|
بدا شد شعر ولا مابدا .... 15-09-2008 02:59 AM
مطمطر بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟
لأ عم ارقص.. بس الوضع بيوحي إني نايم
معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
لا والله لساتنا عالطريق، في عجئة بشارع بغداد
لابس أحلى أواعيك ومتعطّر وشايل مفاتيح السيارة وجزدانك وداحل لبرات البيت، بيجي حدا من أهلك بيسألك، شو رايحلك شي مشوار ؟؟
لا والله طالع عالأسطوح صلّح السكر
حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجهه علائم الإستغراب والدهشة: بدك تحكي بالتلفون؟
لأ شو إحكي بس كنت عم جرب صوت طنة الأرقام
حاطت راسك ونازل دحي بهالكتب والدراسة، بتجي امك...: عم تدرس تئبرني؟
لا والله ... عم غير زيت للسيارة..
عم تتفتل بسوق الموبايلات , بصادفك شخص ، حامل نوكيا N95 وعم يسأل صاحب المحل: هاد شاشتو ملونة ؟؟
لأ حبيبي - هات من إيدك - هاد حيونة حطولو الكاميرا بعدين موديل قديم
مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب
لا والله بالعادة بفكر العب دء طميمة وماروح لعندهم
نفس المذيعة بشوف ولد بالشارع وبتساله؟ حبيبي بتحب بابا وماما؟
لا مابحبهم , بحب البوسنة والهرسك
واحد فايت ع جماعة وشايف الوضع بالشارع معتم والمكتوب مبين من عنوانه، شو مقطوعة الكهرباء؟
لا والله بس احنا حابين نقعد على العتمة
بتطلع بميكرو وبتحط هيك وبتطلع (خمسة) وبتعطيها للي ئدامك، وبكل برودة بيئلك: واحد ؟
لأ 60 ؟ ورجعلي الباقي
أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
لأ ... عندي 10 طلبيات، بس وقفت حيونة
بدك تنزل من الميكرو: عاليمين زكاتك.... بتلقى الرد: نازل ؟؟
لا والله بس عم جرب صوتي
بدا شد شعر ولا مابدا
كيف بتئدر تروح من غير ما تئلي
تترك الب مجروح ناطر الطلة
وان كنك الي او مش الي
انا الك انا الك انا الك كلي أنت غير مسجل لدينا.. يمكنك التسجيل الآن.
|
بدا شد شعر ولا مابدا ....
