أنا بتوقع أنها بتزيد

لإنو السيفبودوكسيم من زمرة السيفالوسبورينات

و إذا المريض تحسس من دواء من هالمجموعة فأكيد رح يتحسس من دوا من زمرة البنسلينات ( الاموكسيسيلين بمثالنا) و لكن العكس ليس بالضرورة صحيح دائماً

( الزمرتين من مجموعة وحدة واللي هي البيتالاكتامات)

وانا بعرف إنو نسبة الحساسية للبنسلينات اكتر من السيفالورسبورينات



ياريت إذا حكيت شي غلط حدا يصححلي

السلام عليكم

"xyz"

ما حدا انزعج من صور الحالات السريرية

بالعكس كتير مفيدين

بس يلي صار مجرد نقاش

ومتل ما قلتي

مرات بنعرف معلومات عن المرض بس ما بنعرف كيف نشخصو

فمثلاً الحمى القرمزية قارئ عنها زمان بس بالكتاب يلي قرأت فيه مو حاطين الشكل السريري للحالة

===========

على قصة المريض يلي معو التهاب زايدة

الغريب أنو بالعادة الواحد إذا بس آل آخ بطني عم يجعني

بروحو فاتحين بطنو وشايلين الزايدة وأي شي تاني بلاقوه بطريقهم

(مشان يقصو عملة)

هاد خطأ طبي واضح

بالنسبة للأطباء مافي أسهل من تشخيص الزايدة

شلون هيك صار
!!!!!

===============

phmab

أنا كمان فكرتو ديستاكلور
بس ما بين معي العيار بشكل واضح
لأنو فكرتو 125
بس كأنو في رقم "9"
يا إما الـ "1" مطعوجة معو كتير

عنجد شي بجيب العصبي

إذا فرضاً صار إلو وجود بالنقابة
أول شغلة بدي ناقش فيها هي فرض الكمبيوتر عالأطباء

يعني ما شاء الله كل واحد نازل قص عملة من ورا المعاينات

صعبة عليه يجيب كمبيوتر

وكل واحد عندو سكرتيرة قاعدة تطق حنك

تشتغل شوي بكتابة الوصفات عالكمبيوتر عنو إذا ما بيعرف هو

مع أنو في دكاترة بيعرفو يشتغلو عالكمبيوتر
وبشوفهم بيفتحو النت بالعيادة

=================
                                             
على شغلة الطفل يلي صار معو تحسس للدوا
                       
كيف هيك الدكتور بيكتب سيفالو سبورين مباشرة
                                       
طيب لسا الطفل صغير كتير
                                         
بلش معو بشي خفيف
                                           
بس هي مشكلة صرف الصادات الحيوية شائعة جداً حتى بالغرب
                                                             


قصة تانية

واحد رفيقي بقلي أنو إمو صار معها متل لطخات حمراء بتروح وبتجي من شي سنة
بلشت أول ما صارت تاخد دوا الضغط

هو كان من الARBs

قلنالو يغير الدوا بمشورة الدكتور

راح الدكتور غير الدوا لواحد تاني نفس التركيب

بحجة أنو المادة العالة هي ما بتعمل حساسية

الحساسية من السواغات

صراحة ما بعرف شو صار بعدين

هلأ الحساسية متصالبة بين البنسلينات والسيفالوسبورينات بنسبة 15% على ما اذكر فما بتخيل رح نستفيد بالتبديل بينهم وخصوصي أنو في بديل عنهم وهو "الاريترومايسين"


بالنسبة للحالة التي ذكرها زيد فممكن تكون من السواغات بعرف هيك حالات بتكون سواغات الدوا الوطني بتعمل حساسية بينما نفس الدوا بس أجنبي ما بيعمل هالشي لهيك الأطباء أوقات عم يهتموا بالسواغات الداخلة بالدواء قبل ما يوصفوه

بس صراحة ما عندي فكرة أي سواغات هي المتهمة بالحساسية 

وقتها تم التبديل بدوا تاني كمان وطني

عالأغلب رح تكون نفس السواغات بالدوايين

وما جربو يستخدمو الدوا الأجنبي
                                               
بس ممكن التبديل لدوا تاني من غير زمرة
                                                 
خصوصي أنو ارتفاع ضغط بسيط
                                           
ومافي أمراض مصاحبة

أنا قصدت بسؤالي  انو الطبيب كانت حجتو انو الدواء تقيل ومشان هيك عمل تحسس قوي يعني بالمقابل انو اذا استبدلناه بدواء أخف منه من  السيفالوسبورينات أو البنسلينات  هل يزيد احتمال حدوث الحساسية أم ينقص يعني هل هناك علاقة بين زيادة الفعالية والطيف وزيادة الحساسية  ؟؟؟ و لماذا ؟؟؟

السلام عليكم:

هلأ مشان الدوا اللي عمل حساسية...

الدكتور ما كان قصدو انو الدوا تقيل مشان هيك عمل حساسية

كان قصدو انو دوا سيفالوسبورين لطفلة عمرها أربع شهور

ماااااااااااااانها مريضة أصلاً

حرام

بس الدكتور اللي وصف الدوا قال ( مرتفعة حرارتها ... عطوها هاد الدوا إذا في أي التهاب بروح...!!!)

والدكتور التاني فحصها من راسها لساسها وما فيها أي شي

ويمكن أصلاً كان ارتفاع الحرارة بسيط بس أهلها خافوا عليها

بالمناسبة .. ممكن الأطفال ترتفع حرارتهن بدون مرض ظاهر

يعني ارتفاع حرارة عرضي مو خطير..؟؟

وما بدو غير خافض حرارة مثل الباراسيتامول

إذا حدا بيعرف ياريت يفيدنا

التحسس بعرف مالو علاقة بالجرعة

بس وقت بنعمل إختبار تحسس تحت الجلد بتكون الكمية كتير قليلة فما بصير رد فعل قوي سوى احمرار بمكان الحقن


وإذا بدلنا بنوع تاني من السيفالوسبورينات أو البنسلينات فالرد المناعي نفسو بما أنو كلهم متشاركين بحلقة البيتالاكتام

هيك بعتقد

شكرا xyz على التوضيح

لكن بغض النظر عما قصد الطبيب  مازال السؤال برسم الاجابة واللي بيجاوب عليه الو من عندي +10 تقييمات

شكر للجميع

السلام عليكم

هلأ أنا بعرف إنو مثلا البنسيللين هو أكثر البنسيلينات فعالية وباقي مشتقاته هي أوسع منو طيفا لكن أقل منو فعالية لذلك منحتاج نزيد الجرعة تبعها عنو..... يعني ممكن ننطلق من هالفكرة بالتفكير ولا مالها علاقة بالجواب.... يعني هل من الممكن تكون الحساسية مثلا متناسبة عكسا مع الفعالية (هذا مجرد تخمين)...

شكرا عالمناقشات الرائعة يلي مرقت...

السلام عليكم:

مشان سؤالك مراقب أدوية...

هلأ البنسلين بسبب الحساسية بسبب مستقلباتو ( حمض البنسيلينيك)

والسيفالوسبورينات بتشترك مع البنسلينات بحمض امينو 6 بنسيلينيك

يعني بتصور انو الحساسية يلي بيعملها البنسلين كمان بيعملها السيفالوسبورين

ومعروف انو يلي بيتحسس ع البنسلين بيعطوه كبديل عنو اريترومايسين لأنو إلو نفس طيف البنسلين بس ما بسبب حساسية

بس أكيد أكيد ما هاد هو الجواب يلي انت بدك ياه

إلا ما يكون القصة فيها شي نكشة من نكشاتك الكيميائية...