بعد هل الثورة الاعلامية الي عم نشوفها والي عم يصورولنا فيها المرأة المحجبة بأنها رمز للتخلف وأنو المرأة السبور والي بتطلع على الشارع نص لابسة هي الحضارة والتقدم وإذا بتسأل شي حدا منهم بيقلك الناس صارت على القمر ونحنا بتقلي حجاب وأتستر ومن هل الحكي هاد
يا جماعة الحجاب والحشمة ليسة تقدم ولا تخلف ولا بتمت باي صلة بالحضارة
الموضوع عبارة عن انو الوحدة تتستر وتحتشم فقط
فأذا اعتبرنا لبس السبور حضارة وكل ما الوحدة بطلت تلبس صارت تواكب التطور فالي عاشو بالعصر الحجري مان يلبسو غير شوية ورق شجر وغيره معناتة لازم يكونوا بقمة التطور وهدا مانو صحيح
فنحنا إذا جبنا دكتورة جامعة ومن خيرة الدكاترة
ولبسناها الحجاب وسترناها فورا بتنسا كل العلم الي درستو و بتصير متخلفة وجاهلة؟
أكيد لا وبعيد وبكرر أنو الحجاب والاحتشام من أجل رضى الله والحشمة وما دخلو لا بالتقدم ولا بالتأخر منشان ما حدا يتفزلك ويتهم الاسلام والمسلمين بالتخلف
وبحب نوه الى أنو الحجاب ما بس غطاء للرأس بل هو ستر لكل الجسم لانو في صبايا كتير بفكروا حالهن متحجبات وهن بعيدين كل البعد عن الحجاب والحجاب بريء منن
وشكرا والسلام عليكم ورحمة الله وبركاتة وانشاء الله يكون هالشيء الي كبته مفيد لنا ولكم
تخلف أم حضارة 
