[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات العــامــة --> الـمُـضــحـــك .. الـمُـبـــكـي
    " فبهذا تتقدم الأمم " درس جديد من اليابان
عنوان البريد :  
كلمة المرور :  
                    تسجيل جـديد


صفحة 2 من 3 <- 1 2 3->

مشاركة : 11


*The Lord*

مشـرف السـاحة التقنيـة

الحياة ليست عادلة , فلتعود نفسك على ذلك




مسجل منذ: 13-08-2011
عدد المشاركات: 1428
تقييمات العضو: 321
المتابعون: 137

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

14-06-2012 11:54 PM





هلأ بالنسبة للاستفسارك :
الاجابة التانية هي الادق والاصح
انو عم يصدروا الاسلحة : منتيهية المدة , فيما عدا عن ذلك : انو ما بيصدروا شي الا ليكون عندن شي مضاد واسلحة متطورة الها
متل شركة مايكروسوف :او اية شركة بتصدر فيروسات للعالم , وبالمقابل في مضاد الو عندهن بس احتكار الهن و بعدين ببيعوا المضادات بأسعار خيالية , بعد ما تمل العالم وتفقد الامل من القضاء على الفايروس.
وبعدها بيصنعوا فيروسات اقوى
تمام

بالنسبة لامريكا
انا معك 100%

بالنسبة لنهاية العرب
اصلا يا صديقتي ما في نهاية للعرب (( للامة الاسلامية جمعاء )) لانو رب العالم بدو يعزنا بعد هالذل الطويل
ولا تنسي علامات يوم القيامة الكبرى من ملحمة الكبرى وجيش عيسى
يعني هي ممكن تستمر مئات السنين
وبالتالي نهايتنا رح تكون سعيدة بإذن الله

وبالنسبة للاحتكارات الاقتصادية بالدول العربية
وبدي نزلك صورة لادلوف هتلر(تأكيدا لحكيك )  بيحكي عن العرب وعن النتيجة وهالشي هلأ عم يصير
بس بالنهاية رح نكون ايد وحدة ان شالله














هل نحن واقفون والزمان يمر بنا
أم أن الزمان واقف ونحن نمر به

أنت غير مسجل لدينا.. يمكنك التسجيل الآن.

مشاركة : 12


NooR Al$aaam

عضــو فضـي

اللهم لك الحمد حتّى ترضى




مسجل منذ: 05-01-2012
عدد المشاركات: 1295
تقييمات العضو: 487
المتابعون: 118

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

15-06-2012 10:53 AM




أهلين أخي : TheLord



- هلأ بالنسبة لنهاية العرب ..أنا ما كان قصدي بمعنى النهاية يلي رح نوصلا بالمستقبل



أنا كنت عم قول : نهاية ..بمعنى وأخيراً الواقع العربي مؤلم جداً و ..



إذا بتلاحظ أنا كتبت ( نهاية الواقع العربي مؤلم جداً ومؤسف جداً )



وما كتبت ( نهاية الواقع العربي أو نهاية العرب ستكون مؤلمة ومؤسفة )



وللتأكيد أنو الكلام يلي إجى بعد هالعبارة هو كلام عن الواقع الحالي ..



وليس عن المستقبل ...( سوء تفاهم يعني )



بعتقد إنك بتوافقني على أنو واقعنا مؤسف ومرير ومؤلم ..



متل أنا بوافقك على أنو المستقبل ( القريب أو البعيد ) رح يكون أفضل ..



وما بخالف كلامك على أنو رح يكون في ملحمة كبرى وجيش سيدنا عيسى (عليه السلام )



وأيضاً خروج المهدي المنتظر الذي سيملأ الأرض عدلاً ..بعدما مُلأت بالظلم ..



وستكون الحياة في عهده عادلة وأكثر خيراً ورفاهية ..



 



- هلأ بانسبة لكلام هتلر ...أنا بصملوا بالعشرة ..



وأكبر دليل على كلامو ... الحرب التي حصلت بين العراق والكويت في عهد صدام حسين



وأيضاً : النزاعات المستمرة بين شمال السودان وجنوبه ( سواء قبل الانفصال أو بعده )



ناهيك عن ظلم الحكام حالياً والاقتتال القائم بين أبناء الوطن الواحد بسبب الصراع على



السلطة ..



 



- هلأ بالنسبة للسلاح ..أنا بوافقك أنو هنن عندهن شي مضاد إلها ..



