرف صح ولالاء
طبعا أنا بالنسبة ألي مابقتنع كتير بهالتصرف
وبلاقي أنو في كتير طرق بتعبر عن احترام الزوجة لزوجها
غير هالطريقة
برجع بقول أنو هالأمور نسبية يعني إذا كان الزوج بيقدر أنو
هالشي صار عن حب الزوجة لزوجها مو عن خوف أوخضوع فمافي مانع
بتشكرك مرة تانية على موضوعك

دلع الانوثة

بائع الكبريت


اخي العزيز بالنسبة للاسم  فقد اخترته بعناية فائقة ... نعم انت محق بان هؤلاء

النساء هن امام الشمس ... لانهن و للاسف مصنفات ضمن الفئة المختلفة

و من وجهة نظري الخاصة هن الغباء بعينه و ستعرف في نهاية الموضوع السبب

اخي بالفعل احيي فيك وجهة نظرك الرائعة و اتمنى لو ان كل رجالنا يفكرون مثلك

light of eye

عزيزتي ... من الواضح تشددك الى حد ما في هذه المسالة

لكن صدقيني المبدا ليس للعبودية او السيطرة ... انما الحياة الزوجية نوع من الاخذ و العطاء


اتمنى من الله ان تتغير فكرتك بهذا الخصوص ..