السلام عليكم...

اذا بتريدو احكولي شوي عن الاختصاصات يلي عنا بالكلية..

بس تعداد وشرح كتير بسيط عن كل تخصص..

يعني صرت سنة تانية ولهلأ ما بعرف شو الاختصاصات..

مشان اذا حدا سألني اعرف جاوبه وما فوت بالحيط...

   

الاختصاصات هي :

الصيدلة الصناعية : تهتم بطرق تركيب الدواء (( المادة الفعالة والسواغات )) يعني ممكن نشبهها بمادة الصيدلانيات بل على مستوى صناعي أكبر وليس فقط  مخبري

المراقبة الدوائية : تهتم بكل طرق التحليل والاختبار ( سواء مادة فعالة أوسواغ أو دواء مركب)  والتي من خلالها نحكم انو هالدواء المصنع جيد أوسيء

المراقبة الغذائية : تهتم بكل طرق التحليل والاختبار التي تحكم على نوعية الغذاء

الصيدلة السريرية : هي تطبيق للمعلومات الدوائية الكبيرة على المعالجة من حيث المساهمة في وصف الدواء المناسب والجرعة المناسبة للمريض  ومراقبة المريض فيما يتعلق بفعالية الدواء وسميته

تأثير الأدوية: يهتم في استخدامات الأدوية وألية تأثيرها وتداخلاتها وأثارها الجانبية

السموم : يهتم بسمية المركبات الكيميائية بشكل أساسي وتأثيرها على الصحة وطرق كشفها  وتحليلها 

العقاقيروالنباتات الطبية : من اسمو بيهتم باستخدامات النباتات في المعالجة وتصنيفها وأصلها

التشخيص المخبري : من اسمو بيهتم بدراسة المعالم المخبرية  التي يمكن أن تساهم في تشخيص الأمراض

الكيمياء الحيوية السريرية : تطبيق المعرفة  الكافية بالجزيئات الحيوية في المجال الصحي

الأحياء الدقيقة : يهتم بدراسة الأحياء الدقيقة وكيفية تشخيصها

الدمويات والمناعيات : من اسمها تهتم بعلمي الدم والمناعة وتطبيقاتها في المجال الصحي


التقانة الحيوية : يتعلق بعلوم الوراثة وتطبيقاتها في المجال الصحي

شكراً إلك

كنت حابة حدا يذكرنا بلمحة عن كل الاختصاصات المتوافرة

شكراً إلك مراقب أدوية


بس شو الفرق بين اختصاص الأحياء الدقيقة والتشخيص المخبري

؟؟؟؟؟

السلام عليكم

xyz

طالعتلك بالسحبة من ساحة لساحة :)) تحملينا...

يلي بعرفو إنو الفرق الأحياء الدقيقة يعني الطفيليات وهالقصص بس(يعني تحليل البول ... و...) ... أما التشخيص المخبري فإلو علاقة بالدمويات يعني سحب الدم وتحليلو وتعداد و...و..... ولحتى تفتحي مخبر بدك يكون عندك الشهادتين سوا مو أنتي يعني يكون في شهادتين من هالاختصاصين لينفتح المخبر...

 

"يلي بعرفو إنو الفرق الأحياء الدقيقة يعني الطفيليات وهالقصص بس(يعني
تحليل البول ... و...) ... أما التشخيص المخبري فإلو علاقة بالدمويات يعني
سحب الدم وتحليلو وتعداد و...و..... ولحتى تفتحي مخبر بدك يكون عندك
الشهادتين سوا مو أنتي يعني يكون في شهادتين من هالاختصاصين لينفتح
المخبر"...