وقد ما كانت الأسلحة يلي عم يبعتولنا إياها متطورة ..أكيد ما رح تكون قد نص التطور



قدام السلاح يلي عندهن ..وعلى قولة قناة الدنيا : ما خفي أعظم ..



 



- نقطة أُخرى : بالنسبة للمفاعل النووية ...ما بعتقد أنو في مفاعل نووي سلمي 100 %


( يعني ما في مفاعل سلمي 100% مهما كانت الدعاية والإعلان عنو أنو هوي سلمي )



وليكا إيران انبح صوتها وهيي تصرخ : يا عالم ..يا هو ..يا أمريكا ..ياإسرائيل ...



المفاعل سلمي ...وعم يُستخدم لأغراض سلمية .. بس ما حدا مسدقها ..خصوصي الغرب



لأنو الغرب هنن أكتر الناس بيعرفوا شو يعني مفاعل نووي ..



وشو مدى خطورتو ووجودوا على مصالحن  ...وكيف وجود هيك مفاعل رح يساهم



بتغيير بعض المعادلات بالمنطقة ..



وليكهن عم يفرضوا عقوبات على بنوك إيرانية وغيرها لحتى يوقفوا تخصيب اليورانيوم



على الرغم من أن إيران أيضاً تقول : أنو التخصيب عم يتم بالمستوى المعقول ..



وبشكل معتدل ..ناهيك عن التهديدات المتبادلة بشأن الضربة العسكرية



وأن بالنسبة إلي : إن شاء الله  إيران وأمريكا ياكلوا بعضهن ..المهم يتركونا بحالنا -نحنا العرب -



 



- وأيضاً : الحديث يطول ...وما بعرف إذا بتوافقوني على كلامي أو لأ ..



ولنا عودة -إن شاء الله - في حين استمر النقاش ..



 



وأخيراً :



ما بعرف إذا وافقتوني على نقطة أنو الغرب فعلاً إرهابيين ..وإنو لازم نعاملهن بالمثل ..



ونقول أنو هنن إرهابيين ومحتكرين للإرهاب ...



وأيضاً : حبذا أن نتناقش عن سبب تسمية الغرب للمسلمين بأنهم إرهابيين ..



على الرغم بأننا لم نحتل لهم أرضاً , وحتى حين كان هناك فتوحات إسلامية للعرب



لم نكن نعاملهم كما عاملوا أهلنا في العراق ونشروا الفتن والفساد والدمار ..



بل كان العرب المسلمين لا يقتلوا النساء والأطفال ولا يُهلكوا الحرث والنسل



ولا ينشروا الفتن كما هم يفعلون ...



ما هو سبب ذلك ( سبب تسميتنا بالإرهابيين )...؟؟؟



ولنا عودة -بإذن الله - للحديث عن الاحتكار العربي ..وتعاون بعض الدول العربية مع الغرب



 



- وشــــــــــــــــــــــكراً كتير أخت رؤيا ...كلك ذوق ...



 



 



 



 




لن أمر في طريق هذه الحياة سوى مرة واحدة


لذا .....


فدعني أُبدي ما أستطيع أن أُبديه من شفقة ورحمة


ودعني افعل كل الخيرات التي أستطيع فعلها لأي إنسان


دعني أفعل ذلك الآآآآآن ..


دون تأخير أو إهمال


فلن أمر من هذه الطريق مرة أُخرى


..(( وتبقى الذكرى ناقوس ... يدق في عااااالم النسيان )).. 



أنت غير مسجل لدينا.. يمكنك التسجيل الآن.

مشاركة : 13


James Maxwell

جامعـي نشـيط





مسجل منذ: 10-07-2010
عدد المشاركات: 113
تقييمات العضو: 58
المتابعون: 4

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

15-06-2012 01:09 PM




السلام عليكم ,,,,,, * رؤيا * موضوع مميز ,,, شكراً كتيييييييييير على النقل .

الطاقة النووية قدمت كتييييير فوائد للبشرية ، ابتكارها مو إرهاب بس استخداما بالحرب هو الإرهاب  ,,,, ابتكارها كان تعلم و اقتباس من علم رب العاللمين ,,, لو امتلك المسلمون هالطاقة ما كنا مذلولين هالذل .

