مزة جبل ............. كراجات .

إذا كنت قد أتيت من أي محافظة إلى دمشق و تريد الذهاب إلى جامعة دمشق أكيد أكيد ستركب في سرفيس مزة الجبل كراجات أو برامكة .
المهم قد تصادف في يوم من الأيام ( العكيد ) أبو راتب  ، سائق السرفيس .
فإذا لبستك الصدفة و ركبت معه فيجب أن تتوافر فيك أمور :
1ـ راقص دبكة بأنواعها :
2 ـ عاطفي إلى أبعد الحدود .
3 ـ أن تتقن طرق الاعتذار و التأسف .
4 ـ معلم تلميع أحذية .
5 ـ خاضع لدورات تمريض .
6 ـ وخدّك متعلم  ع اللّطم .
7 ـ أن تكون ممن يزور الأرض السعيدة باستمرار .
8 ـ المعرفة بالمرايا أماكن توجيهها .
9 ـ أن تكون ممن شاهد أساليب المحققين في الجريمة المنظمة .
10 ـ  قفز حواجز .
نشرح الآن سبب وجود هذه الشروط :
فـ (العكيد..) أبو راتب عندما ينسى أحدهم أن يغلق باب السرفيس لا يكلّف نفسه ليقول لك أو لغيرك أغلقه فلديه طريقة الكترومكانيك  فيشحط فراماً يغلق به الباب ولكنه بهذه الطريقة ستضطر أنت و باقي الركاب إلى إمساك أيد بعضهم وكأنهم يدبكون على كاسيت السرفيس (عرب ... عرب ) ،
ـ  أو أنك ستجد نفسك ـ إذا لم تتعلم الدبكة بعد ـ  معانقاً شخصا ما لذلك ستكون عاطفياً فأنه عند العناق قد تشهق باكياً لتتذكر غالي أو عزيز .
ـ وإذا نطحت أو لبَط أو خبط أحد ما من حولك فأنك ستضطر إلى تقديم الاعتذار و الأسف و تقول مشان الله لا تآخذنا وتحلف الأيمان المغلّظة و بوسة دقن .
ـ و أما إذا سقطَّ أرضاً فلن يبقى حذاء في الأسفل إلا و تمسحه بكمك أو أنت تحاول النهوض .
ـ أما عند الإصابة فلتكن موجودة الإسعافات الأولية في حقيبتك الخاصة فهذا ضروري و إياك أن تنسى .
ـ أما إذا نطحت أو لبط أو خبط إنسانا نزقاً فيده ستلامس وجهك بقوة و أنت كرامتك لا تسمح فترد بمثلها أو بأحسن منها و يتدخل المصلحون و تفض على خير .
ـ فزيارتك للأرض السعيدة ضرورية لأنك إذا لم تكن قد ركبت بقطار الموت فلن تستطيع الركوب بسرفيس الموت و الفرق أن سرفيس الموت ليس لديه سكة محددة فالرصيف و غيره سواء و الموت برأيي أسرع و إذا حسبوك شهيد يا عييني  فأنت قد  أمّنت ع الأهل فهم راح يدرسوا بكل راحة و راتب شهري و يفتتحوا مدرسة بإسمك ....... و لا يهمك موت و إنت مرتاح .
ـ أما المرايا و أماكن توجهها لأنك قد تكون عقبة للرؤية فهو قد سلّطَها  ع شي مخلوقة و بدأ يسرح شعره بيده و يزيد السرعة و يعلي صوت الكاسيت (عرب...عرب ) فإذا كنت عقبة فانتبه لتنحنحه و لغة عيونه التي تقول لك خود يمين أو شمال أو غير مقعد أو نزيل
ـ أما معرفتك لأساليب التحقيق , فـ (العكيد...أبو راتب ) يسأل بانزعاج : مين ما دفع .
ما حدا رد ، ثم يعيد السؤال مع توقف مفاجئ و اللي عنده امتحان يا سلام سلم و يزيد على التوقف شتيمة معدّه و مجهّزة  و مغلّفه و يبدأ بالاستجواب مين هدا الـ.......اللي ما دفع قولوا و قروا و إلا والله واقف لحتى يفرجها الله  ؟؟؟ و يعد المصاري ثم يصرخ ثم يقلع بسرعة 120 كم /سا  ، ويأخذ بالبربره . بس الحق معه شو عكيد ع الفاضي و ينضحك عليه .
ـ وقفز الحواجز فلأنّه عند نزولك أو عند شي فرام مفاجئ مثل اللي ذكرناهم بدك تقفز من فوق الكرسي الذي اخترعه و فصله بنفسه عند أبو صطيف الحداد ليزيد ثلاثة ركاب للمحروسة (ملاحظة : المحروسة هو السرفيس لأنه كتب عليه محروسة من عين البشر باعتبارها مركبة فلذلك أنّثها  ) دخيلك مين حاسدوا الناس بدهم سلتهم بدون عنب بس ينزلو و تخلصو و بوجهكم ع الصيدلية جانب الجامعة و بتاخذوا حب دوخة و وجع راس و شاش و كحول و لزقات جروح هذا إذا مو معكم حقيبة التمريض .
و الحمد لله ع السلامة و فتَحوا مباركه بالبيت و كل واحد يذبح خاروف فوراً زكاة عنّه.


