عليك Opera  ياصديقي 

انا كتير بيعجبني

سلام

هناك أشخاص يظنون أن قدرهم ومعرفتهم وفهمهم يزداد

بزيادة " فزلكتهم " على الآخرين 


(( جمعتني الحياة ببعضهم ))

يا ربيييييييييي مدري شو عم يصير ؟؟؟؟!!!!!!!!!

  ........

صارت معي اليوم شغلة حلوة
صارمعي حديث من أمتع الأحاديث بحياتي ومع واحد هندي
ورح قلكم بعض الحديث:

كنا عم نحكي عن الاختلاف بين المتعلم العربي والمتعلم الأجنبي:
-على حكيو: إذا بدي وظف واحد بالشركة تبعي طبعا بفضل أنو يكون عربي
-ليش؟؟؟
-لأنو بكل بساطة العرب تفكيرون أوسع بكتير من الأجانب يعني الأجنبي بيفهم بمجال معين وبيشتغل بظروف معينة وبكون مبدع بهل المجال أما العربي فإذا تغيرت عليه ظروف العمل فينو يأقلم حالو عكس الأجنبي تمام ...

- طيب إذا هيك ليش دائما منجيب خبراء أجانب؟؟
-لأنهم حمقى بيمشوا بس عل الكتاب وبتقلون اعملوا هيك بساوي متل ما بدك بس إذا طلبت تعديل  صغير عل الشي يلي هنن متعودين عليه ما رح يقدروا يفيدوك أما العربي فممكن يوسع مجال اختصاصه ليشمل كتير شغلات صحي يمكن ما يكون مبدع بشي معين بس وين من حطيتوا بيشتغل ومو بس بيفهم بشغلة وحدة وبوقف عند غيرها وببلاد برا العرب من أنجح الناس لأنو العربي برا بيتأقلم مع اشد الظروف أما الأجنبي فما بيتأقلم إلا مع ظروف بلده

-طيب نحن الفرع تبعنا كان اختصاصات وتحول بعدين لعام وهل الشي خلانا ناخد كل شي سطحي وما منغمق بولا مادة أما الأجانب فمتل ما قلت بيفهموه بالشي يلي متعلمينوا
-رح حاكيكي على اساس انك مهندسة وإذا سالتك كيف بتصممي هل الطاولة يلي قدامك بتعرفي
-إي
-وإذا قلتلك احكيلي عن الاسمنت بتعرفي
-إي
-هاد الفرق بين الطالب العربي والأجنبي ...الأجنبي إذا قلتله مثلا كيف بتصمم هل الطاولة بجاوب بس اسأله عرف الاسمنت بوقف لأنو مو هاد يلي درسه مع أنو هي شغلة المفروض تكون من البديهيات عند المهندس المدني

-على هل الحالة ليش جامعة دمشق ما إلها اي ترتيب بين جامعات العالم وبينما جامعات أمريكا وغير دول آخدة أعلى التراتيب
-ومين قلك أنو جامعات امريكا إلها ترتيب
-      Oxford
Harvard
      من الجامعات العشرة الأوائل بالعالم

-هدول جامعات استثنائيات بس شوفي غير جامعات هنيك جامعة دمشق أحسن منن بكتير
والأساتذة مو هي يلي بتصنع الجامعة
الطلاب هنن يلي بيصنعوها

-بس بعد ما حولوا نظام الاختصاصات لعام صار في ضغط هائل وصرنا كتير عم نتعب

-في مثل هندي بقول أتعب وأنت صغير بترتاح وأنت كبير
يعني أد ما الواحد أشتغل هلأ أد ما كان أريحله للمستقبل وإذا الواحد ما تعب على حالو هلأ وبيجي بالمستقبل بدو يظبط حالو ما رح يقدر لأنو فقد قوته... وعمر الشباب هلأ افضل عمر للبذل وبعدين التعب هلأ بخفف التعب لبعدين

-نحن تعودنا عل البصم ومنحس حالنا صعب نبدع ونشغل مخنا لأنو موادنا كلها بصم
-الإنسان هو يلي بختار أنو يطور حالو أو لاء ومو ضروري تكون الظروف هي يلي بتفرض عليه هل الشي ومتل ما بقول المثل الهندي

You don`t tell the diamond to shine it just shines by itself
and the diamond didn`t become a diamond by itself it turned like that after going through a lot of pressure


ما حبيت ترجم المتل... حبيتو متل ما هو
وحكى كتير شغلات تانية حسيتو كتير حكيم رغم أنو هو لسا ما طبق الأربعين ووقت سالتوه من وين جايب هل الحكمة قام قال من القعدة مع كبار السن وهو كان يقضي أغلب وقته بالقعدة مع ناس أكبر منو بكتير وكان كتير يسأل ويتعلم من تجارب الناس المختلفة
لأنن هنن مجربين الحياة أكتر من أي شخص تاني

طولت عليكم كتير بس حبيت شاركون وجهة نظر شخص مو عربي فينا نحن العرب
حسيتو بقدرنا أكتر ما نحن منقدر حالنا ...
إن شاء الله كون ما مللتكم     ...وبعتذر عل الإطالة...   

هلق بالنسبة للمثل ماكتير فهمته  

بس ماحبيت ترجمه   
صارت معي اليوم شغلة حلوةصارمعي حديث من أمتع الأحاديث بحياتي ومع واحد هندي 
ورح قلكم بعض الحديث:

لا الحوار حلو وظريف

والله منيح طلعنا كبار بعيون غيرنا ؟؟؟؟ 

كبير ابو صالح 

خلص ولايهمك الترجمة علي:

انت مارح تحسن تطلب من الالماس انو يتالق ,,, لانو بيتالق لحالو ,,, والالماس مابصير الماس من حالو

هوبصير الماس بعد ما يتعرض للكثير من الضغط ,,,,,

سلام

شكرا ميمي على نقل الحوار 

ولو اني مو مع هالهندي ببعض من النقاط ...

مثلاً : مبدأ أنو العربي بيعرف بكل شي وبيدبر راسو بكل شي ما بظن أنو من الصح نبقى عليه ...

لأنو أحد أساسات النهضة ببلادنا أنو نبدع بالمجال يلي مندرس فيه ... مو ندرس وننجح بس ...

النجاح بيخلينا نعيش ... بس ما بيخلينا ننهض بأمتنا ونسبق الأمم الأخرى  ...


هاد رأيي 


وشكرا للأستاذ الهندي يلي قدرنا ... ولو أنو هالشي ما بيختلف عليه اتنين



تحياتي ...