بسم الله الرحمن الرحيم

بتمنى من كل طالب داوم أو مادوام السنة الماضية بالماجستير يفيدنا بشرح موجز عن أختصاصوا .

وخاصة قسم وخاصة التقانة والأدارة والجيوتكنيك

لانوا بكرا أخر يوم للتسجيل


وسؤال تاني منلحق نسجل بيوم واحد ولا لا

السلام عليكم,,
سأجيب عن السؤال التاني واترك الاول للمختصين

فقط ورقة غير موظف ان كان كذلك او موافقة الجهة العاملة ان كان موظف بدها وقت بتاخد يوم بالبريد    من الاعداد المتقدمة

أما التسجيل مابدوا ربع ساعة


الأوراق المطلوبة للتسجيل لمفاضلة الماجستير



1-  الطلب يأخذ من ديوان شؤون الطلاب في الكلية (الطابق الأرضي).أو من الحقوق

2- صورة عن الهوية الشخصية (جواز سفر للطلاب غير السوريين ).

3- صورة عن مصدقة التخرج مصدقة أصولا أو بيان بالمعدل مصدق أصولا.

4- وثيقة نجاح بامتحان اللغة.

5- موافقة الجهة التي يعمل لديها في حال كان موظفاً.

6- ورقة غير موظف في حال كان غير موظف.

ملاحظة (على جميع الطلاب عدم شطب أو تغيير أي رغبة بعد كتابتها على بطاقة المفاضلة).

انا نسيم أبو حمود
اختصاصي جيوتكنيك
انا السنة الماضية كنت سنة اولى ماجستير
اختصاص الجيوتكنيك حلو وممتع وبيحكي عن الترب بشكل عام والتاسيس عليها والتجارب على الترب ومشاكلها

هايدي

شكراً ألك بس لسه  أكيد ورقة غير موظف مطوبة هلاً لانوا ماطالعتا وبكرا أخر يوم


naseem...

شكرأ ألك الجيوتكنيك مطروع على طاولة الحوار

بسم الله الموفق

أولا بعون الله بتلحق بيوم واحد وشغلة بسيطة
اشتري الطلب من الكشك يلي (مقابيل حلويات الرازي -بجانب وكالة سانا بالحقوق )
وعبيه فقط و فقط وبوجهك عل الكلية 

سألت دكتور من الادارة حول اختصاص التقانة فأخبرني بأنه
باللغة الانكليزية - كل فصل لحال - حوالي الأربع مواد بكل فصل - شبيه جدا باختصاص الادارة بالنسبة إلي أنا ما ....

و أنا بشكرك  hamas_lover  على فتح هذا الموضوع
وبوجه سؤال للأخوة يلي كانوا موظفين ويداوموا بالماجستير  شلون دبروا حالون
و عن طبيعة الدوام و قوانينو
و هل فعلا في كتير تشدد
و شلون يعني سبع مواد طول السنة

مع جزيل الشكر

السلام عليكم ورحمة الله وبركاته


بالنسبة لقسم الإنشائي فهو سبع مواد

أول مادة رح أبدا فيها التصميم بمعونة الحاسب وهي مادة سهلة جدا وحلوة ومفيدة أول المنهاج لمحة عن الكمبيوتر والأنترنت وبعدها بيبدا الدكتور بقواعد المعطيات وبيدخل بتعليمة واحدة هي الأكثر إفادة بالمنهاج بتاخد شي أربع خمس محاضرات

الدكتور كان بدو يسافر فاختصر المنهاج  الأسئلة كانت سهلة ونسبة النجاح مية بالمية
بقصد أنو اليوم نزلت العلامات وكانت نسبة النجاح مية بالمية

المادة الثانية طرائق البحث العلمي الدكتور ساطع بدو متلوا متل الدكتور عبد السلام زيدان الاثنين قمة في كل شيء وحبابين وفهمانين

بهالمادة لازم نتعلم آلية البحث مقومات البحث  العلمي - صفات الباحث وغيرها من المواضيع الي بتخدم السنة التانية للرسالةوهي مادة نظري مارح قول أنو صعبة ولكن وقت درستها فهي مادة نظرية وبالتالي نظريا صعبة ولكن وقت الامتحان أجا مالايقل عن 45 علامة استنتاجية يعني شو عنوان البحث الي حابب تاخدوا كيف وصلت للعنوان يعني قصص سهلة بتصور الي حضران وعندو فكرة بيقدر يجاوب ونسبة النجاح بهالمادة مية بالمية


المادة الثالثة ديناميك المنشآت الدكتور سمارة-الدكتور صادق مادة مفيدة جدا بالنسبة الي انعادت مرة تانية لأني أخدتها بالسنة الخامسة طبعا مو كلها بس قسم كبير منها المادة رائعة وهي ذروة سنام الانشاءات (مقولة للدكتور سمارة)


طبعا هالمديح السابق ما بيعني أنو رح تفوت على جنة بالماجيستير
الماجيستير بشكل عام هو دون الطموح ولا تتجاوز نسبة الافادة 20 بالمية



المادة الرابعة الخرسانة
بعدين بعطي رأيي فيها

المادة الخامسة هي  مرونة ولدونة
قسم الدكتور ابراهيم عطية اللدونة
الدكتور عفيف رحمة المرونة

المادة السادسة رياضيات متقدمة
الدكتور مأمون حموش الدكتور نزيه ايلوش
المنهاج هو عناصر محدودة

المادة السابعة معدنية متقدمة

قسم الدكتور مؤيد صبح جسور معدنية
الدكتور محمد درويش عطانا نظام
sts
الدكتور بشار سلهب عطانا الحماية من الحريق

الاخت كيوي على حسب ما قالت انها سجلت بدونها اليوم


بالفعل مافي داعي للورقة مؤقتا طبعا

لأنو رح تقدم عالماجيستير ومابتعرف حالك نجحت ولا لأ يعني القصة اتعقدت شوي
هاد الحكي بالنسبة لوثيقة اللغة فمافي مشكلة اذا تأخرت بغير الموظف شوي






يلي كانوا موظفين ويداوموا بالماجستير شلون دبروا حالون و عن طبيعة الدوام و قوانينو و هل فعلا في كتير تشدد و شلون يعني سبع مواد طول السنة مع جزيل الشكر




أول شي للمتخرجين حديثا الوظيفة بتطول أنا بذكر أني بلشت بآخر شهر خمسة يعني بآخر أيام الدوام وقت العملي أخدت إجازات شوي وبنفس الوقت كانت الامتحانات بعد ال 3 فمشي الحال

بالنسبة لسبع مواد مالي شايف مشكلة  أصلا الحجم مو كتير كبير صحيح على فصلين بس كتير أحيان بتلتغى المحاضرة يعني بالأخير المادة ممكن تكون شي عشرين محاضرة طبعا في استثناءات بالزيادة

يعني الدكاترة كانت تلغي المحاضرة وبالأخير بيقلك الدكتور مالحقت أعطيكم

الله يسلم هالديات لكل يلي جاوب eng-mhmood - هايدي -خـالد صـادق

سؤال أخير للأخ خالد صادق

الرسالة بالماجستير الأنشائي معقدة شيء يعني المواد شو ما كانت ممكن ننفد فيها بس الرسالة شو وضعها

وشكراً مرة تانية

السلام عليكم ورحمة الله وبركاته

اتوقع على العكس تماما الإنشائي سهل من حيث الرسالة أما باقي الأقسام فأصعب نتيجة لتوسع مواضيع الإنشائي

والله أعلم ...بالتوفيق