هلأ خطرتلي فكرة.. ممكن إنو الغليسرين بالمطريات هو اللي عم يسبب هالشعور؟ بما إنو استعمالو لحالو بيسبب إحساس قوي بالحرقة وبيخف وقت يمزج مع سواغات تانية قد تكون حاجزية متل الفازلين فبتخفف التأثير الساحب للماء من الطبقات العميقة للجلد ولكن لا تلغيه!.. مجرد فكرة
بتشكرك كتير كتير زيد على مشاركتك وخصوصا إنت الوحيد اللي عم تشارك بمواضيعي هالفترة ......على كل أنا بقدر ظروف بقية زملاءنا الأعزاء لأنن عندن إمتحانات هالفترة ....الله يوفق الجميع يارب
السؤال الأول : الفيكسوفينادين Fexofenadine .. في منو شكلين c.tablets و capsules شو الفرق بيناتهن تماماً وليش هالشكلين؟ بجوز المضغوطات الملبسة مديدة التحرير بينما الكبسولات ذات تحرر مباشر
المضغوطات الملبسة للفيكسوفينادين ليست مديدة التحرر ولكنها أبطأ تحررا مقارنة مع الكبسولات التي تعتبر أسرع تحررا ولذلك نجد أن العيار 60 ملغ من الفيكسوفينادين يوجدعلى شكل كبسول لأنه هنا يهمنا أن يكون التحرر مباشر لأن الجرعة هنا صغيرة ولكن في حالة العيارات الأعلى 120 و 180 ملغ من الفيكسوفينادين فتوجد على شكل مضغوطات ملبسة لأنه لايهمنا هنا أن يكون التحرر مباشر لأن الجرعة هنا كبيرة
السؤال الثاني : انو في مثلاً مستحضرات صيدلانية متل السينازال أو البانيتول أو زنكوتان ..إلخ في منها كريم ومرهم
.. امتى تماماً منستخدم هاد أو هاد الشكل الجرعي؟ بعرف أنو إذا كان الجلد جاف بنحتاج مرهم ليحبس الماء وتترطب المنطقة
بينما إذا المنطقة طرية أو الجلد رقيق بنستخدم كريم
هناك عدة عوامل تؤثر في اختيارنا للمرهم أو الكريم
نستخدم الكريم كما ذكر زميلنا زيد إذاكان الجلد دهنيا أو سليما بينما نستخدم المرهم على الجلد الجاف ليساعد على ترطيبه
ونستخدم الكريم اذا كانت الإصابة عميقة وليست سطحية بينما نستخدم المرهم اذا كانت الإصابة سطحية ونريد بقاء الدواء بتماسها لأطول فترة ممكنة
ونستخدم الكريم اذا كانت المنطقة المصابة مكشوفة ولانريد بقاء أثره على الجلد بعكس المرهم الذي يبقى أثره ولمعانه واضحا على الجلد لطبيعته الدهنية
ونستخدم الكريم إذاكانت مساحة المنطقة المصابة واسعة لأن الكريم أكثر قابلية للمد من المرهم
مرض الفوال سموه بهالإسم لانو الشخص المصاب به بتحسس على الفول أو مشابهاته من البقوليات لانها بتسبب انحلال دم ...طب شو هي المادة اللي بالفول بتسبب هالحساسية ؟
المعروف انو الباراسيتامول من المواد اللي بيتحسس عليها مريض الفوال والديكلوفيناك مابتسبب حساسية ..طيب كيف فينا نعرف إنو هي المادة بتسبب حساسية وهي المادة مابتسبب حساسية من دون مانرجع للجداول المنشورة عالمياً ؟
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net