السلام عليكم ....
شكرا" لكل من شجع الفكرة ولكل من يريد المساهمة بها...
هلأ بالنسبة للمحاضرات فيما اذا كانت مجهود شخصي أو لأ
فهي بالتأكيد مجهود شخصي للأسباب يلي ذكرتوها بالدرجة الأولى.... وإنشاالله رح نبدأ من أول يوم ....
أما عن سؤالك أخ عبود فأنا بالأول كنت مفكرة أكتبن لوحدي بس كونه في متطوعين من السنة التانية فهاد الشي رح يساعد أكتر يعني هلأ كل واحد فينا بيركز على مواد معينة وأكيد النتيجة رح تكون أفضل اذا كان العمل جماعي _ فيد الله مع الجماعة _
بس بدي رجاء من كل متطوع الإنتباه لمسألة ضرورة تنزيل المحاضرات كل يوم بيومه لإيصال أكبر قدر ممكن من الفائدة بوقتها....
ومشان باقي السنين بتمنى من يلي بيدعموا الفكرة يساعدونا لإيجاد متطوعين من السنة الرابعة والتالتة...
أما بالنسبة للسنة الأولى بدنا نستنى ليركز وضعن ويستقروا أكتر  وإلا ما نلاقي متطوعين إنشالله

 تحياتي للجميع وأي سؤال أنا بالخدمة.......

لمحاضرات السنة التانية صار عنا 4 متطوعين

    LAMA

ABOOD

MEMO TEC

SPRING ANGEL يعني أنا
وبالسنة التانية عنا 6 مواد على ما أذكر فإذا بعدكن مستعدين جميعا" خبروني لنقسم المواد علينا.....

السلام عليكم

صديقتي spring angel

أنا ممكن اكتب مادة عملي ومادة نظري إن شاء الله

بس لنتعرف شوي عالمواد منتفق إن شاء الله

السلام عليكم
شو مشان ما عم لائي متطوعين من السنة الثالثه .. وين طلاب السنة الثالثة .. رح يكتمل عدد طلاب السنة التانية  _بلا حسد _ .. 
خلينا نتفق بس يكتمل المشروع ..
1-  كل مادة ولكل سنة من يستلمها كتابه وتنزيلها في الموقع
2- ومتى يتم تنزيلها .. وياريت تكون اول باول
3-  والاهم انو يكون الالتزام ضروري حتى نهاية الفصل وما حدا يقطعنا
. .
.
.
جزاكم الله كل خير 

السلام عليكم ورحمة الله

كان معناها من الأول لازم نشط الموضوع لأنو مثل ما لاحظتو أنو كان رح ينسو

BeNt MaDr!d

LAMA*

memo tec

spring angel

شكرا لكم على التفاعل مع الموضوع من جديد

شايف أنا أنو طلاب السنة الثالة لسا مترددين لذلك منتمنى أنو يكون في تفاعل أكتر وكما سبق وبينت أنو المشروع بسيط جدا وما بيكلفك شيء من وقتك

أما طلاب السنة الرابعة لسا نايمين
ياريت كمان أنو حدا منهم يتفاعل مع الموضوع

                         

بالنسبة لتساؤلاتكم عن المحاضرات وطريقة الكتابة
المحاضرات أولا رح تكون مجهود شخصي حصرا وذلك للأسباب :
1- المحاضرات بالمكاتب فيها مشاكل كتيرة من أخطاء ونقص وما إلى ذلك
2- المحاضرات بالمكاتب يمنع نشرها غير بالمكتبات صاحبة المحاضرات
يعني إلي صديق بالتعليم المفتوح باللذقية السنة الماضية نزلو محاضرات المكاتب على منتداهم مما أدى إلى مشاكل مع أصحاب المشاكل وبالنهاية تم التفاوض مع صاحب المنتدى وتم حذف جميع المحاضرات
على شان هيك نحنا رح نكتب المحاضرات وما حدا إلو عنا شيء