بس رح ييجي يوم و يخلص الوقود " النفط " بهالأرض و وقتا بنرجع للسلاح الأبيض ,,, لأنو كل أسلحة الدنيا بحاجة للبترول ,,,, حتى البندقية الآلية بحاجة لآلة لتكبس الرصاص و هالآلة ما بتشتغل إلا عالبترول .... بهداك اليوم بينتصرو المسلمين ، لأنو استخدام السلاح الأبيض صعب و سهل الواحد يموت و هو شايلو ,, لهيك بدو عقيدة و بدو ناس حياتون رخيصة عندون ,,, المسلمين دايماً بينتصرو بهيك قصص .










ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 14


*The Lord*

مشـرف السـاحة التقنيـة

الحياة ليست عادلة , فلتعود نفسك على ذلك




مسجل منذ: 13-08-2011
عدد المشاركات: 1428
تقييمات العضو: 321
المتابعون: 137

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

15-06-2012 09:05 PM




نور الشام
ههههههههههههههههه
انتي ملاحظة ايمت كتبت الرد يمكن من النعس ولا يهمك منيح يلي وصلنا الى نتيجة حلوة بالنقاش
على كلن

-----------------------------

على كلن , بالنسبة لتسمية المسلمين بالارهاب

بعد احداث 11 ايلول المخزية , بحق البرجين , ويلي أمريكا مفتعلة هالشي كلو
من وقتها كرهونا وسمونا ارهاب
بس هيك

هادا هو السبب الوحيد







هل نحن واقفون والزمان يمر بنا
أم أن الزمان واقف ونحن نمر به

أنت غير مسجل لدينا.. يمكنك التسجيل الآن.

مشاركة : 15


NooR Al$aaam

عضــو فضـي

اللهم لك الحمد حتّى ترضى




مسجل منذ: 05-01-2012
عدد المشاركات: 1295
تقييمات العضو: 487
المتابعون: 118

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

15-06-2012 09:33 PM




أهليــــــــــــن The Lord



هلأ سبب تسميتنا بالإرهاب إلو أكتر من سبب ..



الأسباب المباشرة لهاد الشي :



العمليات الاستشهادية ...أو فينا نقول بسبب الجهاد في سبيل الله ..



بتعرف نحنا المسلمين قديش روحنا رخيصة ...خصوصي بموضوع الشهادة ..



وأكبر دليل على هيك..



أمريكا بتشوف أنو القاعدة هيي أخطر تنظيم إرهابي



أما إسرائيل بتشوف أنو حماس هيي أخطر تنظيم إرهابي ..



ناهيك عن الأخوان المسلمين يلي ممنوعين يفوتوا على بعض الدول بحجة إنهن إرهابيين ..



وأيضاً : إذا لاحظت آخر مرة ضربت فيها إسرائيل على أخواننا في غزة ..



كان نتانياهو عم يقول : بدنا نقضي على الإرهابيين الموجودين بغزة ..



فالمقصود بالإرهابيين هنن : فصــــــائل المقاومة الفلسطينية ...



وحركة عز الدين القسام ...وبالنتيجة بتروح الضحايا من المدنيين ...



- بالنسبة لضربة بن لادن للبرج بأمريكا ...أنا برأيي بيستاهلوها ..



قليل ما قصفوا وهدو بيوت فوق روس صحابها هنن وإسرائيل ...



وما كانوا يرحموا لا صغير ولا كبير , لا مرأة ولا رجل .. وخود على مجازر ...



يعني ولا يهمك لورد ( لا مخزية ولا شي )



 



الأسباب غير المباشرة :



فيك تقول أنو الحقد الأعمى على المسلمين بيعمل أكتر من هيك ..



وأكبر دليل على ذلك حرق المصاحف وأكثر من مرة ...وأيضاً : الصور المسيئة



للرسول الكريم محمد عليه الصلاة والسلام



وأيضاً : الغرب دايما بيخافوا من انتشار الإسلام بشكل أوسع , وزيادة عدد المسلمين ..



لهيك بيشوهوا صورتنا ..



حالياً : الدين المسيحي هي الأكثر انتشاراً ويحتل المرتبة الأولى من حيث عدد المنتسبين له



وينتشرمعتقني هذه الديانة  بشكل كبير في أمريكا وأوربا ..



بينما : يحتل الإسلام المرتبة الثانية



ويأتي الدّين اليهودي بالمرتبة الثالثة



وأخيراً يأتي عبدة الأبقار بالهند وعبدة الأوثان والملحدين و ....و ..



