يا جماعة اللغة الاسبانية ممكن تخبرونا وتعطونا معلومات عن فرعكن هل هو فرع حديث أم له زمن قديم وشو فيكن تفيدونا يكتر خيركن رجاء الرد

يا أخي اذا حطيت  الموضوع بقسم اللغة الاسبانية اكيد في حدا يفيدك
لانو اقلة يلي بيعرفو هالاختصاص سيما وانه بين الاختصاات الحديثة الان
واتمنى ان تجد من يخبرك عنه لانه اعتقد ايضا الاختصاص يقل فيه عدد الطلاب
وشكرا

أنا طالبة أدب اسباني نجحت ع السنة الرابعة.رح خبركون شوي عن قسمنا يلي ما لو مشهور بكلية الاداب.
الفرع هو حديث ما صرلو 3 سنين يعني الدفعة الأولى لسا ما تخرجت.الفرع كتير حلو ومسلي ومفيد.
منتعلم في اللغة والادب والثقافة لأنو متل ما بتعرفوا اللغة الاسبانية مو بس محكية باسبانيا وإنما بأمريكا الاتينية وهي  اللغة الاولى بالعالم .
الاساتذة هنن لحد هلق اسبان في معيدة من قسم اللغة الانكليزية درست بالجامعة الاسبانية كالغة تانية بس هي اختصاصها لغة يعني ما تعطي مواد متل اللسانيات أو التاريخ.
نحنا بالقسم أعدادنا كتير قليلة بالمقارنة مع أعداد الطلاب بغير أقسام مثلا بالسنة التالتة كان عددنا 33 طالب بس ما بعرف كم واحد صرنا هلق بالرابعة.
الحضور كتير مهم لأنو دائما الاسئلة يلي بتجي بالامتحانات هية أسئلة فهم يعني مو يس بيجي من المحاضرات لازم  تركز بالمحاضرة و تقرا كتير من النت ومن كتب خارجية حتى يحس الاستاذ إنك مو باصم.
تعلمنا اللغة بالسنة الأولى لأنو ما كنا منعرف أبدا عنها من شان هيك يلي حابيين يدرسو الأدب الاسباني ما يخافو لأنو رح يتعلموها بسرعة خلال 5 أشهر ورح يقدرو يحكو ويكتبو بشكل كتير منيح.
ومتل أي قسم جديد في شوية فوضى يعني أوقات الاستاذ ما بيكون عرفان من وين بدو يبلش لأنو نحنا ما عنا مناهج,من شان هيك منعتمد كتير ع النت وع المكتبة الموجودة بالمكركز الثقافي الاسباني(ثربانتس).
موادنا متل أي مواد بأقسام كلية  يعني عنا لسانيات وأدب وتعبير كتابي
بتمنى إني كون عرفتكون ع القسم  وعطيت معلومات منيحة,وإذا حابين تسألو كمان أنا جاهزة لأي سؤال.

مرحبا:
ئريت رسالتك ورح جاوبك عن أسئلتك.
بالنسبة للمستقبل الوظيفي كل يلي قلتون ممكن يصيروا ما عادا الئعدة بالبيت.بس من شان كون صادئة ما حدا بيعرف شو ممكن نشتغل من بعد ما نتخرج لأنو لسا لهلق ما تخرجت الدفعة الاولى بس المهم في شغل.
بالنسبة للغة التانية هي الفرنسية وعلى فكرة هية كتير قريبة من الاسبانية.أما من شان موضوع الدكاترة رح تفهم عليهون ولو كانوا اسبان ومو اجباري تعمل دورات مع إنو في كتير طلاب بيعملو دورات بس أنا ولا مرة عملت بثربانتس كورسات وماشي حالي بئا هي شغلة نسبية في طلاب بيحسوا حالون ضعاف وبيحبو يصيروا أحسن وفي أشخاص ما بيحتاجوا ليعملو كورسات.
على فكرة أذا انت بتحب اللغات أكيد رح تكون مبسوط ومرووق بس بدي ذكرك بشغلة نحنا ما مندرس لغة بس ومندرس كمان أدب من شان ما يصير فيك متل ما صار برفقاتي يلي كانو مفكرين إنو بس رح ندرس لغةولما بلشنا ندرس مواد أدبية بالسنة التانيةمتل اللسانيات والنقدوهيك قصص رسبوا وصاروا يكرهو الفرع.
يتمنالك التوفيق وان نشا الله بيطلعلك الفرع يلي انت بدك ياه ورمضان كريم

السلام عليكم
شكرا الك إِسراء على مساعدتك و إنشاء الله منشوفك دائما هوني و يتفيدينا يمعلوماتك...

و بتمنى من الكل يعرض هون أسئلته مشان نستفيد الكل.

موفقة للجميع و رمضان كريم

تسنيم

أنا بصراحة طالبة آثار بس كتير بحب الأسباني وبعرف شوي,كتييييييرشوي  .وحابه أتعلم بصراحة قدما فيي,أنا حابه فوت عمعاهد بس ما بدي بلش من الصفر .وكمان بدي أعرف ترجمة هاي الجملة ازاممكن من العربية للأسباني لانو أنا بحب المعنى بالعربي بس حابيتا تكون بالأسباني

الجملة:{الحياة تستطيع أن تجعلك ملك السعادة للحظة في حياتك وذلك عندما تعطيك كل ما تريده ولكن السعادة الحقيقية التي تمنحك إياها الحياة عندما تحرمك من بعض ما تريده حتى تحس بقيمة ما لديك}

وشكرا عكل حال
وسلمولي عالدكاترة يلي بيعطو بفرعكن وخاصة ماريا  

باي

La vida puede hacer que el rey de los momentos de felicidad en su vida
cuando se le da todo lo que quieras
, pero la verdadera felicidad que te da la vida
cuando le bar de algunos de lo que quiere hasta que se sienta el valor de lo que tiene

بس مو متأكدي بس حبيت ساعدك 

عفكرا الجملة معناها كثير حلو

مع إنو مكتوب في رد لهالة بس مو باين عندي كيف هيك يعني؟؟؟؟؟؟؟؟؟

La vida puede hacer que el rey de los momentos de felicidad en su vida
cuando se le da todo lo que quieras
, pero la verdadera felicidad que te da la vida
cuando le bar de algunos de lo que quiere hasta que se sienta el valor de lo que tiene

بس مو متأكدي بس حبيت ساعدك

عفكرا الجملة معناها كثير حلو

شكرا كتيركتيرررررررررررررر عالمساعدة   ووعفكرة الجملة عادية  بس عيونك الحلوة