مها عنجد ضحكتيني فكرتك عم تحكي  عن مهنة من المريخ لسا ما بعرفها !!

بس تعرفي إنو كتار متلك صار عندن هالردة الفعل من ورا مناهجنا التعيسة اللي بدها حرق عن بكرة أبيها متل ما قلتي

قتلوا بالصيدلة حب الإبداع من خلال هالبصم القاتل اللي حكيتي عنو بس هالشي ابدا ما بنقص من قدر الصيدلة مهما شوهوها....
بدون الصيدلة مافي دوا ينقذ مريض وهو على حافة الانهيار...وبدون صيدلاني فهمان عندو ضمير مافي استشارات صيدلانية تنصح المريض وتصحح أخطاء طبية قاتلة...

باختصار انا إذا برجع فينا الزمن 100 مرة لورا ما بختار غير الصيدلة

صباح الخير للكلل.. و شكرا سلام عالموضوع الحلو..
..
أنا صرت بآخر التانية و  لحد هلأ كل يوم  عم يزيد حبي للصيدلة اكتر و شكري لله انو ما فتت طب أو أي شي تاني..
هلأ بغض النظر عن انو الكلية بتقرف و المنهاج تعيس و الدكاترة غالبا ما بيعرفو يوصلولنا الفكرة..
و بغض النظر عن حكي العالم " يلي ما بيخلو مهنة الا بيأرءو عليها ... اذا نحن بياعين دوا فكمان بيقولو عن الدكاترة بياعين راشيتات "..

بغض النظر عن اي شي ممكن يحاول يخلي الفارماسي بشعة ...
فهي بتجننن و احلا فرع بالكون
الصيدلة كعلم هو شي متير عظيم و كتير بدو تعب و ابداع... كمان جربت لازم بصيدلية حبيت كتير و حسيت انو هي مهنى حنونة و الصيدلي بينصح العالم بدون مقابل ...
الناس بيفكروه اعد عم يبيع و بيقلن كلمتين عن الدوا ... ما بيعرفو انو لحتى قدر يوصل لأنو يحكي لكل حدا عن دواه  هو تعب كتير..

بس بتمنى وضع الكلية يكون احسن بأضعاف و وضع المجتمع متفهم اكتر بأضعاف و وضع البلد احسن و أأمن بمليون ضعف  لنقدر نستمتع باختصاصنا

وينو Yasser Net يصلحلنا الاقتباسات؟؟؟

نور الهداية

والله انا ع كتر ماني حاقدة عالمناهج ما بشتاق للدراسة وإلا كتير بعن عبالي اعمل دراسات عليا .. وعنجد بهنيكن عالفرصة يلي حصلتو عليها ...

انا كتير بحب الصيدلة السريرية بس كمان مالها خبز عنها ... العلم كتير بيفرق عن الناحية المهنية وفرص العمل ... واذا واحد اتعلم بدون ما يشتغل بهالعلم ما منكون استفدنا شي .. :/

3> ..... خليكي بهالحماس والمحبة للفرع رغم كلشي .. والله يسمع منك :) 

خطر عبالي سؤال ... دخيلكن حلقة كريبس يلي هلكونا فيها .. متذكرين منها شي؟؟؟؟

ولا تفاصيل التفاصيل بمحاضرات د. لينا بالكيميا الغذائية...!! عنجد بهالمناسبة بحب اشكر الدكتورة جوليانا تراك لأن عنجد بتعطي المعلومات الغذائية بطريقة حلوة بغض النظر عن أسئلة الامتحان ...

بحب الكيميا الصيدلية يلي عطانا ياها الدكتور عادل نوفل .. وكتابو يلي بعتبره من أهم الكتب وأشملها ..

بحب الصيدلة السريرية من د. وفاء حمود ... وبتذكر من د. لمى اول محاضرة لما افترضت انو الطلاب بيعرفو وعندهن خبرة بمراحل وآليات تشكل التصلب العصيدي... !!!

