السلام عليكم ورحمة الله وبركاته

ما شاء الله يخزي العين
شو مواضيع المرأة والرجل والحب وحبيبتي شو كترانة
هاي هي المواضيع يلي شاغلة بالكم
-ما يخفيه الرجل عن المرأة
-حركات يدين المرأة تدل على شخصيتها ....؟؟؟؟؟
-مخ المرأة
-قيل في الرجل أسمعي يا أنثى
وغيرها كتيييييير

لك ما هاممكم شيء بالدنيا غير الحب والمرأة وكيف بتاكول وكيف بتنام وكيف بتفيق وكيف بتدرس وكيف بتحكي وكيف بتفكر.... هاي هي يلي صارت شغلتنا وعملتنا...
وكيف الرجل بحب تكون محبوبته وكيف بكون جذاب وكيف وكيف............

صحيح انا حطيت بعض المواضيع عن المرأة والرجل ولكن راح عدلكم ياهن مع توضيح:

1- الاختلاف بتفكير المرأه والرجل (( بأسلوب علمي وطبي))

2- هذه الخاطرة عن روتين البنات .... يلا يابنات (( كانت من باب انو فعلا البنات عندهن روتين قاسي ومملل الى حد كبير وخصوصا الشغل بالبيت))

3- العشق (حقيقته - خطره - أسبابه - علاجه) (( موضوع مميز مدعم بالآيات القرآنية والأحاديث النبوية الشريفة))

4- شوفولي هالبنوتين ما أحلاهن ((صورتين لطفلتين جميلتين))

5- معجزة الله في جسم المرأة (( موضوع مميز مدعم بالشواهد العلمية الطبية والآيات القرآنية))

6-  (المتفوق) يتسآل: يا ترى مين أذكى الشباب ولا البنات ......؟(( لغز))

7- مفاتيح قلوب النساء (( للرجال فقط )) (( موضوع مدعم بالآيات القرانية والأحاديث النبوية الشريفة))

8- ماذا قال الفلاسفة والعظماء عن المرأة ؟ (( أشهر أقوال الفلاسفة والعلماء))

9- أيتها الفتاة الجميلة...انتبهي ((دراسة سيكولوجية ومدعمة بالأمثلة الواقعية))

واذا  بتحبوا تشوفوا هاي المواضيع فعلا علمية ومدعمة بالآيات القرآنية والأحاديث النبوية الشريفة فهي موجودة والكل بيقدر يشوفها

المواضيع العلمية والتربوية والطبية والنفسية يمكن ما بتشكل 10 بالمية من المواضيع يلي محطوطة بالمنتدى....
منتدى طلاب جامعة دمشق؟؟؟؟

لك اذا معظم طلاب جامعة دمشق هادا هو تفكيرهن .... كلو محصور بالمرأة وبالرجل والعلاقة بيناتهم..... فعنجد احنا بنكون عمنشوه صورتنا وعمنشوه صورة منتدانا
منتدانا الغالي

لك يا جماعة الخير اذا واحد دخل على المنتدى وهو عمببحث عن معلومة بالجوجل
وعن طريق الروابط دخل عالمنتدى شو بدو يقول.....؟؟؟؟؟؟؟

منتدى قهوة للشباب وبس
منتدى قهوة للصبايا وبس
اكتب شعورك بكلمة واحدة
مخ المرأة
.......
........
...........

حلوه الفرفشة بطريقة او بأخرى بس ماتزيد عن حدا......

لك يا جماعة الخير خافوا الله
هادا بلدنا
هادا وطنا
هادا مجتمعنا
هاي جامعتنا
هادا منتدانا
منتدى طلبة جامعة دمشق

لك ياجماعة الخير
لك اذا احنا ما عملنا على اغناء واثراء منتدانا بالمواضيع العلمية لكان مين بدو يغنيه

لك يا جماعة الخير
محطوط بأول سطر بالمنتدى
"وقـل اعمـلوا فسـيرى الله عـملكم ورسـوله والمؤمنـون"

وشكراً لجميع مشرفي وأعضاء المنتدى

آسف من كل من انزعج من موضوعي ولكن

أصل العتاب محبة

ولأنو عندي غيرة على منتدانا

صديقكم (المتفوق)...........  