 



ما بعرف إذا بتوافقني على كلامي أولأ ..



وأخيراً ...نقطة أخيرة أود الإشارة إليها ..



وهي : ربما لولا تفجيرات القاعدة المستمرة في العراق أثناء الوجود الأمريكي ..



هذه التفجيرات التي كان يذهب ضحيتها الكثير من الجنود الأمريكيين لما خرجت



أمريكا من العراق ..( يعني إرهاب القاعدة جاب نتيجة ) وخاصة أنو الجيش العراقي



كان العوض بسلامتك بعد دخول الأمريكان على العراق , وأيضاً : العرب كعادتها



تُدين وتستنكر , ولا شيء عملي على أرض الواقع ..يعني شفنا أنو العرب ما ساعدوا



العراق أثناء الحرب ..



وأيضاً سبب خروجها إنو الاقتصاد الأمريكي مرهق , وأمريكا مغرقة بالديون ..



ما بعرف إذا كلامي منطقي , ومدى موافقتك على كلامي ..



 



 




لن أمر في طريق هذه الحياة سوى مرة واحدة


لذا .....


فدعني أُبدي ما أستطيع أن أُبديه من شفقة ورحمة


ودعني افعل كل الخيرات التي أستطيع فعلها لأي إنسان


دعني أفعل ذلك الآآآآآن ..


دون تأخير أو إهمال


فلن أمر من هذه الطريق مرة أُخرى


..(( وتبقى الذكرى ناقوس ... يدق في عااااالم النسيان )).. 



أنت غير مسجل لدينا.. يمكنك التسجيل الآن.

مشاركة : 16


NooR Al$aaam

عضــو فضـي

اللهم لك الحمد حتّى ترضى




مسجل منذ: 05-01-2012
عدد المشاركات: 1295
تقييمات العضو: 487
المتابعون: 118

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

16-06-2012 10:26 AM




السلام عليكم ...


بالنسبة للحرية المزعومة من قبل الغرب ...


من حرية دينية وحرية معتقدات , وعلمانية ...


إذا بتلاحظ بالصور التالية :


( بالنسبة لإطلاق اللحية ...بنلاحظها عند أهل الكتاب من اليهود والنصارى ...


وأيضاً نجده عند البعض من عبدة الأبقار بالهند وعند غيرهم ...


عندما يقوم أي شخص بإطلاق لحيته , يقولون : حرية معتقدات , هنن أحرار ..


ولكن عندما يقوم المسلم بإطلاق لحيته يُسمى : متخلف , إرهابي , همجي ...



 



 



 



 



 


وبالمناسبة :


إذا بتلاحظوا أن كل ما بيصير تفجير انتحاري , سواء في بلد عربي أو غربي


لا تتوجه أصابع الاتهام إلا إلى الإسلاميين , والقاعدة ..


لا يتم اتهام إسرائيل , ولا أمريكا , ولا أحد ....فقط يتم اتهام المسلمين ..


 


النقطة يلي لازم نتناقش فيها هلأ .....كــــــيف بدنا نغير وجهة نظر الغرب للمسلمين ...؟؟؟


وكيف بدنا نفهم البشر أنو نحنا لا إرهابيين ولا دُعاة إرهاب ...وأنو الإرهاب لا دين له ...


 


-ويعني شو الغرب بدهن يقتلونا ويحتلوا أرضنا وما ندافع عن أنفسنا , ونجاهد في سبيل الله ..


ولا إسرائيل بدها تقصف غزة , وفصائل المقاومة الفلسطينية تتفرج ..


بيكفي أنو العرب عم تتفرج , وما عم تحرك ساكن ...


ولولا فصائل المقاومة وحركة حماس , كانت إسرائيل تمادت أكتر من هيك ..ولا سيما أنو العرب


عم تتفرج ..والغرب عاطي إسرائيل الضو الأخضر ..




لن أمر في طريق هذه الحياة سوى مرة واحدة


لذا .....


فدعني أُبدي ما أستطيع أن أُبديه من شفقة ورحمة


ودعني افعل كل الخيرات التي أستطيع فعلها لأي إنسان


دعني أفعل ذلك الآآآآآن ..


دون تأخير أو إهمال


فلن أمر من هذه الطريق مرة أُخرى


..(( وتبقى الذكرى ناقوس ... يدق في عااااالم النسيان )).. 



