اقتباس

حسب بدك ياه تاتش ولا عادي .. ؟؟ وحجمه وشكله ولونه؟

تاتش
حجم صغير
شكل بناتي
لون أزرق أو زهري

اقتباس

استخداماتك لتطبيقات الموبايل كتيرة ولا قليلة ... ؟

كتيرة

اقتباس

في ماركة معينة بتحبيها أو بتفضليها؟؟

ما بتفرق

اقتباس

وأهم أهم سؤال: أديش البادجيت يلي حاططتيه كرمال هالمشروع؟ :P

غير محدود لإنو ما رح أدفع من جيبتي


هو هدية من أخي بمناسبة تخرجي
من زمان عم يقلي نزلي نقي الموبايل اللي بدك ياه دون سقف للسعر
بس أنا مالي مقتنعة
والله ما بعرف
بحس إنو حرام حط حق موبايل ما فتح ورزق
ممكن حط هالمصاري بشي أهم أحسن
 

السلام عليكم
                                                           
أنا بالنسبة إلي الموبايل بس للمكالمات
                                                                 
ويكون عندو ذاكرة كبيرة ليحط عليها الواحد كل شي ملفات صوتية
                                               
                                           
أنا الحمد لله
هدية تخرجي كانت دفع تكاليف تسجيل النقابة
:)
                                                                     

sweetlife   

اقتباس

hope

شكراً جزيلاً عالاستفقادة ... 

بالنسبة لإلي فحيصرلنا أسبوعين مقطوع النت عنا ... فما عم أقدر أفتحو غير من الكلية

حسبنا الله ونعم الوكيل

دعولنا 

***

نور الهداية

أنا بحس أنو سامسونج أنيق كتير وفي منو ألوان حلوة

صحيح أنو مو عملي نسبةً لنوكيا ... بس هالشي بيرجع لاستخدامك ... إذا بتحتاجي برامج فهو مو مناسب ... ما عدا ذلك فهو منيح

وبتقدري تلاقي شي بسعر مناسب ... في موديلات لمس جديدة وبأحجام مختلفة 

وإن شاء الله تلاقي شي مناسب 

أوعك النوكيا والكفالات اسم عالفاضي ..
والله أنا كان عندي 5530 نوكيا تاتش اكسبريس ميوزك ومن وكالته عأسااااااس يلي طلعو مابيحترمو حالهن وحقو 11 ألف ليرة وكفالته سنة وبعد سنة وشي شهرين طفى من نص الدنيا وبحححح مع انو أنا بداريه مداراة مو بالعقل ..
وأخدته عالوكالة .. آل نعتذر عن الإصلاح وانو ما بيتصلح .. وآل لو مانو متجاوز فترة الكفالة لكانو بدلوه بواحد جديد .. وانكبو ال11 ألف ليرة عالأرض ..!!! :(
مع انو مشكلته هيي خطأ بالتصنيع وفششششل ذريع باستخدام بروسسرات حساسة لنسمة الهوا ...

بالنسبة للمواصفات يلي حطيتيها .. متل ما قالت hope ... سامسونج عملي والتاتش تبعه حراري وألوانه حلوة وبيجي معو covers .. وفي تطبيقات حلوة .. وكمان بينحط كلمة سر للتطبيق يلي بتحبيه وهي ميزة حلوة إذا ما بدك تقفلي كل الموبايل .. وحجمه ناعم وخرج بنت وحوافه مدورة ومانها حدة وقاسية ..


وأهم شي ما تنخدعي بكلمة وكالة وكفالة شو ما كانت تكون لأنو هالمفهوم عنا مانو مستخدم إلا للسوفت ويرات يلي ما بتكلفهن شي !! 

وكمان السوني اريكسون في اله موديلات حلوة .. بس ماله ألوان كتيرة .. إذا ما في سقف جيبي HD بفرد مرة 


بس لأني أنا اتعقدت من النوكيا بحياتي ما عد قرّب عليه .. والقرار بيرجع الك بالنهاية 

سؤال علمي ..... (ولو إنو بدي اقطع حديثكن)

يعني عندي مداخلة لو سمحتو



مامعتنى التأثير القابض؟؟!! وشو علاقته بالامور الهضمية؟

أحيانا بيكون قابض وملين ..... أو قابض ومعالج للاسهالات !!!!!

السلام عليكم:
بحكيلكم عن تجربتي مع موبايلي:
HTC Touch 2
هي الموبايلات بتجي نظام وندوز أو أندرويد ، كلا النظامين كتير حلوين وعمليين وبياخدوا تطبيقات كتيرة وأي شي بيخطر ببالكم.
الميزة مو بس هون الميزة اني نسيت الموبايل بالغسالة ريع ساعة مع الحرارة والمسحوق ، طالعته بعدها وأخدته على التصليح ورجع متل ما كان ولا فيو أي شي.     وما غيرت فيو ولا قطعة بس تنشيف وشطف.
عين الله عليه، يسلميلي ما بده يكلفني بحق واحد جديد.
الفكرة انو هالنوع من الموبايلات بتلقى دعك كتير، واللمس بجنن حراري لطيف جداً.
سريع كتير وفيو ميزات كتيرة حلوة غيرالأوفيس والـPDF والقواميس اللي بتحمل أي لغة ، وفي قواميس ناطقة.
كتيرمرحني هالموبايل, وهادا رأيي.
هلأ نفس نوع موبايلي ما ضل منو صار قديم بس في كتير شي حديث ومو كتير غاليين يعني بالـ 15-16 بتاخدوا شي مميز جداً بس اتأكدوا من دعمه للغة العربية ، بتلاقوا منهم عند ديجتال نت كفالة هارد ويير و سوفت ويير حقيقية.
بس ملاحظة لا حدا يشتري منهم قبل ما يشوفهم ويجربهم لأنو بجوز ما يعجبوا كل النظام هي بترجع للشخص.