الأخ المتفوق :

تحية طيبة و بعد :

لقد صدقت في كل ما قلت و يااااااااااللأسف منذ وقت طويل انحدر مستوى هذا المنتدى الى الحضيض بسبب هذه الواضيع الكثيرة و الفارغة من أي معنى مما تسبب في ابتعاد الكثيرين مثل السورية و غيرها عن النشر فيه.

ترى هل من سبيل لجر هؤلاء الأحبة و الأخوة الى المواضيع العلمية و الأبية رفيعة المستوى أم أن الوقت صار وقتهم  و زمانهم و نحن وقتنا انقضى

مع كامل اسفي و محبتي

دمت بكل خير

والله يا صديقي  كلاااااااااااامك بمحلو  صحيص معك حق المواضيع اللي عم تنحط بالمنتدى  مو كتييييير

عم نشوفا مهمة بحياتنا العملية  ..........لان نحنا بحاجة كتير كبيرة لمواضبع نقدر نطبقا على الواقع

مو بس كلااااااااااااااااااااااااااام .................

لازم نراعي المواضيع اللي عم نكتبا ...........لحتى الكل يستفيد.........

تقبل مروري موضوع يستحق القراءة من الجمييييييييييييييييييييييييع

 سلاااااااااااااااااااااااااام            *لارا* 

أول شيء بتشرف أرد على هذا الموضوع
وبهنيك لنظرتك السامية الموسومة بالرقي


كلام جوهري وحق أنا أيضا لمست بعض الإنحطاط في بعض المواضيع وحتي المشاركات
وأنا على يقين بأن أصحابها لا هم لهم غير رفع قيمة المشاركات " العددية وليس النوعية "
الله يهديهم
وخاصة منهم من له مواضيع مكررة ولم يتعب نفسه إذا كان كذالك أم لا رغم أن الأخ ياسر
قام بإدراج كيفية التأكد من تكرار الموضوع قبل كتابته
ومنهم من ينقله من منتدى آخر والأدهى والأمَرْ أنه "نسخ لصق" ولم يلقي نظرة على فحواه وبعده


وكما ذكرت أخي سالفا أنه كثرت المواضيع عن علاقة المرأة والرجل

لا أقول أنه من المعيب الحديث عن هكذا مواضيع لكن لماذا لا تكون مواضيع هادفة
كحال المجتمع ونظرتة للحب مثلا
كيف وقاية أنفسنا كشباب من شراك الحب الفاسدة وبناء علاقات ناجحة
في حدود الشرع والعرف إحترام الغير
وكذا محاولة تأطير أسباب تؤدي للأخطاء والمصائب بين الجنسين مثلاً

وأما بما أنك ذكرت الموضوع فحقا تجد تهافت البعض على كذا مواضيع وتجاهل أخرى والله مفيــــــــــــــدة كتبت موازات لها
ويكتفون بالمرور مرور الكرام

لماذا لا نتبنى فكرة
(نعم للأبداع لا للمنقول)
لما لا نبدع ونرى أناس غيرنا ينقلون مواضيعنا لماذا؟؟



أعتذر إن انفعلت لكن أحب نشر المعرفة والحديث في ما ينفعنا
ولا ضرر في الفكاهة بطريقة لا تحرج الغير كمتنفس
ومن رأيي أن طرح موضوع شيق نتبادل فيه آراءنا وتجاربنا هو متنفس بحد ذاته
وخاصة إذا رأيت إعجاب الآخرين بأفكارك


تحياتي وإحترامي للجميع
وأرجو أنني لم احرج  أحد



   

والله معك حق يا اخ المتفوق
لقد اصبحت غالبية مواضيع المنتدى ساخرة ..وغير هادفة ..ومجرد مضيعة للوقت
لم يعد ذاك المنتدى الذي اتشوق لتصفحه ...وقراءة مواضيع اعضاءه وارائهم
اين تلك المواضيع الهادفة
والردود المنطقية ؟؟
اين تلك النقاشات العلمية  ؟؟

