السلام عليكم

قررت أن أكتبها هنا فاعذروني

لا أعرف من أين أبدأ وماذا أقول فقد قررت الرحيل وسأبقي لكم ذكرى مني عسى

أن تذكروني

الى كل أقصدقائي .............................


ومولّع فيه قلبي قد شكى
دمعاً  مسيره  يوجع......
 
فالحبّ لحظة قد نحيا بها
والشوق نارٌ بأحشائي يقطّع
 
والبعد جمرٌ قد لوى أضلعي
أسدٌ في حماك أتضرع
 
فاسمعي إن شئت يوماً
فلصمت حبي أنينٌ يسمع
 
زرقاء اليمامة فخر في عيونها
لكن عينيك أحلى وأروع
 
ذكراك حرقةٌ تظل بداخلي
طوراً أداريها وطوراً تلسع
 
وحبك دمعةٌ في مقلتي
أخاف أبكيها فلا ترجع
 
لا تنسي فكلي متيمٌ
ما باح قلبي لغيرك مولع
 
كتبت قصائدي لأجلك تضرعاً
فلا شعري ولا قلمي بدونك يبدع
 
لا تعبسي فالفل جف عبيره
والطّير ناح والشمس تُدمع
 
سعاد عودي ,لا ترحلي ما
طاب عيشي دونك والموت أروع
 
إن غبت يوماً عنك فاعلمي
أني بِتّ تحت التراب موضع
 

قد لا أستطيع الرد عليكم فاعذروني

8/3/2011                    أيمن

إلى اللقاء

,والله العظيم يا شريك ما بعرف شو بدي أحكي .

يعني كلام من أحلى ما يكون يمكن بالنسبة الي هاد أحلى كلام بسمعو منك.

ومشان انو هي اخر مرة بتفوت عل المنتدى بتمنى أنك تعيد النظر فيه لأني حرام

تحرمنا من شعرك الرائع ومداخلاتك الظريفة واللطيفة وعنجد هي من المرات القليلة

اللي بمدح فيها حدا وما بينتابني شعور داخلي أني عم جامل.


مع خالص حبي وتقديري يا أغلى وأحلى صديق وشريك.

السلام عليكم
أخي أيمن
كنت بتمنى كون أول واحد برد على هالقصيدة بس المرض أبعدني

انت أكبر من الكبرياء وأنبل من النبلاء وأذوق من صناع الذوق

الشعر ينهمر من شفتيك كما ينهمر الماء من نبع جف منذ سنوات فأنت شاعر الشعراء

أتمنى لك مزيداً من من التألق والنجاح


أيمن لقد أحسنت الوصف وأتقنت الرسم وأثرت في مشاعرنا .

الوراق

صديقي العزيز la nostalgie

بصراحة قرأت الموضوع أكتر من مرة

وما كان بدي علق بتعرف لييش ؟؟؟؟

لأنو انهز بدني كتيير بس قرأت قصيدنك

هلأ ما بخفيك انو هي وبدون مجاملة أكتر مرة بحس انو الشي اللي كتبتو شعر

بس اللي زعجني هو انك ناشرو ....


أنا ممكن افهم انك بحالة صعبة بس شو مشان


خليك قوي


لا تخلينا نتذكر انك مرة كنت مدمر لهالدرجة

لا تخلينا نتذكرك بهالضعف

اقتباس :قد لا أستطيع الرد عليكم فاعذروني....


شو هالحكي ليش ناوي تموت لا سمح الله ؟؟؟؟

شو بدك انو نحنا نشفق عليك ؟؟

بدك نقول وقت تكون جاية سيرتك :

ياحراااام والله أيمن عم يتعذب كتيير 

يا أخي كلنا منمر بظروف صعبة بس بدنا نكتم ونخبي لكان لشو اسمنا رجال

شدلي حالك شوي  الله يرضى عليك

ما بحب شوفك بهالحالة

واذا شفتك بهالحالة مابحب اسمعك عم تشتكي وتندب عمرك الضايع واللي لساتك عم تضوعو


بحب شوفك قوي

بحب شوف أيمن المبسوط الفهمان الدريس
هاد الأيمن اللي بالقصيدة بيألمني بس شوفو

وأكيد ما بدك يانا نتألم ونشفق عليك مو هيك حبيبي؟؟؟


لا تزعل مني بس والله عم احكي من قلب محروق


الله يسعدك ويسعدنا جميعا

شوووووووو ,,,هاد بلووووود

 

