نسيت الوصفة 

السلام عليكم

في دوا ليونيفارما اسمو Lioton مكتوب عندي بدفتر الملازمة إنو هو جل مضاد للتخثر... هي ما كثير انعربت معي... ليش ممكن نستخدم مضاد التخثر على شكل جل....؟؟؟

سلام ... سألتلك عن كم شغلة تذكرتها

أول شي ما في حب غليسيرين .... في يا سائل يا تحاميل

تاني شي مشان السودة مضارها أكتر من نفعها لأنها كتلة من الكوليسترول ... وإذا مشان فقر الدم فالعدس أغنى منها بالحديد

تالت شي قرأت سؤال عن اليود (طبعاً نسيت الاسم اللي ذكرتو) بس اللي تذكرتو أنو هل يؤخذ داخلياً؟ طلع إي بياخدو كانو نقط مشان الغدة الدرقية

تبع حاجب بيتا ما عرفت شو كان السؤال ... وتبع العد الوردي نسيت الأسم وقلت بلا ما خبص في

***

بالنسبة للوصفة ما بينو معي كتير لأنو ما بعرف إذا الدكتور آكل كم حرف بالأخير ولا أسم الدوا هيك ... بس يمكن:

- روسيفلكس 1غ - فيال - العدد 2 - ابرة كل 12 ساعة عضلياً

يستخدم للالتهاب

- أوغمنتين 1000 - علبة الـ6 حبات - حبة كل 12 ساعة

كمان مضاد التهاب

- ديكلون ما فهمت شو اللي جنبها 

يستخدم مسكن ألم

- أخر وحدة ما عرفتها لأنو شكلها ما مارقة معي    - بس حبة كل 12 ساعة مع الطعام

السلام عليكم

يسلمو كثير أسيل عزبناكي....

بس كم تعليق هلأ مشان الغليسيرين كانت golden pill عم تقول إنو سمعت إنو نزلو من جديد عالسوق حب غليسيرين.. فكان بدها تتأكد من هالمعلومة... وهلأ انتي نفيتها... هي خلصنا منها...

مشان السودة كان بدنا ندور إنو الكبد هو مصفاية الجسم من السموم يلي فيه... فهل نحنا لما عم ناكلها عم ناكل هالسموم....؟؟؟ بس جديدة هي تبع الكوليسترول... منيح يلي نبهتينا عليها.. يعني يلي مرتفع عندو الكوليسترول ما في ياكلها...

مشان اليود... كان قصدنا هل الروبالفكس يحوي يود لما لاء...؟؟ يا ريت إذا فيكي تتأكديلنا ومشكورة..

مشان حاجب بيتا سألت golden pillإنو مريض قلها بدو المادة الفعالة cereoprolol وهي ما حدا سمعان فيها بعمرو... فبظن الزلمة مخربط...

مشان العد الوردي لقت xyz الجواب ومشي الحال.....

شكرا كثييييييير

السلام عليكم

الصيدلية يلي قاعد فيها الحمد لله كل الوصفات مكتوبة بخط منيح
حتى طريقة الإعطاء واضحة

بس شغلة حفظ الأدوية ذكرتني بحفظ اللاتيني بالعقاقير
^_^


===============

لوتيون هاد هيبارين جل

مرة كمان نفس الشي استغربت شلون جل مضاد تخثر

هو بيندهن على المنطقة المصابة برض مثلاً

وبصير امتصاصي بسيط موضعي

إلو آلية كبح العوامل الالتهابية بارتباطها بالهيبارين
                             
ما بعرف إذا كمان بيمنع تشكيل خثرة ضمن الأوعية
                               
ما شفتو بالصيدلية، بركي بعدين بدوّر عليه وبقرأ الوصفة

http://www.unipharma-sy.com/ProdView.aspx?ItemId=87
                                                                                   
                                                           
                               

السلام عليكم

[[مشان السودة كان بدنا ندور إنو الكبد هو مصفاية الجسم من السموم يلي فيه... فهل نحنا لما عم ناكلها عم ناكل هالسموم....؟؟؟]]

ما بعتقد أنو رح تنتقل السموم عبر أكلو
                                                           
لأنو هو بيستقلب هي السموم لشكل آخر وبيطرحها خارج الجسم
                                                                                   
إلا طبعاً إذا الحيوان كان آكل شي مادة بتتراكم بالكبد متل الأفلاتوكسينات

حاكم الأفلاتوكسينات حتى لو استقلبت بتصير أكثر سمية
                                                                                         

http://drttorki.wordpress.com/2010/06/06/%D8%B9%D9%84%D8%A7%D8%AC-%D9%85%D9%87%D9%85%D8%A7%D8%B2-%D8%A7%D9%84%D8%B9%D9%82%D8%A8-%D8%A7%D9%84%D9%85%D8%B3%D9%85%D8%A7%D8%B1-%D8%A7%D9%84%D8%B9%D8%B8%D9%85%D9%89-%D9%85%D8%B3%D9%85%D8%A7%D8%B1/
                                                                                                       
                                                                                                 
                                                             

السلام عليكم

شكرا عالإجابة... طلع للدوالي والتهاب الوريد الخثري... إذا هيك معقولة...

السلام عليكم:

شوفو هالوصفة ثالث دوا و الرابع ما اتقرؤا معي

الرابع مطري شفاه بس مدري شو اسمو ؟؟