ماذا كان شعورك في اليوم الأول بالجامعة ( الكلية) ؟
انا أذكر اليوم الأول (دوام ) في السنه الأولى كان قمة السعادة وكونت العديد من الصداقات ( الحمد لله ) ولا زالوا أصدقائي حتى هذا اليوم وبشكل خاص تلك الفتاة البريئه التي سألتني عن (الصف) وهي طبعا تقصد المدرج لا زال طيفها في مخيلتي لشدة برائتها سألتني ذات مرة : متى يرن الجرس ( صدقوني لا ابالغ )
اتمنى لو اراها ؟؟؟؟؟؟؟؟؟؟؟؟؟؟          

صباح الخير

صدقاً من يومين كنا بهاد الحديث، واسترجعت أنا ورفئاتي ذكريات السنة

الأولى بأدق التفاصيل.

ومتل ما حضرتك تفضلت، في صداقات من السنة الأولى لحد هلئ والحمد لله.

وشغلة أساسية كنا نط من مكان لمكان مشان الحضور، من المدرج الرابع

للهنغارات، كنا نغطي وقت الدوام كامل (بس الفصل الأول) ههههههههههههههههههه

شكراً عبد على الموضوع المتميز

ذكرتني بماساة بداية جامعتي
كنت لمدة عشر ايام اطلع الساعة 6 من البيت لحتى اقدر اصل على محاضرة ال8
لانو كنت ابعد شي 130 كم عن الجامعة
بس بالسنة الثانية والثالثة والرابعة كان يلزمني 7 دقايق مشي لحتى اصل للكلية وما كنت امشيهم
ولا اروح على الكلية واذا بدي احضر محاضرة الساعة 2 بحسها بوقت الفجر

بصراحة ..... بصراحة


كان بالنسبة لئلي يوم كتير عادي


وانصدمت كتير كمان

يعني كنت متخيلة شي تاني

لقيت كل اللي معي

من شباب وبنات

ومع احترامي .... بيقرفو


بس كان يوم حلو .....


عنجد ميرسي الك ع الموضوع كتير ظريف و حلو

هلق أول يوم بالجامعة بالنسبة الي
هو لما رحت وسجلت بالمكتبة اللي بالنفق مشان آخد محاضرات
ووقتها كتير انبسطت لما عرفت أنه في مكاتب بتأمن المحاضرات للطلاب
لأني كنت آكلة هم أنه كيف بدي أدرس وأنا ما بقدر أحضر أغلب المحاضرات
بحكم دوامي بالوظيفة
تحياتي

pure soul

بصراحة اليوم الأول كان يوم معت لأكثر درجة .....

والسب في ذلك اني دخلت عالكلية ما بعرف حدا ، ولا بعرف وين البرنامج ووين بدي احضر ، شي بالعلوم وشي بالفيزياء وشي بالكيمياء ،بس معلش كل شي بدايتو صعبة ....

وهلا الحمد الله مبسوطة وخاصة لما قالولي انو البناء الجديد لقسم الرياضيات ...
                                   

أول يوم .............كان قمة بالكآبة والحزن والاستياء والامتعاض وما إلى هنالك من الأحاسيس المكروهة ..........
وكنت متل الضايعة مالي شغلة أعملها غير أني دور بين الرايح والجاية بلكي بلاقي الناس البعرفهن هون         
ولقيت شخص وحيد كان معي بالمدرسة وكان ضايع أكتر مني.....       وقعدنا ندور عالطلاب المفروض يكونوا بالمدرج السادس على ما أذكر حسب البرنامج بس ما كان في حدا.........

شكرا عبد رجعتنا لأيام الطفولة ....       .........قصدي لأيام السنة الماضية.........

آآآآآآآآآآآآآآآخ عأول يوم
يعني شي بيشيب شعر الراس 
و الله يعني ما كنت بعرف حدا و فايتة حاسة كأني بمكان منعزل عن العالم
أو بشي غابة كأني عم أحضر شي فيلم رعب و الناس متل النمل هون و هنيك
بس الله ستر و ما بكيت من شدة الفزع و مع هيك كنت أحضر بس أكيد بعدين اتعرفت عبنات كتير
و كلن ما لهن رفقاتي هلأ 
بس وحدة منهن لهلأ رفيقتي
شكرا عالموضوع الظريف 

بالفعل كانت مشاركات تلامس القلب و تشرح الصدر لما فيها من الصراحة الامتناهية . و صدقوني ليس هناك من احد لم يعاني في أول يوم لكن هذه المعاناة بعد التخرج ان شاء الله تصبح من الذكريات الجميله رغم مرارتها .
شكرا لكم على المشاركات الجميلة .