مراكبنا عالمينا

مراكبنا عالمينا يا رجعة الصواري
قلبي ناطر عالمينا و حبيبي منو داري
ضحكتلك شواطينا يا مراكبنا العالمينا
نطرني عالرمل و قال بكرا أنا جايي
لوحتلو بهاك الشال و الدمعة مخبايي
ماتاري حبيبي حد الشمس الغريبي
عم يكتب أسامينا يا مراكبنا العالمينا
ياما صليت و طليت عالبحر قدامي
حتى شوقك صوب البيت راجع بالسلامي
مش عابالي هديي من جزيري منسيي
ردي لي ليالينا يا مراكبنا العالمينا
رجعوا البحارة و الريح مربوطة عالياطير
و البحر مزيح تزييح و قلبي الناطر ناطر
يا خضرا و سلامي يا جوانح الحمامي
يا زهرة شواطينا يا مراكبنا العالمينا

ما نام الليل

ما نام الليل سهران محبوبي شفتو من بعيد و ما عرفتو مين
نحنا رايحين و الهوا جنوبي و هني عالدار يا دار جايين
طار الحمام طار من خلف الدار طار
و حبيبي بعدو حبيبي و النار تزيد نار
ينده من فوق و يقول لا تنامي جايي من البرد و كروم التين
خايف لتروح بالشوق إيامي صاروا الإيام عاحدود تشرين
يا قمرنا روح روح جايي الحبيب روح
و السمرا تكت عاحالا لايل الهوى يبوح
يا دنيي كيف ما كنتي كوني ينسونا الناس و صار تخمين
حبيبي ساكن بلون عيوني عيوني الحلوين عاطول حلوين
علي الدار يا حبيبي .. على الدار يا حبيبي

عتاب


حاجي تعاتبني يئست من العتاب
و من كتر ما حملتني هالجسم داب
حاجي تعاتبني و إذا بدك تروح روح
روح و أنا قلبي تعود عالعذاب
علمت قلبي من الطفولي عاهواك
و ما تطلعت هالعين إلا عاحماك
و الله بيشهد ما ضحكت مرة لسواك
و ليش بتضلك تفتحلي بواب
عايشي بعيدي عن ليالي الصفا
عيشة جفا و بحكي مع الناس بجفا
يا هل ترى مش هيك بيكون الوفا
و كيف بيكون الوفا عطيني جواب
إن كان غيرة هالجدال و هالشكوك
أضنيتني يكفي بقى يرحم أبوك
و إن كان غيري حباب عم يعلموك
الله يباركلك يا ولفي بهالحباب
كل ما عم زيد في حبك ولوع
كل ما بتزيد بعيني الدموع
و يا ريت عن حبك المضني لي رجوع
رح تهرب الأيام و يمر الشباب
وين بتلاقي متل قلبي قلوب
شو صار صافيلك و غافرلك ذنوب
و قديش عن حبك قلت بكرا بتوب
ما تبت يا ولفي و لا هالقلب تاب

كنا نتلاقى


الملف الصوتي


http://www.6rbtop.com/library/resources/Fayrooz/Collection/listen/5148_hi.ram



الكلمات

كنا نتلاقى من عشيه
و نقعد على الجسر العتيق
و تنزل على السهل الضبابه
تمحي المدى و تمحي الطريق
و ما حدا يعرف بمطرحنا
غير السما و ورق التشرين
و يقللي بحبك انا بحبك
و يهرب فينا الغيم الحزين


يا سنين اللي راحت ارجعلي
ارجعلي شي مره ارجعيلي
و انسيني ع باب الطفولي
تاأركض بشمس الطرقات

يا سنين اللي راحت ارجعيلي
ارجعيلي شي مره ارجعيلي
رديلي ضحكات اللي راحوا
اللي بعدا بزاوايا الساحات

بتذكر شو حكيوا عليي
لما نطرت و انت نسيت
و صار الشتي ينزل عليي
و اجا الصيف و انت ما جيت

يا سنين اللي راحت ارجعلي
ارجعلي شي مره ارجعيلي
و انسيني ع باب الطفولي
تاأركض بشمس الطرقات

يا سنين اللي راحت ارجعيلي
ارجعيلي شي مره ارجعيلي
رديلي ضحكات اللي راحوا
اللي بعدا بزاوايا الساحات


هذه الأغنية تجعلني أبحر في الخيال .....


وتعيدني سنوات إلى الوراء ..............


أهديها لكل من أحب .................. 


مهند .....................