المادة القابضة astringent مادة كيميائية بتعتمد غالباً عالتأثير الموضعي .. واسمها جاية من كلمة astringere اللاتينية ويلي بتعني الالئتام أو الربط السريع للأنسجة .. مثل لوشن الكالامين

أما الحس القابض Astringency .. فهو شي تاني بتسببه المادة القابضة بالفم لأنها بتربط بروتينات اللعاب ببعضها وبتخليها يترسبو أو يتكتلو وبيعطو هالشعور يلي متل الرمل أو هيك بالفم ... مثل التانينات الموجودة بالشاي ..

هلأ إذا بتسبب إمساك عند كثرتها بصراحة ما عندي جواب أكيد .. بس ما بعتقد الها علاقة بالتسبب فيه .. لنشوف شو رأي بقية الشباب بالموضوع .. :P

 

*************************************************

موبايل HTC والله من صوره باين حلو .. بس حجمه كبير نسبياً وكأنو رجالي أكتر وبمثل شي متل الpocket PC ... بس ظريف وبيعطي روزة ;) ... أنا هيك شفته

أوافق phmab  في حكيها عن الحس القابض والتأثير القابض المضاد للنزف

المواد القابضة كذلك  تسبب امساك بجرعات كبيرة نسبيا وتستخدم في معالجة الاسهال نظرا لتأثيرها على حركة الأمعاء 

مافي شي اسمو تأثير( قابض وملين معا )  لأن التأثير القابض عكس الملين أما اذا قصدك عن الراوند انو يجمع بين التأثير الملين بجرعات خفيفة  والمضاد للاسهال بجرعات عالية  فالتأثير الملين هنا  لا يعود الى المواد القابضة أما التأثير المضاد للاسهال سببه تلك  المواد القابضة الموجودة فيه

اقتباس

اقتباس

مشكلة الـI-pad وكل شي من شركة apple أنو أجهزتهم ما بتتعامل مع أي شي تابع لشركة تانية

اقتباس

وكأنو شعار هالشركة يا نحنا يا ولا حدا .. !!!! 

فعلا هالشي كتير مزعج بهدول الشركات ... يعني شو فيها اذا سهلوا شوي عالعالم!!!!!

اقتباس

بتذكر وصلة الكمبيوتر تبعو حقها فوق ال1500 ليرة

هلأ وصلة الشاحن تبعوا هي نفسها بتنوصل ع الكمبيوتر .. مابعرف اذا في وصلة خاصة تانية

بس عنجد الi-Pad متل قلتا واغلب تطبيقاتها العاب بالنادر لتلاقي شي تطبيق مفيد
يمكن الفائدة الوحيدة اللي لقيتها انو اذا بدي شي صور او ملفات برات البيت اخذ الi-Pad اسهل من حملة اللاب توب
وطبعا متل ماقلت  في مشكلة انو مو كل الملفات ممكن تنحط  :(

اقتباس

الميزة مو بس هون الميزة اني نسيت الموبايل بالغسالة ريع ساعة مع الحرارة والمسحوق ، طالعته بعدها وأخدته على التصليح ورجع متل ما كان ولا فيو أي شي

والله منيح

اقتباس

وأهم شي ما تنخدعي بكلمة وكالة وكفالة شو ما كانت تكون لأنو هالمفهوم عنا مانو مستخدم إلا للسوفت ويرات يلي ما بتكلفهن شي !! 


وأخدته عالوكالة .. آل نعتذر عن الإصلاح وانو ما بيتصلح .. وآل لو مانو متجاوز فترة الكفالة لكانو بدلوه بواحد جديد .. وانكبو ال11 ألف ليرة عالأرض ..!!! :(

عنجد لازم الواحد لما يشتري شي مايحط ببالو الكفالة ابدا
بس الكارثة بقا اذا خرب شي غرض موبايل ولا لاب توب ولاشي شغلة عدي بقى دوري ع شي محل يصلحن بضمير
اختي كان معا سوني اريكسون ومشكلتو انو من اول ماجابتو في مشكلة بالسوفت وير ورجعت رجعتو للشركة ليصلحو قام رجعولا اياه متل ماكان لاتصليح ولاشي بعد ماضل عندن 3 ايام


بالنسبة الي بحب النوكيا وHTC هدول اكتر شي بحسن عمليين وممكن يخدموا بكتير اغراض والن كتير تطبيقات وبرامج ممكن الواحد يستفيد منن
بس شكل الHTC احلى مقارنة مع النوكيا الي الو نفس المواصفات :)

اما السوني اريكسون فمستحيل اقدر افهم ع برنامجو بحسو كتير معقد
ودائما عم يكون في مشاكل بالسوفت وير تبعو مابعرف ليش؟؟
============

اقتباس

بالنسبة لإلي فحيصرلنا أسبوعين مقطوع النت عنا ... فما عم أقدر أفتحو غير من الكلية

حسبنا الله ونعم الوكيل

دعولنا

مرحبا ..
حدا عندو فكرة عن امتحان ال BORD الامريكي للصيدلة
يلي شهادتها بتمنح إجازة بالعمل بمهنة الصيدلة بأي مكان بالعالم ؟؟؟
أنو ازا بتعرف حدا مقدم الامتحان وشلون بتكون دراستو وشو الكتب
المطلوبة ...

وشكرا