لأ سلام .....لفتح مخبر موشرط انو تاخدي شهادتين بالاختصاصين معا بل يكفي انو تاخدي شهادة بأحد الاختصاصات الثلاث اما  التشخيص المخبري أو الأحياء الدقيقة أو الكيمياء الحيوية  لكن الاختلاف يكون بنوع التطبيقات الذي يجريها كل اختصاص في المخبر
 
ففي حالة التشخيص المخبري الهدف الرئيسي هو التشخيص باستخدام كل المعالم متل تحليل البول والدم وفحص الجراثيم يعني هو بيدرس كيمياء حيوية وأحياء دقيقة معا ليستفيد منهما في التشخيص  ولا يتطرق الى التطبيقات الأخرى لاستخدام هذين العلمين 

 أما في حالة  اختصاص الأحياء الدقيقة بركز هون على  كل التفاصيل التي لها علاقة بالأحياء الدقيقة و كل تطبيقاتها  ومن أحد هذه التطبيقات التشخيص بفحص الأحياء الدقيقة وهون لايتم الاهتمام عادة بفحص البول والدم الا اذا كان لغايات الفحص الجرثومي

أما اختصاص الكيمياء الحيوية فهو يركز على دراسة الكيمياء الحيوية و كل تطبيقاتها ومن أحد هذه التطبيقات هو التشخيص من خلال فحص البول والدم دون التعرض للفحص الجرثومي

السلام عليكم

                                                                                                                                           
آسفة عالخربطة....  شكرا عالتصحيح..
                                                                                                                                           

السلام عليكم
أول الشي

اقتباس

حدا عندو فكرة عن آخر موعد للتسجيل بالنقابة
                                       
وإذا بدنا نقدم عالماجستير
                               
فهل ننتظر لوقت لفحص وي بيطلعلنا يا لأ
                                   
نقعد ننتظر وبعدين يحطو علينا غرامات تأخير

بتذكر أنو التسجيل بالنقابة كان بعدما الواحد بيتأكد إذا طلعلوا ماجيستير أو لأ لأنو إذا طلعلك ماجيستير بدك تسجل بالنقابة تبع دمشق (تبعاً بالاضافة للمركزية) أما إذا ما طلعلك فحسب شو بدك تعمل بشهادتك بتسجل بالريف أو الشام
ولتسجيل الماجيستير بدك ورقة إنك مسجل بالنقابة أما إذا الواحد ما بدو يقدم عالماجيستير فممكن يسجل من هلأ
وبظن آخر وقت للتسجيل ما بيطلع عليه غرامات تأخير 15-12 هيك بتذكر

تاني الشي
إذا طلع الفحص مو محاور بيكون أحسن بكتير وحتى لو الواحد اضطر يدرس كل شي ما بظن بتجي الأسئلة كتير اختصاصية يعني مو متل فحص المحاور

تالت شي
بالإضافة للشي يلي ذكروا مراقب أدوية
في فرق تاني بين اختصاص التشخيص المخبري والأحياء الدقيقة
هو أنو بالتشخيص المخبري الشهادة هي شهادة مزاولة مهنة يعني ما فيك تكمل دكتوراة بهالإختصاص أما بالأحياء الدقيقة بإمكانك تكمل دكتوراة بعد الماجيستير
بالتوفيق للجميع    

آخر ما صدر من قرارات عادلة في حق الطالب:

تم إيقاف ماجستير المراقبة والسموم بقرار رسمي

والغذائية عالطريق

وبالتالي انا راحت علي هالسنة وما رح قدم عالماجستير لإنو طموحي كان مراقبة وبعدين صرت فكر بالغذائية كخيار تاني وما لقيت حالي بأي مجال ثالث ممكن أفلح فيه

الحمد لله

يمكن ربنا كاتبلي الخير بمكان تاني


   

ومشان سؤالك "سلام"

الحد الأعلى للعدد المقبول هو حوالي 40 طالب بما فيهم الجامعات الحكومية الأخرى و الخاصة و الموازي

السنة الماضية يمكن كانوا حوالي 60

************************************************

سؤال:

أديش لازم يدفع الطالب للنقابة بالتسجيل فيها إذا ما كان مسجل بالماجستير

وشو بصير إذا الواحد ما سجل بالنقابة؟

السلام عليكم

يعطيكي العافية نور الهداية عزبناكي معنا... بس ليش ما تسجلي... طيب سجلي عالأدوية مو بتحبي الدكتورة سوسن... جربي حظك فيها... الله يخترلك الخير يا رب...

مشان الدفع فهي المتخرجين شاطرين فيها بس بتذكر إنو قالو 60 ألف ليلي مو مسجل ماجستير...

وإذا ما سجلتي بالنقابة قبل ما تخلص المدة بيتراكم عليكي غرامات وعلى هوا ما فهمت إنو الغرامات تقيلة........