حقيقة ماجرى يوم الخميس في جامعة دمشق كلية العمارة:

عندما دخل الطلاب إلى الكلية وجدوا علم طويل يصل طوله لل6 أمتار يتوسطه صورة لبشار الأسد قد تم تعليقه في البهو
فأبدا بعض الطلاب استيائهم من هذه الصورة و اجتمع بحدود ال20 طالب وطالبة وذهبوا إلى الهيئة الإدارية وطلبوا منهم إزالة العلم أو الصورة التي توجد عليه ولكن الهيئة الإدارية رفضت و بشدة، فاعترض الطلاب وأخبروا الهيئة أنهم إذا أرادوا ترك الصورة فسيضعوا علم آخر بجانب العلم الأول وعليه شعار المجلس الوطني يمثلني واحتدت المناقشة بين الطلاب والهيئة وزاد عدد الطلاب المحتجين ليصل ل50 طالب وطالبة يطالبون بإنزال العلم،عندها جاء عميد الكلية و أخذ 3 طلاب إلى غرفته مندوبين عن الطلاب المحتجين وبدأت المناقشات بين العميد والطلاب وطلب العميد مهلة يومين ليحل المشكلة ولكن أحد الطلاب احتد وطالب بالحل الفوري فطلب منه العميد التزام الهدوء منعاً من أن تتفاقم الأمور،ومن ثم خرج مندوبي الطلاب من مكتب العميد و طلبوا من جميع المحتجين أن يذهبوا إلى منازلهم خوفاً من أن يأتي الأمن.
في أثناء تواجد الطلاب لدى العميد دخل أكثر من 60 شبيح من طلاب الاتحاد الوطني وانتشرو في الكلية،وأخذ بعض الطلاب يرشدونهم إلى الذين احتجوا فقام الشبيحة بملاحقتهم بغية الامساك بهم وهم يخرجون من باب الكلية، فأمسكوا بشابين عند الباب الجامعي وأنهالوا عليهم بالضرب المبرح حتى نزفت دمائهم و كُسر أنف أحد الشباب، كل هذا يحصل على مرأى من الجميع.
وبعد ذلك تم حبس الشابين في محرس الجامعة،وعاد الشبيحة إلى داخل الجامعة وآثار الدماء عليهم وقاموا بتهديد طلاب العمارة بشكل مباشروقالوا: (مين هون طالب عمارة .. و الله أنتو طلاب العمارة يا ويلكن منا والله لتندموا).
و آخيراً جاء العميد والدكاترة وقاموا بصرف جميع الشبيحة وطلبوا من الطلاب الذين ليس لديهم محاضرات بالذهاب إلى منازلهم.
ولكن الأمن والشبيحة والجيش بقيوا مستنفربن خارج الكلية خوفاً من أي تحرك أو مظاهرة.

وهذه صورة للعلم الذي احتج عليه الطلاب.

والله ’’خايفة يامايسترو يجي شي شبيح لياخدك لانك بينت الحقيقة او نزلت هالخبر...




والله أنا ماسمعت بالقصة إلا هون بس بصدقها لإنو سبق وصار عنا مشكلة بالعلوم ولهلأ مازال التدقيق شغال ومغضوب علينا نحنا مجرد انك تقول علوم...هه



يسلمو عالموضوع.."

                     

كلابٌ تتطاول على كرام !

اي انا ماعم جادل واحكي بلسياسة لحتا يجي شي شبيح ويسفرني لعند خالتي

كل القصة صار خلاف ع العلم الي يتوسطه نجمتين خضر مو صورة رسمية

إن كانت صورة الرئيس أو صورة المجلس الانتقالي

الموضوع للاطلاع وليس للجدل لحتا يتسكر

أخي العزير مايسترو
شكرا عل الايضاح و هذا بالفعل ما تناهى الى أسماعنا
نحن جميعا صرنا نعرف سلوك هؤلاء
" الشبيحة "
و تعديهم وقطهم لدابر الحق
ومنعهم للتجمعات أو التظاهرات
بشكل عنصري وبخاصة للمثقفين
وعلى فكره انتشر هؤلاء أمام العديد
من الكليات لمنع الطلاب من التجمعات
كان في ست باصات خضر نقل داخلي
أمام كلية الهمك من ناحية النفق
وهم يصولون و يجولون للفت الانتباه
سلام ..

هي الاصلاحات المرجوة  وين المنحبكية يتفضلوا يعلقوا ولا القط أكل لسانون ؟؟؟؟؟؟؟؟؟؟؟

طلعت مظاهرة بكليتنا بالصيف 

وعينكون تشوف الكاميرات اللي تركبت من بعدها بالكلية 

طيب الكلية عندها ميزانية للكاميرات وما عندها ميزانية تركب برادات مي 

وشبيحة الطلبة مانا نسيانيهون كلوا دين وإنشالله بدو يتسدد بالمستقبل القريب

في data base عم نعملها حاليا للعوانية ولشبيحة الهيئة والاتحاد كلوا مسجل لا تخافوا مانا نسيانيين حدا 

وإن غدا لناظره لقريب 

أولا شكرا لك مايسترو عالتوضيح ....
تانيا والله الواحد ما بيعرف شو بدو يحكي ومين بدو يلوم....
أحسن شي ما يحكي شي ويخلي شكوتو لربو لأنو الشكوى لغير الله مذلة متل ما صار بالطلاب لما شكوا للعميد..(قال عميد حسيتو متل بشار قال بدو يومين ليحل المشكلة )آآآآآآآه
ياربي طال الحال وسئمنا الانتظار فعجل بنصرنا  على بشار فإننا خلقنا أحرار ولن نرضى أن نكون إلا كما خلقتنا ....

حزير والله هلا تذكرت سمعت والله انو في كان مداهمات بالشام..ومن هالحكي صاروا يفوتو على محلات كمان
والله تاري في قصة
كنت زررتها للعمارة الله يصلحني

اي بعرف انو الموضوع للاطلاع مو للجدل شو حكيت غير هيك

بس بالفعل ليش هيك عم يصير ؟؟؟

شو حكو
يعني السؤال ؟
واحد بيحكي ما بيلتم عليه واحد لاء بيلتم عليه عشرة يعني بيجو عالريحة كيف شلون بتلاقي فوق راسك عشر زلم ما بتعرف ؟؟؟!!!!!!!!!!!!!!!


عجب !!


                         

شكرا للموضوع

والله يحميكن

ياريتنا هنيك معكن خلي هالناس تشوف الحقيقة بقا ملينا تعفيس وقمع