اغرب انتخابات بالعالم 
 بالتاكيد ليست في بوركينا فاسو او كونغو
 انها للاسف في بلدي سوريا
انتخابات لمجلس  انتهت مدته منذ اكثر من عام  وقيام انتخابات بدون برامج وبدون تعديلات للقوائم وشروط الانتخاب جوهرية
وعدم تحديد صلاحيات وواجبات المرشح بشكل دقيق
غياب  مرشحين معارضين رغم حزمة الاصلاحيات  المعلنة مثل ميشيل كيلو وعارف دليلة وحتى طيب تيزيني وسواهم كثير
ترشح بطل كمال اجسام للانتخابات هو ميزة لا اعرف ماذا سيفيد
ترشح اكبر مؤيدين ومساندين للبرنامج الحكومي وهم نفسهم الذين قالو سوريا بخير ولا تحتاج لاي شيئ
كيف سيقومون بالتغيير الان وهم يرون كل شيئ بخير
 اعادة ترشيح اعضاء سابقين موجودين وطالب اعضاء سابقين وزملائهم   بمحاسبتهم واتهموهم بالتخاذل واستغلال المنصب علنا جهارا نهارا

واشياء كثيرة نراها ربما تكون الاطرف والاغرب بالعالم  عبر التاريخ
 فهنيئا لنا بذلك المجلس
المرتقب 

انتخاب ..؟؟؟  ممم مدري وين سمعان هي الكلمة ..

وعنا هون بسوريا ...؟؟

ليش انتصرنا وخلصنا وبلشت الانتخابات ..؟؟؟؟

لسى بكير .... وهيدا الشي يلي عم يعملوه ما رح يغير شي ..

يعني لا رح نتخب ولا رح نعترف عليهم ..

متلهم متل الدستور من خاطرهم ...

خليهم ينتخبوا ويرشحو يلي بدهم ياه ..بكرى بعد النصر نحن منعرف شغلنا منيح

كالعادة بكرا المليون منحبكجية بينتخبوا

و بيقولوا نتيجة الانتخاب 99,9 % على اعتبارن من المليون

اما الـ 22 مليون الباقيين مالهم لزوم أصلن شو لزومهم يموتوا مو؟

حاج مليون ما هيك ؟

بالفعل شر البلية ما يضحك

أنا أكتر واحد لفتلي نظري هو طالب علوم سياسية

مشان الله لسى ما تخرج، شو رايح تعمل بالبرلمان!!!

مهزلة الدستور سوف تعاد 

اغرب انتخابات بالعالم

طالما انو الانتخابات بتخص المنحبكجية  بس  فليس للغرابة مكان

إنتخابات إيه اللي أنت جاي تقول عليه......
فعلاً اللي استحوا مااااااااااااتوا

صراحة انا من الناس يلي انصدمو بطريقة الترشيح لجزء كبير من المرشحين

صاحب محل اراكيل مثلا...أو طلاب جامعة أو ...

لحد هي اللحظة في تنين من المرشحين ممكن انتخبن...لأنو فعلا هيك لازم يكونو... وازا ما لقيت حدا خرج بلاها كل هالقصة

يلي كانو بالمجلس ورجعو رشحو حالن بجوز عم يشتغلو على منطق متل منطق اياد...انو بس نخلص منشوف شغلنا...بس تخلص الأزمة منرجع منربين...بس تخلص الأزمة بدنا ننتقم
هادا منطق سيء

لكن هل السبب بعدم ترشح أعضاء معارضين من أمثال يلي ذكرتن هوي بسبب عدم وجود قناعة بالانتخابات ام بسبب خوف من المواجهة.؟..بالرغم من انو كان ضروري يترشح عدد كبير من المعارضين لأنو كانت نقطة ايجابية لصالحن وكان صار في مين يحكي وهوي بموقع مسؤولية

سؤال بتمنى الاجابة عنو

ان الله لا يغير ما بقوم حتى يغيروا ما بانفسهم

بصراحة المرشحين لهلق في 3 أو 4 بس من اللي نقدر نعتبرهم ..ممكن يوصلوا صوتنا

و في ناس كتير مرشحة حالها هيك ...(هيك) ( بما تعنيه من كلمة )

في بعض الأشخاص متأكد كتير منيح أنو ما رح يقدموا شي ...و خاصة من بعض المرشحين اللي كانوا بالدورة الماضية ...

طبعاً كمان نقطة عتب ...على بعض الناس اللي ممكن نسميهم معارضين ...لعدم ترشحهم ...و إبداء رأيهم