بسم الله الرحمن الرحيم
اسئلة عبادة 
1-شو هدفك بالحياة؟و حلمك ؟
هدفي اني اعمل شي للدين الاسلامي والوطن العربي منشان نصير اقوى
حلمي انو يختفي الفقر من العالم وتبطل هالمجازر وقتل الاطفال بكل مكان
2- ماهي فلسفتك بالحياة و ماذا تعني لك الحياة؟
بحب حديثين للرسول الاول عن الايمان بالقضاء والقدر واني ما اندم على شي الا المعاصي طبعا
لانو المعاصي شرط التوبة منها الندم
فيما معناه (( لو اجتمعت الامة على ان يضروك بشيء لن يضروك الا بشيء قد كتبه الله عليك ولو اجتمعت على ان ينفعوك بشيء لم ينفعوك الا بشيء قد كتبه الله لك ))
والتاني عن كيفية التعامل مع الناس
قال رسوالله صلى الله عليه وسلم ((لا يكن احدكم امعة يقول ان احسن الناس احسنت وان اساؤو
أسأت ولكن وطنوا انفسكم ان احسن ان تحسنوا وان اساؤو ان تجتنبوا الاساءة ))
وان شاء الله كون عم اعمل مظبوط بالحديثين
الحياة هي وسيلة منشان نحصل عالجنة بالاخرى
3-ماذا تعني لك الحرية؟
سؤالك لح جاوب عليه متل ما فهمتو
الحرية المطلقة مافي الا ببلاد الغرب
اما الحرية بالنسبة الي فهي الها حدود بالدين اول شي وبعدين بالعادات والتقاليد بمجتمنا
اما هدول يلي بيقول حرية المرأة ومدري شو ما بسمعلهم ابدا وهاد رأيي
انا احيانا بدايق من مجتمعنا الشرقي
بس ما في احلى من هالمجتمع وعاداته وتقاليده بكل العالم والحمدلله اني من هالمجتمع
4-من هو مثلك الأعلى بالحياة؟
الرسول صلى الله عليه وسلم
5- من وجهة نظرك شو الأشياء المنيحة يلي بتحسيها فيكي و الأشياء السيئة ؟
الاشياء المنيحة اني ازا زعلت من حدا بس شوفه بنسى اني زعلانة دغري برضى
خلص بيكفي ما بحب احكي كتير
الاشياء يلي مو منيحة اني عاطفية زيادة يعني ازا سمعت عن شخص مريض او زعلان
بزعل معه حتى لو كنت ما بعرفه
بفكر كتير
مترددة يعني بخاف احكي اي كلمة او اتصرف تصرف يزعج يلي عم اتعامل معه
نسيت الباقي بس اتزكر بقلكم
6- شو احسن شيء حصل معك لهلق ؟
كتير شغلات منيحة صارت معي الحمدلله ومنها اني موجودة بيناتكون هلق
الله يخليلي ياكم يارب
7-شو اطرف موقف حصلك بحياتك؟
جاية على بالك تضحك عليي
لح احكيلك هالموقف كل ما اتزكرو بضحك على حالي مع انو نهاية هالموقف حزينة
مرة انا واختي ونحنا ضغار اشترينا صوصين وبعدين رحنا عملنالهم حمام
بتصدق ما بتزكر شلون حممناهم لاني ما كنت احمله كان يقشعر بدني لما حاول احمله
لانه عضمه صغير وناعم المهم بعد ما عملنالم حمام صار شكلهم بيفرط من الضحك صارو مبلولين
شوبدنا نعمل لازم نشفهم ؟؟
حطيناهم على الاسطوح يا حرام اجت القطة واكلتون 
بس شو اكلت مسبات القطة 
اقتباس
بكفيكي مشان ما تدعي علي هلق هههههههه
الله يسامحك اسأل على راحتك
ان شاء الله ما كون طولت عليكم
عضو تحت المجهر