وبالنسبة إلى فكرة الاستعانة بالمحاضرات فهذا يؤدي إلى تأخر المحاضرات على المنتدى
ونحنا مثل ما قلنا المحاضرات كل يوم بيومه

spring angel بالنسبة للمحاضرات أنا لا حظت أنو كنتي عم تفكري بكتابة المحاضرات لحالك
هاد الأمر صعب شوي ولا يكلف الله نفسا إلا وسعها
نحنا السنة الثانية بدنا متطوعين اثنين وبيكتمل النصاب وهيك كل واحد بيكتب مادة

بس كمان حابب ضيف فكرة شو رأيكن فيها

الفكرة أنو اللي رح يكتب مادة من المواد ياريت أنو ينتبه من الأخطاء سعني ما بدنا أخطاء بامحاضرات أبدا
وبما أننا لسنا ملائكة والخطأ وارد بتمنى من كل واحد رح يكتب يكون معو حدا من رفقاتو يساعدو في التدقيق لأنو أكيد رح ينظر من زاوية غير التي تنظر أنت منها
الفكرة هذه عندي أهم من فكرة كتابة المحاضرات نفسها لأنو ممكن أنو كتير طلاب تدرس من المحاضرات وبالتالي ما بدنا نضيعهم بالأخطاء
يعني بدنا نعتبر أنو الطلاب صارو على مسؤوليتنا

بانتظار أي إقتراح أو فكرة جديدة ممكن أنو تساعدنا

دمتم بأمان

انا كان استفساري من ناحيه انو المحاضره نزلها يوم الخميس مشان اضمن انها تكون تامه واضحه و تخلو من اي نقص يعني لما ترجع ع البيت الساعه 8و نص يمكن رح تكون تعبان و ما تقدر تحط كل جهدك بالمحاضره وتغفل بعضها مشان تقدر تلحق تحطها ع المنتدى و انتو زي ما بتعرفوا بالذات دوام التانيه بيجي المسا اما اذا صعب كتير يوم الخميس فاذا اخدنا اليوم المحاضره فبكرا بتكون نازله بس شغلة كل يوم بيومه مو صعبه شوي ؟؟؟
و ع كل حال الشي يلي بتعتمدوه فانا جاهزه إلو و حاضره بس حبيت افتح هل موضوع قبل ما نبدا محاضرات...
مع احترامي للجميع
دمتم برعايه الله
^إ_^

memo tec
كما سبق وذكرت أنو لا يكلف الله نفسا إلا وسعها
لذلك المحاضرة إذا ما نزلت بنفس اليوم تاني يوم الصبح ما في مشكلة برأيي
وبانتظار آراء بقية الأعضاء والمتطوعين
بس أنا كمان أكدت على ضرورة تدقيق المحاضرات قبل تنزيلها على الموقع لذلك إذا كان السرعة في تنزيل المحاضرات يؤثر على المحاضرات فلا داعي لها

لدي فكرة هنا تطرح نفسها
شو رأيكم أنو ولو كان في مجال لتنزيل المحاضرات [ثاني يوم أو الثالث على الأكثر ]
بانتظار الإقتراحات لنحقق الأفضل

السلام عليكم
ABOOD 1993
memo tec

زملائي ..
متل ما زكرتو وهاد تنووويه مهم جدا جدا ..
ما بدنا اخطاء ولو ما كنا ملائكة .. بس بجد انا عانيت من مشكلة اخطاء  محاضرات كنت اشتريها و فعلا معاناة ما بعدها معاناة .. خصوصا بالنسبة للطلاب الي عم يستفيدوا من مشروع المحاضرات او الطلاب نفسن الي عم يكتبوا المحاضرة
ورح حاول .. شخصيا .. ونحاول معا انو ما نخطأ بـ إذن الله
..

)*( .. اذا ما اكتمل عدد الطلاب .. شو ممكن نعمل ..؟؟
انا بقترح انو نحنا نفسنا الي عم نكتب مادة او مادتين .. نكتب باول اسبوع المحاضرات للمواد الي ما وجدنا متطوعين الها .. اصلن ما رح نتعزب كتير .. الى ان نجد  متطوعين ..