أنت غير مسجل لدينا.. يمكنك التسجيل الآن.

مشاركة : 17


* رؤيا *

جامعـي نشـيط





مسجل منذ: 07-04-2012
عدد المشاركات: 127
تقييمات العضو: 40
المتابعون: 9

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

16-06-2012 08:34 PM






أهلين نور الشام
بحب قلك أنو مع حبي ليك ولأفكارك فأنو زاد تقديري إلك "مو مجاملة والله"


حبيت لو تطلعي على هذا الرابط لقيتو وأنا عم أتصفح فالنت

#!

شهادة ألمانية لصالح الحضارة الإسلامية
مع أنو احنا مستغنيين عن هيك شهادة
لكن للأمانة حبيتك تطلعي على هيك موضوع


وهذا تعليق احدى المتصفحين  المطلعين عليه:

( والله تدمع العين على ها الشيء
انا ما يهمني ان المسيحين و غيرهم من الديانات يزورون العلم الاسلامي وينسبونه الهم
اللي يبكيني ان العرب نفسهم و المسلمين هم اللي يتبعون الاجانب ويظنون انهم الافضل والواقع ان الافلام والاعلام الاجنبي بكل انواعه بذات الامريكي يقود العالم للدمار خلاص اللي راح راح نحن المسلمين المعاصرين علينا التمسك بديننا وترك الدنيا الفانيه قال الرسول صلى الله عليه وسلم
" سوف ياتي زمن علي أمتي الماسك علي دينه كماسك علي حجر من جمر " )

سلام




النجاح والإنجاز الحقيقي هو رؤية السعادة في أعين ووجوه الآخرين
   


أنت غير مسجل لدينا.. يمكنك التسجيل الآن.

مشاركة : 18


NooR Al$aaam

عضــو فضـي

اللهم لك الحمد حتّى ترضى




مسجل منذ: 05-01-2012
عدد المشاركات: 1295
تقييمات العضو: 487
المتابعون: 118

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

17-06-2012 08:31 PM








أهلين بأختي رؤيا الغالية ...يلي تحملتني كتير بالموضوع ..

بالنسبة للرابط ...اطلعت عليه ...وعجبني كتير المقطع ..واطلعت بطريقي على أجزاء

تانية ...

بالنسبة للتعليق يلي أنتي ناقليوا عن أحد المتصفحين ( متل ما عم تحكي )

الهم اللي يبكيني أن العرب نفسهم والمسلمين هم اللي يتبعون الأجانب ويظنون أنهم الأفضل

هذا الشخص معو حق بالكلام يلي عم يحكي ...

التقليد الأعمى للغرب واتباعهم بالأفعال السيئة في بلداننا العربية شيء واضح للجميع ..

نعم : الكثير من الشباب في مجتمعنا العربي يتبع الغرب ويظن أن الغرب هم الأفضل ..

-الإعجاب بالغرب لعب دور كبير بتخلف مجتمعاتنا العربية

ودائماً نتغنى بهم , ونستهزأ بأنفسنا ...

يقول أحدهم :

( لا تقارن نفسك مع أي شخص في العالم , إن فعلت ذلك فإنك تهين نفسك )

ونحنا العرب عم نهين أنفسنا ليل نهار بمقارنتنا مع الغرب ..

أنا شخصياً كل فترة والتانية بشوف مقارنة جديدة بينا وبينهن ..

وللأسف أنو بعد فترة قصيرة المقارنة تعبي مواقعنا الإلكترونية بسبب النقل, والنسخ لصق ..

ناهيك عن صور الكاريكاتير تبع المقارنة بين العرب والغرب ..

 

- بالنسبة لعلوم العرب ولعلماء العرب ( هاد الشي لحالوا بدو موضوع  )

 

- هلأ في نقطة حابة أحكي عنها ..أو نرجعلها من جديد ..( عن الإرهاب )

بالنسبة لموضوع الإرهاب ...( هوي موضوع كبير ومتشعب , وأنا كنت حابة أكتب موضوع

عن الإرهاب وعن أسباب تسمية المسلمين بالإرهابين , وعن الحلول للقضاء على هذه الظاهرة

بس حسيت أنو الموضوع ما رح يلاقي آذان صاغية ..لهيك لغيتو )

المهم هلأ :( هي المقالة من أحد المواقع الإلكترونية , بغض النظر عن قائلها أو صحة

هذه الرواية عنه , ولكن الجواب يبدو منطقياً , وصحيحاً 100 % ..

