سلامات حيان

كيفك.............؟؟

أنا هيك رح أزعل منك بس بما أنك أخ عزيز رح رد عليك كمان بصراحة

انا ما بستحي من الاسم وإلا ماكنت سميت حالي هيك

بس من المرفوض وإنت بتعرف إنك تنادي لبنت بالدوام هيك أنا ما بتفرق معي
بس إنتو يعني الشباب مابتتقبلوا

يعني ما رح ترضى اكيد أنو يتعلق علي أو على أي بنت بطريقة هيك ولا هيك

وضحت الفكرة  أخي شدوان او أسمر أو حيان

سلامات

وموفق

السلام عليكم

صديقي عبد :

شكرا لك
( وبظن ما في داعي لتمسيح الجوخ )  

وهلقين بتمنى من ربي

يخليك ويحميك ويرعاك ونبقى أصدقاء للأبد

سلامات

شريكي الوراق

أنا ماني عم مسح جوخ
أنا مبسوط عنجد من أجوبتك
لأنو متل ما بتعرف كتير كمن الأسئلة اللي سألك ياهون أبو فراس
أنا سائلك ياهون من قبل
بس ما مجاوبني عليهون بها الصراحة وفي شي مو مجاوبني عليه أصلا

لذلك أنا كنت عم احكي عنجد وانت بتعرف اني ما بمسح جوخ خصوصي إلك

بكل ود
سلامااات

السلام عليكم جميعا ::

صار لازم أتنازل عن هذا المنصب لشخص أخر

وبما أنني لم أستطيع اختيار الشخص الذي يستطيع اكمال مسيرة التحديث والتطوير

فإنني أطلب مساعدتكم 


ولكم مني التحية والسلام  :  

السلام عليكم أخي حيان

أنا رح ساعدك
   
شو رأيك؟

بتقبل مساعدتي؟
   

أنا برأي تتنازل عن هالمنصب ل

محمد جهاد 

أو 

M.r B*

مابعرف الاختيار بيرجع إلك

سلامات

             

السلام عليكم :

إنا الله وإنا إليه راجعون

أنا الوراق أصرح وأنا بكامل قواي العقلية عن التنازل عن منصبي هذا شريطة أن

يستلم هذا المنصب شخص يستطيع أن يحافظ على أمن وسلامة المشاركين وحقوقهم   

أختي أميرة سورية

أحترم اقترحاتك وشكرا على مساعدتك ولكن بعد أن علم بعض الأشخاص بنيتي

على الاستقالة قاموا بالضغط عليَ ووضعي تحت الإقامة الجبرية   

كما أجبروني على التنازل عن منصبي لصالح..........

D'artagnan      ,   وبصريح العبارة  أبو عبدو 

أتمنى من الله تعالى أن يحفظكم

دمتم جميعا بخير ودام هذا الموضوع كصلة للأخوة 

والسلام عليكم 

السلام عليكم
شكرا كتير إلك عزيزي حيان على هذه الثقة العالية
يعني ما صار إلا وحطيتني بالمقلاية
سيدي إن شاء الله نكون قد المسؤولية و رح جاوبكون بكل صراحة وشفافية بس بتمنى ما تقلو الأسئلةعلي كتير
وكامل الشكر للعائلة البحوثية الكريمة
                 
                          دمتم بخير

السلام عليكم

مرحبا يا جماعة 
  وأخيرا

عدنا

(متل مابيطلع ب سبيس تون)

يلا بسم الله لنبلش بالأسئلة
   
1- من هو أول شخص تعرفت عليه بالمعهد وكيف ؟

2-شو ممكن تعمل لو كنت انت في مواجهة مع قرش:
*بتعمل حالك ميت.
*بتضربو على عينو.
*بتقاتلو .