اتمنى ان يعود المنتدى كما كان ذلك المنتدى المتميز بعقول اعضاءه ومرحهم في ان واحد

ودمتم بخير

يعني بالله تركت كل المواضيع التانية ورحت على هدول يلي بيمثلوا 20% من المواضيع

بعدين يعني هي الموضيع العضو هو يلي عم يكتبها ، عم يكتبوها فلاسفة وكتاب ومثقفين ومنهم منقول من روايات

هاي هي المواضيع يلي شاغلة بالكم
-ما يخفيه الرجل عن المرأة
-حركات يدين المرأة تدل على شخصيتها ....؟؟؟؟؟
-مخ المرأة
-قيل في الرجل أسمعي يا أنثى
وغيرها كتيييييير

حركات المرأة ... يعني موضوع نفسي وفلسفي واجتماعي

مخ المرأة ... هي صورة ومزحة ولا حرام الواحد يمزح بالمنتدى

قيل في الرجل.. شوفة حال من الشباب وكمان تخفيف دم

ما يخفيه .. ناتجة عن دراسة مو جايبينها من الهوا

منتدى قهوة للشباب وبس
منتدى قهوة للصبايا وبس
اكتب شعورك بكلمة واحدة
مخ المرأة

منتدى الشباب ولا مرة فتت عليه بس بما إنو ملتقى طلاب جامعة طبيعي يكونوا متعودين على القهاوي ونفس الشي بالنسبة للصبايا

اكتب شعورك بكلمة .. ما لقيت شي بغيظ منو وخاصة إنو المشاركات فيه أكتر من مية

مخ المرأة .. شو قصتك انته وهالموضوع هو صورة عنجد مو طبيعي

يا ريت تبقى تعمل موضوع تحط فيو الموضيع المفيدة والعلمية ويلي الكل استفاد منها ولنشوف كم صفحة رح يطلع معك

بعدين لو كان ممنوع الواحد يحط موضوع بس ليضحكوا الباقيين ما كان المنتدى من أصلو حط قسم

للفرفشة والتسالي

أخ المتفوق ..

كمان لا تزودها على امك وأبوك بيكرهوك ..

التمس لأخيك ألف عذر وعذر ..

انا ماني عم برر ..

بس فيه أسباب لتزايد هيك نوعية من المواضيع .. ومن هي الأسباب : (رأي شخصي)

1_ أغلب أعضاء الملتقى حياتن جحيم بسبب وضع البلد الحالي وبالتالي صار الملتقى بمجمله وسيلة للتفريغ والترفيه والخروج من جحيم الحياة يلي عايشينا ...

2_ نسبة كبيرة من الجيل الصاعد (18_19_20) سنة .. نمط تفكيره كتير مختلف عن الجيل يلي قبله ..
وفي كتير اسباب لتغير نمط تفكيرن منها التطور التيكنولوجي والحرية الزايدة من الأهالي والانترنت (سلاح ذو حدين) وكمان هاد الجيل انفتح عالحياة على بكير وعم يطلع ويفوت على كيفك وما حدى عم يقدر عليه .. وللأسف هالجيل ما عم يسخر هالشغلات للمصلحة العلمية وانما للمصلحة الترفيهية وبس ...

3_ الابتعاد عن الدراسة الجامعية ..
يعني كتير من اعضاء الملتقى بعيدين عن الدراسة الجامعية بالوقت الحالي لعدة اسباب منها مافي راحة نفسية او مانن عم يداوموا او ما فيهن يداومو بالأصل ..
والدراسة الجامعية هي خيط كبير بيوصل مع الابداع العلمي يلي انته عم تطلبه ..

أخونا ... هل تستطيع أن تنظر للجانب الممتلئ من الكأس بس شوي ..

كلنا منعرف في جزء كبير فاضي

وشوي شوي بيتعبى

اللهم علمنا ما ينفعنا وانفعنا بما علمتنا واهدنا سبل السلام
اللهم أرنا الحق حقاً وارزقنا اتباعه وأرنا الباطل باطلاً وارزقنا اجتنابه
ولا تجعلها علينا متشابهين فنتبع الهوى فنضل فنخزى ......