سلام كيوت....
شو ليش ما بدك نطبخ؟؟؟
حاكم انتو البنات في ئدامكن قصص طويلة مع الطبخ خاصة في الحياة الزوجية
وأنا اذا لئيت شي مفيد بضيفو كل فترة
مرت فترة كنت عامل اشتراك بأحد المجلات الطبية ورجعت تركتو لأن سافرت
بلكي رح دور عشي مجلة معتبرة وأعمل فيها اشتراك ونزللكن كل جديد

يا هلا فيك ...... بس لا أبداً ^ـ^ كل ماهنالك إنو الوصفات تبع الطبخ معبية الدنيا ، أما النصائح العلمية الموثوقة فهي اللي صارت قليلة وبدها دوارة بالسراج والفتيلة ^^

بس كمان اذا لئيتلك وصفة حلو لئطة ما تفوتها علينا‏   

شكراً ع كل حال ..

طيب مو غلط ننزل وصفات عن الطبخ ونجربها وننزل الصور قبل الأكل

وبيني وبينك صرلي فترة عم ابحث عمكان حط فيو معلومات عن الأعشاب
لأنو هيك شغلات ما بتدرس بكلية الطب للأسف كلو أدوية وعيارات
بيكونو بالصيدلة بيدرسوها وبيفهمو فيها أكتر مننا

أنا سمعت عن شي اسمو طب الأعشاب ،، هاد غير الفلسفات تبع العطارين ووصفاتن التجريبية ،،

أنت عن هيك قصدك رح تنزل ؟

بس ياترى شو بيفرق عن الصيدلة ..... مممم يمكن بيهتم بالمواد الطبيعية أكتر من المصنعة ،

المهم ، هو كتير ممتع القراءة عن هيك شي ،،^ـ^ بس لازم تنبه أنو ماحدا يطبق ع كيفو مشان ما لاسمح الله يتضرر بالنتيجة إما لسوء الإستخدام أو الخطأ بالتحضير والكمية المتناولة ..

بإنتظار جديدك بإذن الله ..

لازم نحنا الأطباء نكون فمهانين بهل شغلة ونعرف شو اللي منها مفيد
وشو هنن الخزعبلات.....
بلكي بهل كم يوم كمان بنط عكلية الصيدلة وبتشريلي شي كتاب فيو هيك شغلات
واذا مو من الكلية من شي مكتبة
انتظرونا

مشكور دكتور ع الموضوع المميز
والمعلومات المفيدة