1- إشاعة جديدة:
بجانب إشارة المرور شرطي مرور يرتدي خوذة بيضاء

ونظارات سوداء وجزمة جميلة لتحت الركبة بشوي

ويقف بجمود لا تكاد تفصله عن جمود رتل السيارات

الذي تكفل بتسييره..... فإذ بسائق تكسي يطل برأسه

من نافذة التكسي ويقول له: معلمنا صحيحة الإشاعة

الجديدة؟؟؟؟ فيهز الشرطي برأسه موافقا ويمضي سائق

التكسي ونظرات الابتسام من الشرطي تلاحقه

2- خازوق وزاري:
بعد أن استلم سعادة الوزير منصبه الجديد رفع طلب

لتأثيث المكتب مطالبا بمايلي:

1-شاشة بلازما
2- الة لصنع الكابتشينو واخرى للقهوة الفرنسية وثالثة

للقهوة التركية
3- سجاد ايراني
4-مكتب ارابيسك
5 -3 كمبيوترات
6 كرسي متحرك بمحور

لكن الصدمة كانت ان جاء الرد:

مع الموافقة على المحور

3-غيرة أخ:
شاب يضرب اخته كف يغير لها بموجبه تضاريس

وجهها لأنه شاهدها تبتسم بعفوية وبراءة لابن

الجيران بينما هو بعد ساعة واحدة يحظى بملامسة

لطيفة وربما بأكثر من ذلك من صديقته بمقصف

الجامعة أثناء تواجدهما لمناقشة حلقة بحث قررها

الدكتور.......

وخلي الشوارب على جنب

4-إنتخبوا مرشحكم المستقل ابو سالم:

وسط جو الديموقراطية الرائعة التي عاشها بلدنا الحبيب

اثناء انتخابات مجلس الشعب برز دور ابو سالم

الذي افنى أيام الإنتخابات لاهثا وراء تحسين صورته

الانتخابية لحصد الاصوات التي تقربه من كرسي مجلس الشعب.....

ابو سالم طالما رايته في اليالي السوداء المعتمة لدرجة

انو الواحد يحط اصبعو بعين الضبع مايشوفو

وعلى الرغم من كل هذا كان ابو سالم يتحدى العتمة

ويذهب يوميا بنص الليل لبيت ام سعيد الارملة

ويسكت افواه اطفال ايتام تستغيث النخوة من شدة

الجوع.........

وكان ايضا يذهب الى حسان الطفل المصاب باللوكيميا

ليمسح دمعة خلفها سرطان الدم على خده ..........

كان يوزع بطولاته هنا وهنا ويوزع الانسانية بلا

تردد.........

اقتنع البسطاء بان المرشح ابو سالم المنقذ والامل

المرتقب لابناء الريف البسطاء ولكن ..........

كرسي المجلس يمنح البارانويا او العظمة الكاذبة....

فهاهي ام سعيد بعد ان دخل مرشحنا ابو سالم بهو مجلس

الشعب تستغيثه لان يؤمن لها مستلزمات العام الدراسي

فيصرخ بوجهها :

لك شو شايفتيني سبيل الشيخ سلطان......

اعتقينا يستر على محبينك.......

وهاهو حسااان يبكي ويبكي...حتى امتزجت دموعه بتراب المقابر......

5- حلم:

حلمت البارحة أني تعشيت انا وابنائي العشرة سندويش

شاورما:

المرسل:

موظف.........

تفسير الحلم:

بدون تعليق


بقلم ماهر الزعبي

ماهر

كل كلمه  بهالموضوع صح 100 % ومن الواقع

ما عدا :

ولله يا ماهر انت مبدع
حولت قصص محزنة لقصص مضحكة

عجبتني ا كتر شي غيرة اخ
لأنو كل يوم بشوف حالة منها

برافو ماهر موضوعك حلو عجبني
هههههههههههههههههههههههههههههههههه

عنجد يسلمو ايديك

والله كلامك هو المضحك المبكي صحيح مكتوب بطريقة هزلية بس .....

والله ما عرفانة شو بدي اكتب خلص كلو متل بعضو

سلامي ......

   



   



   


عجبني ياصبايا اعجابكم بالاسلوب الساخر بالكتابة تبعي


لانو موبايدي هاد اللون يلي بعشقو من الصحافة:


الصحافةا لساخرة الناقدة


وانا لله وانا اليه راجعون

اخي العزيز ماهر :

قصدك تقول (( صنع في الوطن العربي ))

بشوف في شغلات و  قواسم مشتركة بينا و بينكم و بين كتير دول عربية

شكرا على موضوعك و اسلوبك المبدع

اي ... والله كل كلمة اتفضلت فيها بمحلها ...

لا سيما بمجلس الشعب ...

و على هذا المقياس فقس .؟.. مو (فقّص )

تحياتي لنقدك الهزلي الذي لا ينفك عن الواقع الساخر

أحيانا قمة التفاهة والسخافة تقودنا إلى الابتسامة والضحك

لك شو هادا ياماهر
كتير حلوين
وكلام فعلي جدا
حكيك مزبوط مية بالميه

شوووووووو ملائية مواضيعك الن شعبية كتيير
بس بتعرف كتيير حلو و بيلامس مشاعر الشعب المعتر
انا عندي الك ( اوفر ) بئا ئللي لشوف الك ولا للديب

كنت عم ئوول لحالي انا علي المجلة و انت عليك الباقي  !! اداره التحرير  و الكادر و العنوان
شو ئلت
و الكتابة كمان
و بكل الاقسام
صعبتها شي ؟؟!!

فكر بالعرض و ردلي خبر  اوك ماهر بك  !! 

غنى

بالنسبة للموضوع   

حتى لانسيء إلى روعته في /وضعت ايدك على الجرح/

بس حابب علق بشكل عام  لأنو بصراحة 



عم شك فيك       

لتكون شي عنصر امن  أو بالمخابرات  او ...................

وبتكون تزحلقوا كم واحد  على الفرع 

ولي ولي   

إذا بيطلع يلي ببالي مزبوط