سُئل الداعية الألماني بيبر فوجل الشهير بأبو حمزة في ملتقى صحفي ,

عن العلاقة بين الأرهاب والمسلمين ..

فأجاب بكل حكمة :

من الذي أشعل الحرب العالمية الأولى ....؟؟؟؟ المسلمين !!!!

من الذي أشعل الحرب العالمية الثانية .....؟؟؟ المسلمين ..!!!! 

من الذي قام بقتل 20 مليون نفس بشرية من سكان أستراليا الأصليين ..؟؟؟ المسلمين ..!!!

من الذي أرسل القنابل النووية لتضرب هيروشيما و ناجازاكي ..؟؟؟ المسلمين ..؟؟..!!!

من الذي قام بقتل ما يزيد على 100 مليون هندي من الهنود الحمر في أمريكا الجنوبية ..؟؟

المــــــــــــــــــــــــســــــــــــــــــلمين ...؟؟؟

لا ليسوا المسلمين ...

ثم أردف قائلاً :

قبل كل ذلك عليك أن تقوم بتحديد معنى الإرهاب جيداً , فلو أنّ غير المسلم قام بفعل خاطئ

فإنها حينئذ تكون مجرد جريمة ...

أما حين يقوم مسلم بارتكاب نفس الخطأ فإنه حينئذ يوصف بالإرهــــــــــــــــــــاب ...

لذلك عليك أولاً ألا تكيل بمكيالين  وستعرف من هم الإرهابيين الحقيقيين ...

 

لن أُطيل أكثر الآن ...ولكن كل ما أود قوله حالياً ...

أن المسلمين ليسوا بأفضل حال , ولا سيما في ظل هذه التفرقة التي تُخيم على مجتمعاتنا

العربية الإسلامية ...

أتمنى لو يعود المفكرين والمصلحين الذين تغيبوا عن الشعب بسبب القمع والبطش

الذي يلحقهم إزاء آرائهم ...أتمنى أن يعودوا إلى ساحات الشعب لنشر التوعية

والتحريض على الثورة والتغيير في كل المجالات , ثورة ضد الاستبداد , ثورة ضد الجمود

والتخلف , ثورة للنهض بالعلم والدّين من جديد , ولنبني مستقبل أفضل ..

وها هي السجون العربية تغص بالمعتقلين السياسيين الذين كانوا يقولون لسلطات الحكم العربية

لا للفساد , لا للقمع , لا للقوانين الظالمة ....لا لقهر الشعوب , لا لغياب الحريات ..

 

- وهي صورة الشخص ( المنسوب إليه الكلام , عن العلاقة بين الإرهاب والمسلمين )

 

سلام أخت رؤيا , وبتمنالك التوفيق والنجاح ...

 






لن أمر في طريق هذه الحياة سوى مرة واحدة


لذا .....


فدعني أُبدي ما أستطيع أن أُبديه من شفقة ورحمة


ودعني افعل كل الخيرات التي أستطيع فعلها لأي إنسان


دعني أفعل ذلك الآآآآآن ..


دون تأخير أو إهمال


فلن أمر من هذه الطريق مرة أُخرى


..(( وتبقى الذكرى ناقوس ... يدق في عااااالم النسيان )).. 



أنت غير مسجل لدينا.. يمكنك التسجيل الآن.

مشاركة : 19


James Maxwell

جامعـي نشـيط





مسجل منذ: 10-07-2010
عدد المشاركات: 113
تقييمات العضو: 58
المتابعون: 4

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

18-06-2012 04:43 AM




اسمحولي قول رأيي بكل اللي انحكى ,,,, لا تفصلو الدنيا عن الآخرة ,,,, نحنا مطالبين بالدنيا إنو نرفع راية دينا لفوق ,,, الإسلام دين عزيز بس اللي صاير إنو المسلمين هنا أذل شعوب الأرض ,,, و إذا بدنا نكون أدق شوي ,,, المسلمين من العرب هنا أذل شي ,,,, السبب الرئيسي هو الانشغال بالدين و ترك الدنيا .

