وهي أهم رياضة يقوم بها السوريون

يعني منظر بيضحك وبيبكي   يلي عم نشوفه كل يوم من  تدافش العالم عالميكرو وخاصة الظهر
صايرة الشغلة متل قانون الغاب الأقوى بيطلع
وهي شغلة السيدات أولاً ما لها مكان هون أبداً  كل واحد اللهم اسألك نفسي
يعني الشغلة متل سباقات ألعاب القوى
بيبدأ العالم بيتجمعوا عند موقف الباص (تجمع اللاعبين لأنطلاق السباق)
  ووقت بيشوفوا الباص من بعيد
كل واحد بيحضر  حاله نفسياً ومعنوياً وجسدياً ليطلع أول واحد(خود مكانك لح يبدأ السباق)
ووقت بيوصل الباص بتقول عطيتهم ايعاز بالأنطلاق(انطلق)
وبيبلشوا هالعالم يتدافشوا وهاد يلي بتوقع شنتايته
وهاد يلي بيوقعوا مصاريه وطبعاً الأسرع والأقوى هو يلي بيطلع(شو هاد)
والله لو ساووا بالأولمبياد رياضة هيك لأخدنا الذهبية بدون منازع
شو الحل .......... 
يعني طرحت الموضوع بطريقة ساخرة فشة خلق           
لأنه صارت فيتي كتيير

                                      طبعاً هاد الحكي مو بكل المواقف

ااااااااااااااااااااااااااااخ من هالرياضة
والله ذكرتني بقصة صارت معي من اسبوع
كانت معي ضيفة من برات البلد وطلبت مني فرجيها الكلية يلي بدرس فيها
وطبعا حال الطلاب معروفة وطلعتها بالمكرو
ولو تشوفو شو عملت اول شي انصدمت بشكل المكرو
بعدين بالعجقة والوقفة والركض او الرياضة يلي حكيت عنها حضرتك للتو
وبعدين صارت النهفة الكبرى لما اعطيت يلي قدامي المصاري
ضحكت ضحكت وبعدين بتقلي شو بدو يعمل فيها يعني طبعا انا شرحتلها
وقلتلها لو يلي وراكي اعطاكي شو بتعملي قالتلي مابعرف بمسك المصاري وبتفرج عليها وفعلا بنفس اللحظة يلي وراها اعطاها وانا فقعت ضحك
وشوي ووقف المكرو وهون كان صار مليان ومافي محل فسألتني
انو ليش وقف اذا مافي مكان
قلتلها مبلى كيف مافي وصفنت
ولما طلع الشب ووقف على الجنب بتقلي معقول هيك قلتلها شو المعقول
قالتلي يعني هيك بدو يضل
قلتلها اي
وشوي تانية  وقف المكرو
قامت قالتلي وين بدو يطلع هاد كمان وانا صرت اضحك
لانو الظاهر ماعندهن المعاناة يلي بنعانيها نحنا وقالتلي مابقي الا يطلعون على راسنا بس الظاهر مابتعرف انو احيانا بطلعو على الجنب شي 6 اذا مو اكتر وخاصة برمضان وهلأ جاي رمضان
والله المكرو عنا لازمو ينكتب عنو قصص وحكايا

ههههههههههههههههههههههههههههههههههههههههههههههههههههههههههههههههههههه
والله يا صديقي الميكروووو مجتمع بحد ذاتو
ويا اخت فلسطيين اسود وجهنا إدااام الاجانب على هالمظهر الحضاري

والأصعب من هيك لما بتيجي لتركب وبيقوم حدا من وراك بيشدك لحتى ماتطلع
أو بيكون الميكرو ملياان لدينو وبتيجي مرة بتوقفو وهوو  مضطر للوقوف عند الاشارة بتقوم هالمخلوقة بتفتح الباب وبتطلع وبتبلش تتطلع بالعالم مين الكفو اللي بدو يعمل دورة صاعقة بالجلوس على الجنب ليقعدها محلللو
أو بتيجي بتدفع عشر لليرات بيقوم اللي أخد منك بسألك بكل سذااااجة ((واحد))
تقبل مروري أخي
مشكوووووووووووووووووووووووووووووور

نسيااااانين إنو الأجرة صارت ب 10 هههههههههههههه
بالفعل معاناة و ضياعة وقت الركبة بالميكرو

أختي فلسطين
والله جد أسود وشنا أدام الأجانب
مشكورة على مرورك بس يعني بدنا حل

شكراً أخي أنس على مرورك

   
حبيت الموضوع كتير لا سيما اني سبق وكتبت عن دوار جنوبي
بس انا شخصيا بحب الباص لما ما كون ملحوقة وعندي موعد لازم اوصلو عالوقت
متل ما حكى احد الشباب انوالباص مجتمع بكاملو هاي اللي بتطلع هيي وولادها
الكتاااااااااااااااااار
هاد الختيار
هاد الشب اللي كتير مصدق حلو
هاي الختيارة المتصابية

وكتير غيرن
انا بحبو لأنو بخليني اتأمل بهالبشرية اللي ما حدا غير الله بيعرف كيف تمشي
ما سوريا الله حاميها
ولو ما كان حاميها .............الله يستر

تقبل مروري
ابقى زورنا!!!!!!!!!!

     

يعني عن جد ضحكتني عالهالطريقه بالوصف والله يعني أبلغ من هيك ما صار ولا حيصير والمشكله أنو أنا عايشه برا البلد ولما بنزل لقدم الفحص بحس بالذل والبهدله لما بوقف بستنا الميكرو وبعدين من التدفيش بينملا وما بيبقى مكان أطلع وبعدين بهالوقفه رح ضل أستنى ----رح آخذ تكسي---استنى وقف---ما بده قال رايح عالبيت----استنى أنت وقف----طريقي مو على طريقك أختي0  يعني شو بدكن أكتر من هيك بهدله قال ارضينا بالبين والبين ما رضي  فينا

عزيزتي هديل
مرورك أعطى للموضوع أهمية أكتر
بس بيد أرجع ضيف أو شو هو الحل لنتخلص من هالشي


وبعدين نصيحة بما أنو سورية الله حاميها
لا تطلعي يياص سوري لخارج سورية
هههه
سلااااااام

عزيزتي ايمان
الله يعينك جد
أنا بالشام  وأحياناً بكون مشواري قريب وعم يطلع خلقي مباشرة
شوووووووووووووووووووووووووووو الحل