أو إذا في شي تاني ممكن تعملو ؟؟؟

3- شو الهدية يلي بتتمنى حدا يهديك ياها بعيد ميلادك؟ وليش؟

4- آخر سؤال : بشو بذكرك كل مدرج عنا بالمعهد؟؟؟؟
(يعني للتوضيح مثلا أنا ورفقاتي بتذكرنا القاعة التالتة بقوبا لما كان يعطينا بالسنة الأولى بس طبعا مو شرط بس تذكرك بأساتذة ممكن أي شي تاني )

وبتمنى ماتكون أسئلتي تئيلة عليك وشكرا

             

هلأ و بالأول ماكنت حابب شارك ,,, بهالموضوع بظل هالأوضاع بس
و الله أبو عبدو كله ,,,, بالمقلية ,,, و الله ما بتتفوت ,,,,و إلة شوووووو ؟؟؟؟؟

يالله و بلا مقدمات ,,,,

السؤال الأول ( المدة المقدرة 40 دقيقة ) ........(25 درجات )

أقرأ هالقصيدة بتمعن ,,,

و طالبة في معهدي ليس يعيبها,,,,
 جموع حساد ,,,,ضاقت حِداقُها 

تروح و تغدو ,,,كل حين ,,كمهرة
تأخر عنها ,,,في الكمال ,,,رفاقها

تسابقها أغرار ,,,خيل هجينة ,,,
ولكن أصيل الخيل ,,,,صعب لحاقُها

و تزداد حسنً ,,, ما تطول دراسةٌ
كخمرٍ ,,,ستحلوا بالسنين عتاقٌها

       
والسؤال ,,,
هلأ ,,,,  بتشوف بنات المعهد بيستحقوا هالقصيدة ,,,,

أذا كان جوابك لأ ,,,, وضح ليش

و إذا كان الجواب نعم ,,,,أي بنت بالمعهد بتناسبها هالقصيدة أكتر من غيرها و ليش ؟؟؟؟

 (قلتلك 40 دقيقة )

الســـــــــــــــــــــــؤال التاني ,,,,(لكل طلب 5 درجات ,,,,25دقيقة )

وين بتاخدك هالكلمات ,,,,
1- حب
2-شجرة
3-عصفور
4-قمر
5-ثورة

الســــــــــــــــــــــــؤال الثالث ,,,,( 25 درجة ,,,,30 دقيقة )

على فرض أن بتحب بنت حتى ,,,الجنون

شو أكتر صفة ,,,لح تكون محببتك فيها ,,,,و شو أحلا كلمة بتتمنى تسمعها منها

الســــــــــــــــــــــؤال الرابع,,,,,(40  درجة ,,,,,30 دقيقة )

أملأ الفراغات التالية ,,,,
1- أفضل صديق لي في المعهد ,,,,,,,, ؟
2- أكثر شخص أتأثر بكلماته ,,,,,,؟
3-أفضل دكتور مر على رأسي ,,,,,؟
4-الله يحمي ,,,,, من كل شر .
5-ربوط ,,,,, مكان مايقلك صاحبه :)
6-قال علي رضي الله عنه ,,,,
لو أن الفقر رجل لقتله ,,,بالنسبة ,,ألك

لو أن ,,,,, رجل لقتله
7- ,,,,,, هي أكتر شغلة بكرها بهالحياة
8- ,,,,,هي أكتر شغلة بكرها بالبنت
9-أعلى علامة حصلتها بهالمعهد هي ,,,,,, بالمادة ,,,,,
10 - أنا ,,,,,,  ,,,,,,  محمد العمر  ــــــــــــــــــــــــ :)
11- أسئلتك (يعني أنا ) ,,,,,,,,,, أسئلة شمعون
12- أكتر شخص بحب زوره بالمعهد هو ,,,,
13-أنا خطي  ,,,,, (MTN or SYRIATEL )

(العلامة من 115  شو بدك أحسن من هيك )


مع تمنياتي بالتوفيق ,,,,,,

               

دمتم ,,,بود ,,,و محبة و وئام

ــــــــــــــــــــــــــــــــــــــــــــــــــــــــــــــــــــــــ أبجدية الياسمين

أبو عبدو الغالي ,,,نسيت قلك أنو في طلب أضافي ,,,أذا حابب تحصل ال 100

الســــــــــــــــــــــــــــــؤال الخامس ( أختياري )

أعتبر قدامك ,,, صفحة بيضة ,,,شو بتحب تكتب فيها  ,,,ولمين بتحب تهديها