أو الكيميا التحليلية يلي اتهزأنا بالعملي تبعها بما فيه الكفاية! .. وتوزيع صفار ع أبو جنب تقول جلسة رعب ...

في عندي كتير حكي ... وامنيتي بس لو هالشباب الصاعد من كل اختصاص يحاول يعمل بذره لمنهاج جديد ويقدمو كاقتراح للجامعة ...

لازم يكون هاد المشروع هو الاساس وينعملو ورشات عمل لينجح ويتغير الحال والا رح تضل المحاضرات والعتعتة ...

لازم كلية الصيدلة يكون فيها صيدلية .. مو معقول اذا بدك حبة سيتامول ما تلاقي!!!!!!

لكان بصير مادة اسعاف اولي ما الها عملي؟؟؟!!!

كل معرض دوائي بتعرض الشركات منتجاتها وبوسترات وخلص المعرض .. طيب شو قدمتو للطلاب أو للخريجين غير الدعاية والتعرف عالمنتجات؟؟؟؟

كل اللي قلتوه عن انو الصيدلة بدا كتير ومناهج الكلية ب بتقرف وبدا أكتر هالشي  صحيح  بس ممكن يتغير بايدنا إذا نحنا آمنا بالتغيير ..بالنهاية رح ينقرضو هالدكاترة ورح تنقرض هالمناهج معن ..
لكن نحنا شو دورنا لازم نغير ولو شي بسيط مشان هالمهنة يللي والله مطلومة كتيييير ولسا العالم كلو ماعرف حلاوتها الحقيقة ولا اهميتها ولا جمال أسرارها ...

بتمنى نرجع نحب الصيدلة لأنو مارح نلاقي متلا بالعالم

ولو دخلتي دكتورة مها معلوماتية ولاأي اختصاص ....صدقا مارح تلاقي أجمل وأروع من الصيدلة وابداعاتها ...والمستقبل رح يثبت هالشي بس بدنا بالاول يغير كل واحد على قدر مايستطيع هالرؤيا السلبية للمهنة  ويوثق من الكلام اللي قلتو

وبالتوفيق للصيادلة الجدد اللي يفرحني حبهم للمهنة ولعلم الصيدلة فرحا لايوصف وبتمنى يوثقو إنو هنن الاحسن والأفضل حتى من مية طب ولو اعتبروني متعصب للصيدلة بس هي الحقيقة :)

Dr.Dude

اهلا وسهلا فيك ونحنا بالعكس مننبسط لو الفروع كلها تتكاتف لتخدم البشرية مو تخلي العداوات تحيدها عن هدفها وغايتها الأسمى ...

فعلاً متل ما قلت الطب بحر متشعب ... ولهيك هلأ في تحت التخصص لحتى الطبيب يكون على معرفة شبه كاملة عن فرع نوعي من اختصاص معين ... وهاد شي كتير حلو .. الله يوفقك وتحقق يلي بتتمناه وتضلك هيك قريب من الكل متل مانك هلأ ...

مشان المسابقة هيي مسابقة صيدلانية من فريقين بس يتم النصاب رح نرجع نحط كيف قانونها ... واكيد مكانك موجود فيها وما عليك الا تعزم فريقك اذا خسر ههههه ... عم بمزح طبعاً ...

انا لاني متذكرة كريبس ولا كوري ... والحمدلله

السلام عليكم

مشان ملفات الترجمة سالت الدكتور محمد وقلي إنو رح يرد يبعتهم مشان ننزلهم...

مها إذا مستعدة تتعلمي التحرير ع الموسوعة جاهزة علمك بإذن الله...

ومنتساعد بتنزيلهم...

انا بدي اتعلم بس خايفة اعطيكِ وعد وما اوفيه لأن ممكن اولد بأي وقت

ادعولي

السلام عليكم

يييي هههه لكن كتير رح يكون عقلك معي وتركزي :P .... ربي يجعل الحمل خفيف عليكي وولادتك يسرة يارب... وتقوميلنا بالسلامة ^_^