هلأ بعهد الرسول " ص " و بعدو الخلفاء الراشدين ,,, ما حدا بيقدر ينقد هالفترة الزمنية اللي ابتعد فيا المسلمين عن كل أنواع العلوم ، لأنو هالفترة مخصصة لنشر الرسالة ، هلأ بعدا بالعصر الأموي كان في تقصير كبير من ناحية العلوم ، بالعصر العباسي تحسن الوضع شوي ، بعدا دخلوا المسلمين بمرحلة غيبوبة و لساتون نايمين ، إذا قلنا " ابن سينا " ,,,, بيوقف بوشنا " ابن تيمية و ابن القيم " بقلولك " كافر زنديق " ، مع إنو ابن سينا هو أكتر عالم مسلم قدم ، إذا قلنا " ابن رشد " ,,,, بيوقف بوشنا " الغزالي " بقلك " كافر زنديق " ,,, ابن رشد فيلسوف إسلامي لحد هلأ كتبو بتدرس بأوروبا .... اللي بدي قولو إنو الإسلام اللي نحنا مأسلمينو " فيو استفهامات كتيرة " ,,,, بعتقد إنو طلب العلم بهيك بوقت فريضة بتعادل الصلاة بالأهمية ، نحنا ما عم نستحي إنو مشان نروح نحج ب ييت الرب عم نركب طيارة صنعولنا ياها " الكفار " إذا هيك القصة عند " الإمام ابن تيمية أو ابن القيم و غيرهم " ، و لا عم نستحي إنو مشان نرفع كلمة " الله أكبر " بالمساجد لتوصل للسما ... عم نستخدم " مكرفون " كمان صناعة الكفار ، لو شاف الدنماركيين طائرات مقاتلة أو دبابات صناعة إسلامية بأكدلكون إنو ما كانو تفوهوا بكلمة وحدة عن خير البشر " صلى الله عليه و سلم " ,,, نحنا المسلمين بنتحمل كل قطرة دم عم تنزل من المسلمين ، بسبب شو فكركون عم ننهان و ننذل و أهلنا مشردين بفلسطين ، هلأ " بنط " واحد بوشي و بقلي لأنو نحنا تركنا الدين قام الله ذلنا ,,,, لا يا " شاطر " لأنو نحنا بعدنا عن العلم ,,, قمنا نذلينا ، فينا نصلي ليل نهار ، بنفوت الجنة ، بس رح نبقى مذلولين بدنيتنا ، الإنسان اللي واقف و ماسك حجر بوش دبابة ما بينتصر ، لازم يكون معو دبابة متلا مشان ينتصر ,,, لا تفتخرو كتير و تقولو " المسلمين أو العرب " إلهم فضل كبير على العلم ، أو تقولو إنو " الغرب " سرقو علمنا ,, إذا بدكون العرب و المسلمين هنا سرقو علم الغرب قام رجعو الغرب استردوه ، لأنو حضارة اليونان قائمة من 4000 سنة قبل الميلاد و اخترعوا شغلات لهلأ عم نستخدما نحنا ، تخيلو إنو عالم يوناني قاس مساحة الأرض ب 2000 سنة قبل الميلاد ، القصة بدها اهتمام بالعلم مو اهتمام بالدين و كل شي لحالو .








ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 20


~soso~

جامعـي مبـدعـ





مسجل منذ: 18-01-2012
عدد المشاركات: 445
تقييمات العضو: 114
المتابعون: 37

غير موجود
اشــترك بالتحديثات
رسالة مستعجلة

رد مشاركة : " فبهذا تتقدم الأمم " درس جديد من اليابان

18-06-2012 10:04 AM




بالحقيقة انو العلم أمر فيه الدين

والرسول صلى الله عليه وسلم ارسل بعثات للعلم

ولما كان عندو أسرى من حرب .. كانت فديتن انو كل اسير يعلم عشرة من المسلمين القراءة والكتابة

وبالحديث : "العلم فريضة على كل مسلم ومسلمة "

يعني العلم فرض بالدين .. ولما بعدنا عن الدين بعدنا عن كتير فرائض منها التعلم

البلد عنا مليان شهادات .. بس درسو لياخدو الشهادة .. مو ليتعلمو

لو كان هدفنا انو نرتقي بأمتنا  كنا أقبلنا عالعلم بشكل تاني .. بس ضيعنا ديننا وضيعنا العلم اللي هوه من أساس الدين










ملتقى طلاب جامعة دمشق




أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 2 من 3 <- 1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة