بختار .... الزواج ...

التأجيل مانو حل وما بفيد حدا

والله أعلم

الصديقة الغالية مها

شكراً على المرور وإبداء الراي

السلام عليكم

""شكراً على رأيك بس الفكرة إذا كان بيت أهل كل منهما أكثر أماناً من البيت
يلي رح يسكنوا فيه فممكن بعدها يضطروا يتشنططوا من بيت لبيت وبهالحالة
الزواج ما رح يكون استقرار وممكن هالشي يسبب بمشاكل لكلا الطرفين""

إذا في ببيت أهلو أو بيت أهلها غرفة فاضية فممكن بأول فترة، ونشالله لبينما يصير في ولد بتكون انحلّت مشاكل البلد.

طبعاً الخصوصية بهالحالة أقل، بس بعتقد أحسن ما يضلو بعاد الخطيبين عن بعض ويضلو قلقانين على بعض.

شكراً أخ زيد فكرتك منطقية
بس كمان بداية الحياة تكون على شنططة صعبة شوي يعني بجوز الأفضل كل واحد يضل ببيت أهلو لبين ما تنحل الأمور وبنفس الوقت صعب يضلوا بعاد عن بعض
والله ما بعرف الموضوع معقد

السلام عليكم

للأسف الشغلة طويلة ... حتى لو انحلت الأمور بس لسا في شغل كتير ليرجع الوضع متل ما كان ... فكون التأجيل لسبب الوضع فهو مو حل مناسب على ما أعتقد ... أما لو لسبب تاني فممكن (وهاد الشي بيقدّرو الطرفين) متل ما ذكرت cute* بردها

برأيي (وتعقيباً على رد why.) أنو  لو كل حدا بدو يتزوج بدو يخاف من هالشغلة فكانت العالم "من زمان وهي بأحسن حالاتها" بطلت تتزوج ... اللي مكتوب بدو يصير وين ما كان الواحد قاعد وبأي وسيلة كانت (وما في أكتر من الوسائل اللي بإيد رب العالمين وهالوضع الحالي هو مجرد وسيلة من هالوسائل) وبجوز يصير بدون سبب وأحياناً بيتوفر السبب وما بتحصل النتيجة ... هاد كلو بتدبير رب العالمين وحده

وهيك شغلة انربط فيها طرفين ففي نهاية طبيعية لإلها هي الزواج أما تعليقها للوقت ليعمل فيها اللي بدو بسبب الظروف اللي ما معروفة نهايتها إيمت فهاد ممكن يعمل مشاكل ولأسباب عديدة ممكن الواحد يعرفها من تجارب اللي حواليه

والله يختار الخير للجميع ... الواحد يقرر اللي ارتاح لإلو ويستخير رب العالمين وكلو بيتيسر ساعتها للخير إن شاء الله

اخي/اختي *Hope*

صحيح يلي مكتوب بدو يصير بس هادا ما بيعني انو ما تفرئ معي اتزوج او لاء لانو الواحد بهالاوضاع لازم يتصرف شوي بطريئة خارجة عن الانانية ! يعني هلئ الواحد ما لازم يفكر بالحب و الزواج لانو في حال هو قرر يتزوج معناها هو لساتو باحياء دمشق الشمالية و لساتو عايش حياتو شبه طبيعية لحتى يئدر يتزوج لانو اكيد ما بظن انو في حدى عم يفكر بالزواج بالحراك بدرعا مثلا ! لانو هنيك اذا بدو يتزوج لح يتزوج بشي ملجأ تحت الارض و الشباب الطيبة اليوم كانو عم يكبو مازوت عالملاجئ و يحرئوها بالناس يلي فيها ! يعني هي بتكون نئوط !
فبالتالي اليوم لما بيتزوج الواحد هاد بيعني انو هو مو بس عايش حياتو طبيعية لاء و كمان عم يدور على شوية فرحة على الرغم من انو لسا ما صار عليه شي و لساتو ئاعد بحضن ابوه و امه و مبسوط عم يدور عالفرح و الناس كل يوم عم تدور على محل تحسن تنام فيه و هية مطمنة انو ما رح تجيهون شي قذيفة تخرئ سئف الغرفة و تنزل بالتخت !
فا انت برايك بهالاوضاع لازم الواحد يدور عالفرح ؟؟ و الناس عم تندبح يوميا ! واليوم بالتحديد حصيلة شهداء دمشق لحالها 102 الاغلبية الساحقة منهون ماتو "دبح" !

قبل أن يفكر الشاب ان يتزوج يستشهد...
وعندما يتزوج تصيبه رصاصة في عرسه فيستشهد...
وبعد ان تحمل زوجته تستشهد....
وإذا لم يكتب لها الحياة لتلد طفلها فيستشهد....
ليشيعه أخ الشاب فيستشهد....
وتخرج امه في التشيع الثاني فتستشهد....
وإن حالف الحظ جده سيستشهد في اليوم الثالث....
او قد لايرغب القاتل بتمديد وقت الشهادة فيدخل مسرعا إلى بيتهم....
فيقتل الشاب والام والاب والجد والجدة ايضا!!!!
ليستشهد الانسان....ولربما الانسانية....
لا....لست بأمزح....هذه قصة الشهيد...في بلدي...يااولاد بلدي....
فهل نتزوج؟؟؟

الموضوع المطروح غاية في الأهمية وأنا أرجو أن يكون كل واحد منا إذا أراد أن يتكلم فليجعل لسانه وراء عقله وليفكر بكل جدية وعقلانية بكل مشاركة يود الإفادة فيها ..
هذا رأيك  أنت حر برأيك ولكن أنا عن نفسي لا أظن أن أحداً يوافق على كلامك أو حتى الطريقة التي تم فيها إبداء الرأي
نحن هنا ضمن مجموعة عمل وبحث وتطوير وتوعية علينا أن نكون صفاً واحداً على الأقل ضمن 100 عضو !!!
ولك الشكر

إخواني وأخواتي
والله العظيم إن هذا الموضوع لهو في مستوى عالٍ جداً من الأهمية .. ولم لا يكون كذلك وفيه من الخير أن تسكن النفوس المتعبة بعد العناء المضني إلى بعضها البعض وأن تجد الأرواح المنهنهة المغمومة ما يسرّي عنها ألم شقائها وعذاب بقائها ولم لا وفيه تروق الدماء وتلتئم الأشياء ويتجدد الأمل ويحلو الصفاء ولم لا وفيه تُرتبُ الأمور وتُشفى الصدور ويُذكر أهل القبور ...؟؟!
أخي  يامن عزمت أمرك على الزواج ووجدت له مؤنة الحياة وكفايتها وتيسرت لك سبل المعيشة من أبسطها .. أقدِم ! وإياك والتردد وخاصة في أمر كهذا ووالله ستجد لك من الله تعالى معيناً وسيكون لك من البركة والخير ما لم تحسب حسابه أو تطرق بابه ..
والله لو أن الأمور متيسرة لدي وأجد عملاً ولو يسيراً يكفيني لتأمين احتياجات الزوجة الأساسية والأولاد لما أبطأت ساعة في الأمر ولكن ليقضي الله أمراً كان مفعولاً ...
والله الموفق وهو الهادي إلى سواء السبيل
الفلسطيني الحر أبو سعد

شكلو النقاش عقيم !

بس بك بساطة :
انت ئلت انو الناس بدا تعيش و تكمل حياتا و انو "تاقلمنا"

انت بالهعملين هدول ، تكميل الحياة و التاقلم ، بتكون عم تساعد النظام بشكل بحت

انت ما لازم لا تتاقلم ولا تكمل حياتك ! 
انت اذا بدك تخلص و ترتاح و تتزوج ، لازم تثور !
مو تضل "حاطط ايدك على خدك"
لانو حسب حكيك انت ئدام حلين : يا الئعدة يا اما تكمل حياتك و تئدم فحصك و تتزوج .

و انا بصراحة بهيك احوال ، الناس يلي بيفكرو متلك بيثيرو اشمئزازي !

و انا شب مو بنت