     
إلى شخص نصحني فقبلت شكراً .    

هههههههههههههههه

والله ضحكت من كل قلبي

كلامك صحيح...وتصوير بليغ ومزبوط مية بالمية

شكراً لك

شكرا كتير  alsoria  والحمد لله لأني استطعت ضحك كل قلبك .
شكرا مرة ثانية .                

أعجبني  قول أحدهم  أنك عندما  تصعد إلى السرفيس  تصعد ورأسك  منحني  وعندما تنزل من السرفيس تنزل وراسك منحني  أما الباصات  الكيوي  يلي طقنا منية فبا السيد وزير النقل  قبل ما تنزل بشهور  فا كان لازم تكون موجودة من زمان  صح أنو هيي حضارية  بس  بس مانا ها القصة الكبيرة

يعني بصراحة معك حق بس المشكلة انو هالمغامرات بتصير مو بس بسيرفيس المزة جبل وعند العكيد أبو راتب هالقصص بتصير بكل السرافيس وعلى جميع الخطوط بس يمكن نسيت تحكي انو لازم الواحد يكون حاصل على ميدالية دهبية بالجري مو مشان شي بس حتى يقدر يظفر بمكان وقت العجقة يعني وقت يصير شوفير الباص ملك وسلطان وماعاد يشوف حدا ادامهوبصير بيستلز بمنظر الخلق وهن عم يركضوا وراه        بس والله الموضوع كتتتتتير حلو

بشكرك مصطفى ع مشاركتك ............. والله بأيدك بكلامك .

aloola  كمان بشكرك و الفتة الحلوة منك فعلا سباق مارتون كل يوم في شوارع دمشق .
                   

osa
شوقتني اركب مع
  العكيد 
هههههههههه
شكرا على الموضوع
الموضوع   
  كتير ظريف 
شكرا الك
     
تقبل مروري الصغير....

osa

عنجد .. اسلوبك .. غريب والله .. بس كتير حلو .

يعني .. عطيتنا .. المعلومات .. بعدين الشــرح ...

بيناتنا .. بتدرس انت .. اعلام ؟؟ لانو اتبعت سياسة .. ظريفة .. سياسة ..

الســســبــنــــس ..


صديقي .. موضوع .. جميل اهنئك عليه ..

شكرا لك ..

تقبل مروري ..

نور ................. شي يوم جهزي نفسك من دور عليه و لو انتقل إلى مهاجرين صناعة .
بشكر كتير .

           

StopAmTop بشكرك ع مدحك و أنا  مثلي مثل أي واحد منكم  كشباب و طلاب يجب أن ندرس  الواقع و نحاول تسليط الضوء
بشكر  كتير  و بشكر هالمشاركة الحلوة .
         

هههههههههههههههههههه

موضوع بجنن ماتركت اي مجال للنقاش

يسلموا كتييييييييييير على الجهد الرائع
 

كل الود والتقدير