   

في لنا يا حب خيمة عالجبل
ناطرة تانزورها بليلة غزل
راكعة الغيمات عند بوابها
و تاركة النجمات عسطحا قبل
في لنا يا حب خيمة في لنا
و مزهرية و ورد أبيض عندنا
و وحدنا بهالجرد عحدود السما
نحنا و انت و باقة غناني هنا
يا حلوي اللي بيتك فوق
صوبك عم ياخدني الشوق
عم حاكيك بلطف و زوق
بحياتك لا تحتدي

جلنار
يا صبح روج طولت ليلك خليت قلبي نار
بلكي بتجي أختك تغنيلك بلكي بتجي جلنار
صرخات عم بتموج بالوادي معنزق عليها ضباب
لبعيد عم بتروح و تنادي بيظهر حبيبو غاب
راعي بكي و منجيرتو متلو بكيت تيتسلى
شو قولوكن عالسكت قالتلو شو قولكن قلا
خليك حدي تيروق الجو و رندح و سمعني
و لمن بيطلعلك يا راعي الضو تبقى تودعني
وقفت قلبي عالدرب ناطور تفاق ألف نهار
ووعيت الشمس و زقزق العصفور و ما إجت جلنار

أهلين بكل الشباب لنوروا الموضوع وخصوصا safa  بدي أشكرك بالذات على غنية عتاب ويا ريت إذا عندك رابط تحميلها صوت


يا هلا يا حبيبي
يا هلا يا هلا يا حبيبي
بالوفا بالصفا بربيع انتلا يا هلا
يا هلا يا هلا يا رفيقي
يا هني عالدني يا صباح انجلا يا هلا
غنى الحب و مال و ارتاحوا الأظلال
و ضاعوا التنهيدات عالوردات موال
يا هلا يا هلا يا أليفي
يا جنا لي أنا من كروم الحلا يا هلا
بيتنا انجلا و امتلا بالحلا و بيقول با هلا

... بتسأل اذا بهواك  ...

بتسأل اذا بهواك ..وهالقلب مين اللدوبو ...مين اللضناه وعذبو
ودلو على الغدار
بتسأل اذا بهواك
ما دريت بليالي البكي وما اسمعت شو صفو حكي
وشو ألفو حكايات
..............
مين من عيني سرق نوم الهنا مين عن خدي مسح لون الشباب
ومين علمني البكي وكتر الصلا ومين مشاني على دروب العذاب
بتسأل اذا بهواك
من بعد هالأخبار ...ومن بعد يللي صار... ولك لأ ما بهواك

... غيرة ...

سْمِعِتْ الجيران بيقولوا ..


يمكن يكون عم يضحَكْ عليها


وعينَكْ تشوف ..الليل بيطولو


ما نشفت الدمعة .. بعينيها


بعدها بعمر الهوى زغيري


وقلبها بالحبّ طفل زغير


مش عارفي في بالدّني غيرة


وحست بصدرا شي وعم بيطير


جربت تغفى عا دمعاتا ..


لا غفيت و لا عرفت الأحلام


واتذكرِتْ حكيات رفقاتا ..


إنّو اللّي بيحبْ ... ما بينام !


يا ريت فيها تحملَك وتروح


عابلاد ما تقشَعْ حدا فيها


وهَوْنِيْكْ شو بدّا بإشيا تبوح


وشو عندها حكايات تحكيها


بدّا تقلَكْ : هّوْنْ خلّيني


عايشي عالحبّ والألحان


وحدّ قلبك هَيْكْ خبّيني


ويخبروا بنيّات هالجيران

... غيرة ...

سْمِعِتْ الجيران بيقولوا ..


يمكن يكون عم يضحَكْ عليها


وعينَكْ تشوف ..الليل بيطولو


ما نشفت الدمعة .. بعينيها


بعدها بعمر الهوى زغيري


وقلبها بالحبّ طفل زغير


مش عارفي في بالدّني غيرة


وحست بصدرا شي وعم بيطير


جربت تغفى عا دمعاتا ..


لا غفيت و لا عرفت الأحلام


واتذكرِتْ حكيات رفقاتا ..


إنّو اللّي بيحبْ ... ما بينام !


يا ريت فيها تحملَك وتروح


عابلاد ما تقشَعْ حدا فيها


وهَوْنِيْكْ شو بدّا بإشيا تبوح


وشو عندها حكايات تحكيها


بدّا تقلَكْ : هّوْنْ خلّيني


عايشي عالحبّ والألحان


وحدّ قلبك هَيْكْ خبّيني


ويخبروا بنيّات هالجيران