وين مخبي هالأبداع ,,,جد ( بالعادة بجامل الناس )

 

بس هالقصيدة ,,,من أروع ماقريته من شعر هالأيام

 

تعرف هالقصيدة ,,,خرج ,,تلقيها بشي حفل بالمعهد ,,,يعني صار لازم نغير جو المعهد

 

و مشان موضوع القصيدة ,,,بتمنى يكون من صنع خيالك و لا يمس للواقع بصلة ,,,,

 

دمت ,,,و دام ,,,قلمك نير ,,,يضيء دربنا ,,,

 

ـــــــــــــــــــــــــــــــ أبجدية الياسمين  

 

 

ولله هالشعر رائع ....

مااعجبت بشعر من زمان ...

بس يااخ ايمن .... انت انسان عميق جدا ...

اعتقد انسان بهالحس العالي والعمق ...

خسارة نفتقدو بينا بتمنى ترجع وترد علينا ....

مالحياة الا ايام صعبة لكن ارادتنا لازم تكون اقوى من كل شيء

لن نختار اليأس أو نستسلم لظروف الحياة  ... وحتى  لحظة الموت يجب ان ننهيها  بقوة

نحن الشباب ..ز يلي لازم ارادتنا تهز الكون ... تعمل المستحيل ...

 ومو اي نكسة بتمر بحياتنا رح ننحني الها ...

... مهما غرزت الحياة مخالبها في لحمنا  نحن سنظل الاقوياء الصابرين بعون الله ....

اتمنى ردك  ...

تقبل مروري ..

السلام عليكم 

شلون الشباب

أكيد متفاجئين لأني رجعت بس كلام عبد استفزني

صديفي عبد  بحياتك لا تفكر اني تركت المنتدى وما عاد بدي فوت كرمال شي بنت

لأني بحياتي ما رح اعملها

بعدين الهروب مو ضعف بس اعادة لملمت الاوراق مو أكتر

اقتباس

أنا ممكن افهم انك بحالة صعبة بس شو مشان

مين يلي حكالك اني بحلة صعبة يازلمي شبك ليك مأحلاني (لا تصيبوني بالعين)

اقتباس

شو بدك انو نحنا نشفق عليك ؟؟

بدك نقول وقت تكون جاية سيرتك :

ياحراااام والله أيمن عم يتعذب كتيير

يا زلمي ليش هالحكي المزعج انا مو بحاجة لشفقة من شي حدا

لا منك ولا من أي حدا مهما كان

بس كل انسان بتمر بحياتو شغلات صعبة وبحاول يتخطاها وانا والحمد لله منيح وما فيني شي

اقتباس

واذا شفتك بهالحالة مابحب اسمعك عم تشتكي وتندب عمرك الضايع واللي لساتك عم تضوعو

والله انت عم تظلمني كتير بكلامك

اقتباس

هاد الأيمن اللي بالقصيدة بيألمني بس شوفو

وأكيد ما بدك يانا نتألم ونشفق عليك مو هيك حبيبي؟؟؟

القصيدة ما بتعبر عن الشخصية وهاد شي أكيد

وانا ما كنبتها لشخص معين بذاتو متل مانك مفكر انا أكبر من هيك

اقتباس

لا تزعل مني بس والله عم احكي من قلب محروق

زعلت كتير لما شفت هالحكي

كان فيك توجهلي اياه وجه لوجه مو عالمنتدى

والله لسا في كلام كتير بس يالله بكتفي بهذا الرد

               
     
فكرت أنو مافي أحلى من عيوني 
بس يلا معليش في سبيل الحب
مقبولة
عنجد القصيدة رائعة  
كلام عذب ولا أروع 
نزار قباني 2011                                       
                                        تقبل زيارتي