السلام عليكم:
طوق الياسمين
طولي بالك كلنا جايينا الدور....
زعلنا لما تخرجنا انو رح نترك رفقاتنا، ودعينا ربنا يصبرنا، وسبحان الله كملنا ماجستير ونحنا مبسوطين.....
بالنسبة الي رجعوا رفقاتي تبع السنة الأولى واجتمعنا مرة تانية، ومبسوطين على الآخر.
وهلأ خلصنا دوام وبكرا رسالة وما عاد نشوف بعض؟؟؟؟
مين قلك؟؟
فيكم تتفقوا دوما على الاجتماع مع بعض.
بالنسبة النا نحنا الشباب كل أسبوع عنا جمعة للشباب هادا غير المكالمات اليومية. هادا غير المشاوير في أنحناء سوريا.  بعدين بكرا بتشوفي لما بتبلشي بالرسالة ما بتفضي. وبتطلعلك ألف شغلة.
وبعد ما تخلصي ماجستير كمان بتطلعلك نفس المشكلة، والشاطر هو اللي بيقدر ما يحس فيها.
بعدين هيك الدنيا. صحيح قاسية بس ما بيطلعلها معنا.



اسمعي هالتسحيل وروقي:
http://www.4shared.com/get/68Ms-p51/__23-6-2011.html

السلام عليكم ...

وصلني هذا البرنامج الذي يبين تأثير ردود أفعالنا على طريقة حياتنا ....

فحاولوا التقليل من الانفعالات في حياتكم اليومية .....

http://www.jamaa.net/UP/40017/90_-10_%DE%C7%DA%CF%C9.rar

   

Brilliant*
شكراً كتير
العرض كتير حلو
عنجد نحنا يلي بنختار كيف بدنا نعيش
   

pharma87
شكراً عالتسجيل كتير مريح

يعني شو مشان المنتدى، شو الشغلة خيار وفقوس!!!!!!!!!

جيت بدي ارفع التسجيل على المنتدى ما قبل، ومن مبارح لليوم عم جرب، و Brilliant قدرت ترفع الملف.

السلام عليكم


golden pill

السلام عليكم

طوق الياسمين.. والله كلامك كتير مزبوط وكتير بفكر بهالطريقة.. عنجد بحس أحلى لحظات حياتي لما بقضيها بالجامعة .. وهلق قربنا عالتخرج.. مالي عرفانة بدون جامعة كيف رح تكون الحياة

شوفوا لي بالله هالحكي .. شو مشانو؟

أصدرت وزارة التعليم العالي قراراُ حددت بموجبه موعد بدء التسجيل للطلاب

الراغبين بالتقدم إلى امتحانات الدورة الصيفية

و ذلك اعتباراً من 15 / 7 /2011 و لغاية 1/8 /2011

حيث يتم تقديم طلب خطي إلى ديوان الكلية من قبل الطالب .
أما بالنسبة للرسوم المستوفاة من قبل الطلاب النظاميين و المستنفذين للدورة

الصيفية فهي كما يلي :

- الطلاب النظاميون لا يطالبون بأي رسم في هذه الدورة

- طلاب المرحلة الجامعية الأولى الذين استنفذوا فرص التقدم للامتحان المسموح به

من داخل أو خارج الجامعة يترتب عليهم دفع مبلغ ((( 500 ل.س))) عن كل مقرر .

- طلاب دراسات التأهيل و التخصص النظاميون دفع مبلغ 500 ل.س عن كل مقرر

- طلاب دراسات التأهيل و التخصص في جامعات الجمهورية العربية السورية الذين

استنفذوا فرص التقدم للامتحان من داخل أو خارج الجامعة دفع 500 ل.س عن كل

مقرر

كانو حاطينو بموضع عالمنتدى.. هالحكي صح؟؟ يعني بدنا نسجل عالتكميلي؟

يا جماعة الخير ... يعني الواحد بيزعل شوي لما يوصل لنهاية مرحلة معينة بحياته .. بس كمان

It's unbelievable to stand still  يعني لازم الإنسان يفوت بتجارب جديدة مع أشخاص جدد وإلا الحياة بتنقلب لروتين فظيع عم يتكرر كل يوم ... ولما منقول انو رفقاتنا بالجامعة معناتا الجامعة هيي السبب الوحيد يلي بيربطنا ووقتها بكون في إشارات استفهام عهالرفقة يلي ما بيربطها شي أكتر من المكان .. ما بعرف طبعاً هاد مجرد رأي مو أكتر

غولدن بل ...

تحليلاتك الغذائية كتير عجبتني ... بس أنا رايحة جاية بتسلى بمكسرات محمصة (كاجو، لوز إلخ) على أمل انو بتزيد الذاكرة .. بس هلأ على حكيك ما بكون عم بستفيد شي؟؟؟!!!!

nanon ,,, على حسب المكتوب بس بدكن طلب خطي وما عليكن رسم تسجيل ...

السلام عليكم ...

ملاحظة عل الهامش : Brilliant قدر يرفع الملف مو  قدرت