السلام عليكم:

اليوم خطرلي أطلب شغلة هون نتعاون فيها:

يا ريت كلما حدا نزل عالكلية ولقى إعلان عن فرصة عمل يصورو ويحطلنا ياه هون.....أو حتى أي حدا بيسمع حواليه عن فرصة عمل يتركلنا إيميل هون


بركي بتنحل عقدتنا بهالطريقة ومنلاقي شغل راكز



موفقين

وعليكم السلام:

في صيدلية بالهامة بالخابوري لازمها حدا يداوم من الساعة 2.30 إلى 6

يمكن بعيدة شوي بس إذا بدكم بجبلكم رقمها


بالتوفيق

السلام عليكم
                                             
والله يا ريت تأمنيلي رقمها
                                                   
لأنو بيتي قريب للهامة
                                                     

السلام عليكم:


إن شاء الله اليوم بجيب رقمها

السلام عليكم

شباب وصبايا الصيدلة ويُفضل الخريجين حصرا في عرض عمل لاستلام صيدلية كاملة بصراحة هادا مو إعلان بالكلية هادا عرض عمل اجاني مبارح بس انا مااقدرت استلم هالصيدليةبسبب ارتباطي بصيدليةتانية وبُعد منطقة الصيدلية عن بيتي

وانا ماحبيت خلي هالفرصة تضيع وبصراحة صاحب هالصيدلية هو شخص مو صيدلاني وطلب مني انو بدو حدا ثقة
وانا هون  بعرفكون كلكون تقريبا ماشاالله عنكون جميعكم محل للثقة

المهم لح احكي عن طبيعة العمل وموقعو:

العمل: هو استلام صيدلية بشكل كامل يعني دوام كامل

المكان: شارع الأمين بجانب ابن عساكر

فالشخص أو الشخصاية يلي بيلاقو عندون مجال لهالشي ياريت يخبروني

وشكرا كتير             

الله يجزيكم الخير و فكرة حلوة



إذا حدا بيعرف صيدلية نواحي المخيم بدها صيدلانية ياريت يخبرني...

السلام عليكم

"بلسم الآلام"

كمان لو تبعتيلي رقم صاحب المحل بكون ممنون

================

"نور الهداية"

في صيدلية بالمخيم بدهم طالب صيدلة أو متخرج

بالمخيم

بس ما بعرف وين بالزبط

والعرض قديم شوي (من شي شهر أو أكتر)
                                                 
فما بعرف إذا لقو شخص أم لسا
                                                 
عموماً بس ارجع عالشام بسأل صاحب الصيدلية

في صيدلية بالشعلان لازمهم حدا يداوم الظهر من الساعة 2-6.....فإذا حدا مستعد يخبرني

أهلا وسهلا بالخريجين الجدد    

روقوا شوي لاحقين عالشغل

شوفوا هلأ وضعكم بالماجيستير وبعدها بتدوروا على مهلكن

ادعولنا ننجح بهالفحص

موفقين

   

اقتباس

روقوا شوي لاحقين عالشغل شوفوا هلأ وضعكم بالماجيستير وبعدها بتدوروا على مهلكن

لقلك بصراحة:

فرصة الماجستير عنا هالسنة ضعيفة كتير......ومو مشكلة وخاصة أنو يللي أنا حابة كمل فيه ما رح يزيد فرصي بالعمل بعد ما خلص

فلهيك حابة أني كون بدأت بطريق وجرب فرص جديدة ولما تطلع نتيجة الماجستير ما كون معلقة كل آمالي عليه وأنصدم أنو كل الناس بلشت طريقها وأنا لسا ضايعة......أما لما الواحد عم يشتغل فشو ما أجا من الله منيح وهو متابع طريقو



موفقين بآخر فحص عندكم