ممكن إيضاح طريقة حل المسألة الأولى و خاصة الرسمة 

ممكن إيضاح طريقة حل المسألة الأولى و خاصة الرسمة 

هلأ الرسمة عبارة عن وصلة مؤلفة من صفيحة مثبتة عليها مجراية وموضحين نفس الرسمة بمسقطين جبهي وجانبي

طريقة الحل

بطلع من الكود صفات المقطع ويلي هنن السماكات والمساحة

بعدين بتفتح على صفحة25 بالكود لحتى تطلع شو هي py تبعا للسماكة ونوع الفولاذ

وبعدين بتشوف كم شكل لأسطح الانهيار عندك

رح أبدأ من المجراة

عندك شكلين لسطح الانهيار واحد بمر من برغيين والتاني من 3 براغي

وبدك تحسب أول شي a1 ويلي هي مساحة الجزء المربوط

وبعدين a2 ويلي هي Ag-a1

وبعدين An يلي هي المساحة الصافية من الكود صفحة 28

بس الحد يلي المفروض يطلع t*b أنت بتعوضه Ag لأنك هون ما عم تتعامل مع صفيحة

وبعدين Ae ويلي هي المساحة الفعالة من الكود صفحة 27

وبتقارنها مع Ag وبتاخد الأصغر

وبطلع قدرة تحمل المجراة على الشد من القانون بالصفحة 77

ونفس الخطوات بالنسبة لخط الانهيار التاني

وبتاخد قدرة التحمل الأصغر بين الاتنين

بالنسبة للصفيحة

نفس الخطوات السابقة بس قدرة التحمل من العلاقة Pt=py*Ag

وبتطبق هي العلاقةبالنسبة لكل خطوط الانهيار وبطالع القيمة الأصغر بالنهاية

وهنن بحالة الصفيحة أربع أشكال لخطوط الانهيار اتنين منن بيعطوا نفس الجواب بتعتبرون حالة وحدة

وبنهاية المسألة بتاخد أصغر قدرة تحمل للصفيحة وأصغر قدرة تحمل للمجراة

وبتقارن بيناتون وبتاخد الأصغر وهي بتكون أكبر قدرة تحمل للوصلة

بتمنى تكون فهمت عليي 

وأنا جاهزة لأي توضيح 

 

وبالتوفيق...

 

 

 

 

يا شباب نزلو الوظيفة بسرعة بدنا نقدمها للدكتور بس نزلوها ملفات بي دي اف و بااااااااااااااي ...............

شكرا كتير زميلة mimi

 

والله ما قصرتي

 

تحمليني شوي

شو بيفرق الحل اذا الوصل باللحام

وشكرا مرة تانية

شكرا كتير زميلة mimi

عفواً... هاد واجبنا وما في مشكلة أسأل أد ما بدك   

شو بيفرق الحل اذا الوصل باللحام

هلأ بالنسبة للقوة الشادة الشغلة الوحيدة يلي بتختلف هي القانون

أما بالنسبة للقوة الضاغطة ف Py تخفض بمقدار 20

يعني بتصير ال py هي 255

وأنت مطلع ال لمبدا من الطلب الأول ويلي هي 126.57 ومعك py الجديدة وصنف الفولاذ نفسه ما بيتغير صار فيك تطلع ال pc

وهاد هو الختلاف الوحيد وبعدين بتطبق العلاقة ومتل الطلب يلي قبلوا

إن شاء الله كون فدتك واي سؤال تاني أهلاً فيك

وبالتوفيق...

 

 

mimi أنا طلع معي الـ P يلي بـ AB المضغوط = 251.029
أنا اعتبرت Ag =3820 
لأنو لما اعتبرت Ag =1910
طلعت معي P=125.514
طلعت معي Pc  من curve c  و  Py=255
pc=87.4

 

وليش زعلانة حلك صح 

بظن أنك عم تحكي عن اللحام بس ما كون غلطانة   

والأجوبة صح وقت ال py بتكون 255 وصنف الفولاذ متلي يلي عاطينك ياه و اللمبدا من الطلب الأول بحدود 126.57 بتطلع معك ال Pc =87.43

وبالنهاية بالإسقاط بتطلع ال p= 250.49  يعني متل يلي عندك بس إختلاف أرقام بعد الفاصلة مشان التقريب

بءا روقي هي خلصتي وطلعت صح الحمد لله   

موفقة يا رب 

سلام 

مرحبا

أنا هلأ لصحلي حل الوظيفة

بالنسبة للسؤال التاني العنصر AB

والأجوبة صح وقت ال py بتكون 255 وصنف الفولاذ متلي يلي عاطينك ياه و اللمبدا من الطلب الأول بحدود 126.57 بتطلع معك ال Pc =87.43

هاد الشي في حال اعتبرتو L=4 m

لكن نحنا وقت ندرس التحنيب حول y فما منعتبر الشداد BD قيد ومنعتبر L هي لكامل العنصر CA وبالتالي L=8 m  =>    λy = 247

وبالتالي بيختلف الجواب

واللا أنا غلطان ؟

هاد الشي في حال اعتبرتو L=4 m

لكن نحنا وقت ندرس التحنيب حول y فما منعتبر الشداد BD قيد ومنعتبر L هي لكامل العنصر CA وبالتالي L=8 m  =>    λy = 247

بتصور حكيك صح وما خطرلي فكر فيها هيك أبدا ...

بس نحن حالين مسألة بالعملي الشكل بيشبه شوي تبع الوظيفة وكان المطلوب تصميم العنصر يلي متل ab هون واعتبرنا وقت حساب اللمبدا أنو Ly=Lx ويلي هو نفس طول العنصر بس كان المطلوب تصميم زاوية مو إيجاد أكبر قدرة تحمل وما بعرف إذا بيفرق الحل ولا لاء ...

بس إذا متل ما قلت معناها  القيود الجانبية إلها فائدة وهي هون بتمنع التحنيب حول المحورين x . y ومشان هيك طول العنصر ما بيختلف بالحالتين...

ما بعرف والله بس اعتبرتها بتشبه تبع العملي وحليت على هل الأساس بس حكيك مقنع أكتر

شكرا كتير

وبالتوفيق...

غيرت رأيي  

كنت عم فكر فيها من شوي

هلأ حكيك صح فيما لو كنا عن نحكي على عمود أما هون جائز شبكي يعني كل قطعة لحال إذا شفت المسالة التالتة القيد مستند استناد عل العمود ومو داخل فيه ومكتوب أنو موصول معه باللحام

أما بالمسألة التانية فكل قضيب هو قطعة لحالو ويلي بيفصل بينها هي مفاصل مشان هيك كل عنصر هون متمفصل من الطرفين ودائماً ال k هي واحد لعناصر الجائز الشبكي و معناه يمكن هون BD مو قيد

هيك بتصور بس ما لي متأكدة  

وبالتوفيق...