يا زملائي الاعزاء ... لح نخصص هذا الموضوع لتناول كل ما يخص الفصل الثاني من اخبار واحداث يومية تتعلق به

شكراً إلك أخي الكريم هشام على تجديد هالموضوع وفعلاً أجمل ما في المنتدى تفاعل أعضاءه مع بعضهم....
هلأ بالنسبة لأحداث أول يوم دوام أخدنا محاضرة إحصاء تطبيقي وهي عبارة عن مقدمة للمادة وللبحث الأول يلي بيتحدث عن العينات بشكل عام وغير هيك ما أخدنا شي
ومبارح الإثنين أجت لعنا الدكتورة مي مخلوف وهي دكتورة إدارة العمليات أعطتنا بعض التعليمات ومن أهمها الإلتزام الكامل بوقت المحاضرة ودراسة هالمادة مبدئياً رح تكون من المحاضرات لأنو الكتاب جديد وبعدو ما نزل بس وعدتنا أنو ما يخلص الفصل إلا وتكون المادة متوفرة بإيدانا سواء ملخص أو محاضرات أو الكتاب وقالت أنو المادة على الأغلب مؤتمتة 100% بعدين أخدنا لمحة عن أبحاث الكتاب المطلوبة منا والتي تقارب ال13 أو16 بحث
وبالمحاضرة التانية أخدنا إحصاء تطبيقي وكانت المحاضرة إعادة للمحاضرة السابقة اللي بتتحدث عن العينات مع التوسع أكثر والحديث عن خصائص العينات وطرق انتقائها وأنواعها ومشاكلها والمحاضرة التالتة كان عنا لغة إنكليزي بس الدكتورة رهف ما إجت....
واليوم متل ما بتعرفو عطلتنا
إنشاالله كون فدتكن وأعطيتكن فكرة كافية عن أحداث هاليومين

                                بالتوفيق لكم جميعاً أصدقائي ......

نسيت خبركن أنو كل ما ذكرت بيتعلق بالمدرج الأول يعني الشعبة التانية
والإحصاء التطبيقي متل ما خبرنا الدكتور مؤتمت 100% والكتاب مطلوب مع المحاضرات لأنو قال لا غنى عن الكتاب....

شكرا اصدقائي
وشكرا الك العنقاء
وياريت اذا حدا من الدكاترة كمان حكى اذا الكتاب مطلوب ولا  لاء تخبرينا حتى نعرف الكتب يلي لازم نجيبا

لا شكر على واجب عزيزتي  زوزو....وتكرم عيونك كلما يخبرونا عن شي جديد بهالخصوص فوراً رح خبركن إنشاالله هاد طبعاً اذا كان في كهربا ونت لأنو تلت أرباع الوقت مقطوعين بس الله بعين .....

مابدي وجعلكن راسكن بقصة قطع الكهربا خلينا بأحداث اليوم...
اليوم أخدنا محاضرة اقتصاد كلي ودكتورة هالمادة كتير ظريفة ومن جهتي حبيتا بس ما عرفت شو اسمها
المهم محاضرة اليوم كانت مفاهيم اقتصادية عامة والمواضيع يلي بيتناولها الاقتصاد الكلي ومقدمة عامة لأبحاث الكتاب....
الدكتورة بتعتمد أسلوب عرض شرائح عالبوربنت (السلايدات) لشرح المحاضرات بس طبعاً ما رضيت أنو ناخد منها السلايدات لأنو جهدها الشخصي...
وبالنسبة للكتاب فهو المرجع الأساسي ولكن  للأسف بعدو لهلأ ما انطبع رح تقولو كيف مرجع أساسي ومو موجود فحسب ما خبرتنا الدكتورة يا بيحاولو يسرعو بتنزيل الكتاب دفعة وحدة يا أما بيعملو متل السنة الماضية وبنزلو الكتاب على أجزاء بالكشك يعني بالتقسيط...
وهي المادة مؤتمتة 100% ....
إنكليزي ما إجت الدكتورة رهف
مشان هيك رجعت عالبيت وما عرفت شو صار بمحاضرة النقود والمصارف.....


                          تحياتي لكم جميعاً أصدقائي.....

شكرا "العنقاء" ..... مانزلوا المحاضرات بمكتبة نعمة .... وشو منشان التمويل اذا حدا بيعرف ...........................

شكرا عالموضوع ويسلمو ايديك " العنقاء"
هلا بما يخص محاضرات نعمة فاليوم مريت لعندها ونزل فيها اول محاضرتين احصاء تطبيقي
والتمويل مانزلت لسا مامنعرف ايمتا ناويين ينزلوها 

مسا الخيير ..

بالنسبة للنقود والمصارف .. الدكتور قال انو الدراسة رح تكون حصرا من الكتاب

وقال كمان انو الاسئلة والاجوبة منه فلا تحاولو تشغلو حالكن بمحاضرات او اي شي تاني ...عليكن بالكتاب فقط والظاهر انو ظريف الدكتور مابو شي .!

وبالنسبة للتحليل الكلي .. ومتل ما قالت الدكتورة انو نحنا مطالبين بالكتاب ..بس قالت كمان انو مطالبين بالشي يللي بتحكيه بالماحضرات .. انا مافهمت شو قصدها ..انو ندرس من التنين سوا ولا شو ؟!

والانجليزي لحد الىن الماحضرتين حلوين والظاهر انو الدكتورة رهف رح تككون كتير منيحة معنا هالفصل .. وعرضت علينا انو تسألنا اسئلة بكل محاضرة وتعطينا فرصة لنجاوب عليهن .. وفي حال جاوبنا على كل الاسئلة .. رح تحطلنا نص مع اسئلته واجوبته وتجيبه بالفحص ..وعلاماته عالية جدا من فوق ال 30 علامة على ما أذكر ..بقا شدو حيلكن وحاولو حلو الاسئلة .!

مممم احصاء ما حضرت شي لهلأ وحسب ما عرفت انو لحد الآن محاضرتين نظري

مممم وبس .! :D

أخي الكريم أحمد
على ما يبدو إنك بتحضر بالمسرح لأنو بالمدرج الأول لهلأ ما أخدنا ولا محاضرة إنكليزي
بقى ياريت اذا حضرت أول محاضرة للدكتورة تخبرنا شو قالتلكن الدكتورة عن الدراسة يعني شو المطلوب وياترى متل الفصل الأول رح تنزل كم صفحة من الكتاب والباقي خارجي؟؟؟؟؟

وشكراً إلك.....

صح انا حضرت الانجليزي بالمسرح وحضرت المحاضرتين

بس عفكرة انا سمعت انو مارح تعطي 3 محاضرات باليوم ورح تكتفي بمحاضرة .. بس ما بعرف ازا هالحكي صحيح يعني ماتاخدي على كلامي انو اكيد

وعموما .. الدكتورة قالت كتير شغلات

اولها انو نزلت مصطلحات انجليزي_انجليزي بالمكتبات فيكي تجيبيهن وهدول عليهن 35 علامة .. وهدول ما ممكن تساوم عليهن الدكتورة يعني مطلوبين مطلوبين ومافي حذف منهن

وكمان عم تعمل تلخيص لقصه خارجية كمان رح تنزلها بالمكتبات الاسبوع الجاية او اللي بعدو ..

وبالنسبة للكتاب اكيد في شي داخل منه واكيد مارح يكون كله داخل كالعادة يعني