يسعد مساكن أعضاء كلية الحقيوق بالمنتدى

بتمنى حدا يساعدني
اذا بيقدر يأمن كتب ومحاضرات السنة الأولى
لشخص عزيز علي.....

وان شاء الله بيرجعو بآخر السنة لصحابهن...

 

الكتب للسنة الأولى-الفصل الأول
موجودة لدي (ويشهد الله أنها جديدة كما كانت فلم أفتحها يوماً  ^_^)

وأيضاً المحاضرات للفصلين -مكتبة عرفة-
موجودة

-ولكن-
معلوماتي أنه يتم التعديل فيها من عام لآخر


عموماً
أرسل لي رقمك الجوال برسالة خاصة
ويوم الأحد بإذن الله رح أنزل ع الكلية وبحاكيك لتستلمها



ومافي داعي لترجعهم ومابدنا إلا -الدعـاء-  :)

انا انصح بشراء كتب الحقوق والاحتفاظ بها ولاسيما قانون العقوبات للدكتور عبود السراج

طيّب شو المكتبة اللي بتنصحني سجّل فيها مشان المحاضرات.

كل طالب وبيرتاح لمكتبة
                                                                                                                   
بس المتعارف بالكلية إنه -عرفة والأنوار- هم الأفضل وأثبتوا وجودهم

لك روح أخي سيف الاسلام...
الله لا يحرمنا منك...
والله يوفقك وينورلك دربك وين ما رحت....
ويسدد خطاك...
ويريك الحق ويرزقك اتباعه...

ومتل ماقالت ليلى

مظبوط لازم تشتري الكتب وتحتفظ فيهن لأنو بيفيدوك بالمستقبل وبكونوا مراجع إلك ولاسيما إذا بدّك تكون محامي أو قاضي... أنا لهلئ وبحس حالي براجع معلومات من كتب السنة الأولى وحتّى التانية...كمان في مادة قانون العقوبات اللي بيدرّسها عبود السراج مايقبل غير تدرسوها من الكتب وحتّى مابينجّح الطالب إذا مانو دارس من الكتاب لأنّو بجيب من الحواشي... يعني إذا فيك تشتري الكتب وماتستعيرون بكون أحسن

بتمنّى كون فدتك

أنا وقعت بهاد الفخ و لحشارك بالموضوع عسى إنو الباقيين ما يقعو بالفخ يلي أنا وقعت فيه .

أنا تبرعت بكتبي لطالب من عائلة فقيرة (و لا أندم على ذلك) و لكن الآن و بعد تخرجي قدمت على مفاضلة الماجستير و طلع في شي اسمه امتحان معياري ولازم تدرس الشغلات تبع السنوات السابقة كلها حتى السنة الأولى , فوقعت بوضع إنو ما عندي الكتب لأقدر راجع منها بس عم دبر حالي و عم إقرأ القوانين الكودات و بصراحة مناح يعني كلشي فهمانه من قبل مافي داعي لشرحه , استذكاره يكفي , آسف بس حبيت عرف الناس على شو عم ينتظرن =)

السلام عليكم ورحمة الله وبركاته
حواليكون شي كتاب عقوبات والله عجزونا هدول تبع المكتبة اللي بقبو الفيزيا لسا كل ما نسأل ما بنلاقي عندهون ولكم الشكر
تحياتي الطيبة

أهم كتاب لازم يكون عندك هو العقوبات لأنو بيلازم في المستقبل