مرحبا يا شباب وصبايا
عم حكيكن مباشرتا من الجامعة يعني شاهد عيان من الجامعة من قلب الحدث
وأخيرا سجلت لدبلوم وما كان في عجقة الحمدالله لأنو ما كان في ولاطالب ماجستير يعني وصلت عالجامعة وكانت الساعة 10ونصف وكان قدامي شي 10طلاب بس كان في بنات كتير عالدور
ادعولي فدعوى مستجابة اليوم مشان يطلعي دبلوم
عفكرة بكرى كمان فاتحين مشان تسجيل لدبلوم
وصحيح ليش ماحدا اجى اليوم مشان العزيمة عالفول اكلت لحالي والله

سامي فعلاً أنا آسفة كتير اني سكرت قبل ما شوف ردك بس كنت نعسانة كتييييير واليوم كان لازم روح بكير مشان لحق دور عالدبلوم....... وأخييييرا سجلت على دبلوم الترجمة صحيح كان في عجقة متل ما عم يقول محمد.. بس كان في طلاب اتحاد الطلبة عم يعطوا كل طالب دوره ورقمه ومشي حالي.....


أنا كمان مالي شايفة جماهير متحمسة أبداً..  بس فكرتك حلوة كتير بتحب نحطهم بهذا الموضوع ولا بموضوع لحالو منفصل؟؟؟؟  هلأ انا من جهتي غيرت رأيي من شان ماجستير التخصص وشلتو من بالي نهائياً بس مستعدة ساعد الطلاب وحطلهم كل اللي ممكن يفيدهم ومن عيوني والله اليوم قبل بكرا ومنلحق بإذن الله
وبانتظار ردك

محمد

منيح كمان اللي سجلت وألف مبروك وإن شاء الله بتشوف النجاح على وجه هالبطاقة اللي عطونا ياها..

بس منشان الفول ما دريت؟ أكلنا صحنا لحالنا لانو الفولات اللي بتجيبهم أنت مو ظراف عكس الفولات اللي أنا بجيبهم...  وبعدين احنا ما منقط على ملابسنا بس ناكل ... مو متلك... يا عيبك
يا جماعة والله شهيتوني الفول مع الحمص اللي مغرق بزيت الزيتون وجنبو ليمونتين ومخلل بدي فوووووول

يعني معقول يا شباب هيك بتعملوا
الواحد بيسأل عن الاوراق المطلوبة مشان دبلوم الترجمة بتقوموا بتجاوبوا غلط
طب عالاقل احكوا انو في وراق لازم تنجاب من الحقوق
و كلامي مو جة ل rosebud
اذا ما بتعرفوا الجواب لا تجاوبوا و انتهينا
بس مو تحكوا غلط
عيب قلة زوق هي اسما

وانا كمااااااااااااااااااااااان سجلت واخيراااااااااا :) :) :)
شكرا رووووز عالمعلومات يلي نزلتيها .... وسامي حاجة تاكل فول ماخليت شي بالصحن ;) ;) P:  >>>  وعلى سيرة المعهد العالي للترجمة نزلت اليوم عملت فحص مشان سجل ترجمة مالية كتير عالم نصحوني فيها وخصوصي بمجال الشغل كتير بتفيدنا نحنا طلاب الادب انكليزي .......
هلأ سؤال جانبي على علمكم المواد تبع دبلوم الترجمة الهن محاضرات متل مودانا يلي درسناها ولا كيف بتكون الدراسة ؟؟ و الفحوصة مأتمتة ولا تقليدي ؟ وعلى علمكم اديه بتاخد وقت المفاضلة ؟؟ وايمتى تقريبا منداوم (اذا انقبلنا انشالله )؟؟؟ لعيتلكن البكن ما ........ بس هيك اسئلة استطلاع وتهيئة نفسية مو اكتر ...
موفقيييييييييين ياااااااااااارب

السلام عليكم

شباب سمعنا انو مددو التسجيل ليوم الاربعاء 12-10-2011

صحيح هذا الشي؟

مراحب للجميع انشالله الكل بصحة جيدة أول شي ليش يا روز شلتي الماجستير تبع المعهد من بالك يعني بركي ما طلعلك بالدبلوم مشان ما يروح عليكي مو اكتر بس

بالنسبة للمعلومات يلي ممكن نحطها بموضوع واحد هلئ انا مالي شايف الشبيبة متعطلة على المعهد و كل همها هو الدبلوم مع اني مالي معلق عليه أهمية زيادة وانا رأيي تعملو نفس الشي لاني مجرب حالي بالدبلوم قبل هل المرة و هل الشي بيتعلق بالمعدل بالدرجة الأولى .

أما بالنسبة للمعهد صحي الامتحان صعب بس مو مستحيل ننجح فيه و أنا واثق انو الشبيبة الموجودين معنا هون عندن الامكانيات الكافية للنجاح بفحص القبول و اذا يعني في امتحان شفوي وكتابي بالنسبة الي مالي خسران شي و يمكن يكون الفحص مجرد تحدي هل يا ترى بنجح فيه اولا على كل على الله أحسن شي .

مرة تانية انا جاهز بالخدمة دائما و اي مشروغع لخدمة الجماهير انا جاهز باذن الله .

نوشا

من شان أسألتك والله ما عرفت جاوب غير على واحد  انو نتائج المفاضلة بدها شهر لتطلع وأكيد الدوام حيكون بعد شهر اذا هيك

سامي

رح حاول فكر بالقصة مرة تانية وبشوف وفعلاً ممكن يكون تحدي والواحد بيختبر معلوماتو... بس المشكلة انو بعيد كتيروصاير بآخر الدنيا... واذا ما طلعلي دبلوم خلص ببدأ بدور على شغل واللي الله بيسره أحسن شي

mnabout

قصدك عالدبلوم ولا عالماجستير؟ اذا عالماجستير التسجيل بخلص يوم الأربعاء... بس الدبلوم والله ما بعرف

شكرا Rosebud  

قصدي عن الدبلوم

Yellow

  انا بعترض على حكيك لانو البنت عملت يلي عليها لتساعد الكل وبالنسبة لقصة الوراق المطلوبة ليش شو الغلط فيهن ؟؟ !!!!! وانا جبت نفسهن وقدمتهن وماصار معي مشاكل ......