رد مشاركة : تعوا نلازم كلنا سوا.... 21-09-2011 07:07 PM
السلام عليكم
الحالات الجلدية كتير صعبة
مبارح إجا مريض كبير بالعمر طلع فجأة على إيدو (الذراع) بقعة لونها على خمري ... وقال ما في شي سبب لهالشي ... بس ما بينت مع الصيدلانية شو هي
كمان اليوم إجت أم جايبة طفلة عمرها تقريباً سنتين
صاير معها طفح (بالذات عند الساقين) حب وفي منها إلها رأس أبيض ... ومناطق أكتر من مناطق
سألناها إذا آكلة شي أو عم ترضع أو .... قالت لأ
بعدين سألتها الصيدلانية أنو عندها شي التهاب؟ قام طلع بمنطقة الفم كتير في التهاب (بيسموها حمو) ... فقالتلها تاخدها عالطبيب ليشوفها
بس لازم يكون عنا معلومات عن هالحالات ...
***
في حالة حابة أحكيها (لعل وعسى يوصل صوتنا للأطباء) لأنو حرام اللي عم يصير
في مريضة أجت بدها نوركولوت لشركة آسيا ... فسألت الصيدلانية أنو لـ3 أشهر كم علبة لازمها؟ قالتلها ليش عم تاخديها هيك؟ قالتلها الدكتورة كتبتلتي الوصفة وقالتلي لـ3 أشهر
فهي إلها شهر عم تاخد حبة صباحاً وحبة مساءً ... وطبعاً هاد غلط عالأقل حسب اللي هي بدها تعالجو (بدها تعمل تنظيم) ... يعني لازم بأوقات معينة توقف وبأوقات معينة تاخد
قعدت الصيدلانية شرحتلها ... وقالتلها كل ما خلصت فترة تعي لعندي لأحسبلك الفترة التانية ... لولا هيك كانت المريضة حتاخد باستمرار الدوا لمدة 3 أشهر
يعني السؤال ... شو بيخسرو "بعض" الأطباء إذا حكو كم كلمة زيادة
مثلاً هالمريضة لا بتعرف تقرأ ولا تكتب ... ولا عندها علم بهالدوا
ما هيك كانو أطباء أيام زمان ...
وبيقولو المرضى ليش ما عم نطيب عالدوا ...!
وفي حالات لو رجعو عالطبيب بيقوم بيقلهم إي الصيدلي بيكون صرفلكم الدوا غلط!
طبعاً مو كل الأطباء هيك ... بس صار مارق علي كتير حالات هيك... الله يهديهم ويهدينا لأنو كمان مهنتنا دخلها أغلاط كتير
إنما أنت أيام ... فإذا ذهب يومك فقد ذهب بعضك ويوشك إذا ذهب البعض ... أن يذهب الكل *** الواقع الأليم خيرٌ من الوهم المريح!
أنت غير مسجل لدينا.. يمكنك التسجيل الآن.
|