مرحبا للجميع
بس بدي اسأل عن الماجستير بالحقوق شو كانت المعدلات النهائية لهي السنة

واذا واحد تخرج بالدورة الفصلية فيه يقدم مع المتخرجين بالفصل التاني

وانا معدلي تقريبا بيطلع 62  ممكن يطلعلي او اكيد او مابفكر بالموضوع

  والواحد بيقدم بس بمحافظة او بأي كلية متلا  انا متخرجة من الشام فيني قدم عالماجستير بالشام وباللادقية وكيف بتصير


رجاء انا ماني من الشام بتمنى الرد المضمون

وشكرا

بالنسبة للمعدلات النهائية ... فالسنة الماضية والسنة تم اتباع اسلوب جديد وهو المعدل بالاضافة للامتحان المعياري والامتحان المعياري عبارة عن اسئلة اتمتة حوالي 100 سوال يكون بمثابة سبر للمعلومات السابقة ...ويحدد معدل الطالب بجمع معدله +نتيجة الامتحان المعياري وتقسم على 2 طبعا لايحق للطالب التقدم للامتحان المعياري اذا كان معدله اقل من 60% .... السنة كان في توجه انو مايكون عدد كبير بالماجستير لهيك ارتفعت المعدلات بس بشكل عام يلي معدله 65 وجاب علامة منيحة بالمعياري فيطلعله ماجستير
السوال التاني : لايحق له لانو الدورة الفصلية بمثابة دورة تكميلية  اذا قصدك عالدورة هاي بس يلي متخرج بالفصل الاول اوو الثاني يحق له اتقدم بس لازم يقدم امتحان اللغة الخاص بالماجستير بمعهد اللغات وهاد الفحص بيكون تقريبا 4 مرات بالسنة بس مابحق التقدم عليه الا اذا الواحد متخرج
بالنسبة لمعدلك ممكن يطلعلك اذا جبتي علامة منيحة بالمعياري يعني قدمي وممكن كتير بجوز السنة الجاية بدهن عدد كبير

بالنسبة للماجستير حاليا بس بالشام وبحلب فيكي تقدمي بالشام او حلب بس اذا انتي من الشام بالشام احسن لانو الدوام اجباري موفقة

شكرا كتير الك

بس بالنسبة لامتحان ك هو قواعد او شو وبتوقع انو اتمتة مو

وبالنسبة لامتحان المعياري اجباري او لا والاسئلة عن شو

بس اذا اكيد مافيني قدم غير بالشام او حلب لاني بعرف انو باللادقية في اختصاص قانون عام

وسمعت انو بمكتبة الانوار الي بنفق الاداب في اسئلة لامتحان اللغة الانكليزية هي الاسئلة مفيدة

بالنسبة لفحص الانكليزي 65% منو قواعد الانكليزي
وبنفق الاداب في اسئلة دورات وCD كتير منيح وبفيدك

المعياري اي اجباري والاسئلة متنوعة  يعني معلومات سابقة باالجزائي والمدني والدستوري والتجاري ودولي واداري ومالي

انا متاكد انو مافي غير بالشام وبحلب لاني انا قانون عام الا اذا السنة فتحو هنيك بس بتاكدلك 100%

عنجد شكرا كتير
بس بما انك بتعرف بدي عذبك معي شوي ماتواخذني
مثلا انا معدلي 62 وقدمت الامتحان المعياري بس علامتي ماكانت منيحة وكان بالمعدلات النهائية للماجستير  بيطلعلي شي اختصاص فيني سجل تسجيل مباشر او لا

وبدي اسألك اذا بتعرف وين بلاقي اسئلة دورات الاختبار الوطني للغة الانكليزية  واذا في اسا شي اسئلة عمومية بالانكليزية من وين
تقبل مروري واستفساراتي وشكرا

هلق بالنسبة لمعدلك مقارنة بالسنة الماضية منيح يعني يلي معدلو متل معدلك وجاب 50 من 100 بالفحص طلعلوا كل شي بس السنة الحالية رفعوا المعدلات يعني بدك تجيبي 75 على الاقل لتفوتي ماجستير بس بجوز السنة الجاية يكون متل السنة الماضية  لهيك قدمي ومو خسرانة شي واحتمال كبير يطلعلك

اي وبعد الامتحان المعياري بيجمعو علامته مع المعدل وبيقسوها ع2 وبعدها التسجيل مباشر

الاختبار الوطني تبع الوظائف بيختلف عن الاختبار تبع الماجستير الاول اسهل من التاني
الاتنين بتلاقي اسئلتهن وكل شي متعلق فيهن بنفق الاداب بالمزة
بس بكل الاحوال اذا انتي بالانكليزي عادي يعني مو كتير شاطرة بتنجحي فيه لانو انا ماكتير واخدت فيه 60

شكرا كتير يا صديقي
وباعتبار اليوم راس السنة انشالله كل عام وانت بألف خير ينعاد عليك و ع أهلك بالخير والصحة وانشالله هالسنة تحقق كل احلامك

وانتي بالف خير واي استفسار بخصوص الماجستير انا حاضر وتحت تصرفك 

اول شي كيفك
بس بدي اعرف منك بالتفصيل  شو المواد الي بدي ادرسها منشان الامتحان المعياري يعني عنا 48 مادة شو هي المواد الي بيجي منا الاسئلة
شكرا الك